\”Cinema Awards” наадмаас \”Үргээлэг-2” киногоор шилдэг зохиолчийн шагнал хүртсэн Т.Бум-Эрдэнэтэй ярилцлаа.
-\”Үргээлэг-2” уран сайхны киногоор шилдэг зохиолчийн шагнал хүртлээ. Баяр хүргэе. Сэтгэгдлээсээ хуваалцаач?
-Энэ миний өөрийн бодож байсан шаналал. Зохиолоо бичихдээ хоёр саруйн хугацаа зарцуулсан. \”Үргээлэг 1” кино маань гараад нилээн өндөрлөгт хүрсэн болохоор тэр нэр хүндийг нь унагачихгүй юмсан гэж бодож өндөр хариуцлага оногдсондоо. Зохиол дээрээ ажиллахдаа хүний дотоод сэтгэлийг илүү харуулахыг зорьсон.
-\”Үргээлэг-2 ” уран сайхны киногоо нээчихээд \”ийм л зүйл дутагдаж байна даа” гэж дараа нь бодогдож байв уу?
-Бодол төрөлгүй яахав. Ер нь зохиолч хүн зураг авалт болон найруулага хийж байх явцад нь найруулагчийнхаа дэргэд нь байх байж дээ гэж бодсон.
–\”Үргээлэг-2” уран сайхны кино Залуу үед үлгэр дууриал үзүүлсэн номинацид нэр дэвшсэн. Яагаад залуу үеийнхэн үлгэр дууриал үзүүлсэн бүтээлд өрсөлдсөн гэж бодож байна вэ?
-Залуу үеийнхэнд үлгэр дууриал үзүүлсэн номинацид нэр дэвшсэн нь нэлээн дөхөж очих байх гэж би бодож байна. Энэ кинонд нийгмийнхээ учрыг сайн олоогүй гурван залуугийн тухай гардаг. Гэхдээ хамгийн сүүлд хэн хохирох вэ гэвэл залуучууд л хохирно. Үүнийг харуулж байгаа болохоор нэр дэвшсэн байх. Дэвшсэн нь зөв юм.
-Та одоо ямар бүтээл дээр ажиллаж байна вэ?
-Би одоо найруулагч Б.Гарамхандтай уянгын драмын киноны зохиол дээр ажиллаж байгаа.
-Ярилцсанд баярлалаа. Таны уран бүтээлд амжилт хүсье.
Г.Нараа
