![\"\"](http://undesten.mn/uploads/posts/2017-05/1495682369_10.jpg "\\"\\"")
ОУВС-гийн Монгол Улсад хэрэгжүүлэх хөтөлбөр батлагджээ. Гурван жилийн хугацаанд хэрэгжих \”Өргөтгөсөн санхүүжилтийн хөтөлбөр”-ийн хүрээнд 440 сая ам.долларын санхүүжилт манай улсад орж ирэх юм.
Энэ талаар УИХ-ын гишүүн Ч.Хүрэлбаатар \”Өчигдөр шөнө ОУВС-гийн Захирлуудын зөвлөл Монголтой хамтран хэрэгжүүлэх хөтөлбөрийг баталлаа. АНУ, Япон, Хятад, Англи, Орос, Франц, Герман зэрэг орны 24 захирал санал нэгтэйгээр баталжээ. Тэд Монголд, одоогийн төр засагт итгэж байна.
Монголын эдийн засаг тогтворжиж эхлэх нь тодорхой болж байна. Төгрөгийн ханш яах вэ, дахиад унах уу? Америк долларын ханш яах бол? гэдэг асуултыг олон хүн надад тавьдаг. Одоо төгрөгийн ханш унахгүй, харин ч чангарна аа, манай улсын валютын нөөц нэмэгдэж, хөрөнгө оруулалт нэмэгдэнэ ээ гэдгийг хэлье.
Монголын эдийн засгийг хямралаас гаргахад хөрөнгө оруулалт хэрэгтэй, бусад орны дэмжлэг хэрэгтэй, хатуу ч зөв бодлого явуулах нь зүйтэй гэж үзэж, дэмжиж байсан бүх хүмүүст талархал илэрхийлье\” гэжээ.
![\"\"](http://undesten.mn/uploads/posts/2017-05/1495682272_1491326257_1471824471_logo1.jpg "\\"\\""){kind=logo}
