Талийгаач бүсгүйн үхэлд Сохо Мебелийн захирал буруутай юу?

 

Энэ сарын 5-ны өдөр Нарны хорооллын 18-р
байрны 22 давхраас унаж харамсалтайгаар
амиа алдсан охины хэрэг цахим ертөнцөд шуугиан тарьж байна. Болсон хэрэг явдлын тухайд Талийгаач Ж өнгөрсөн тавдугаар сарын 31 нд Хан Уул
дүүргийн цагдаагийн хэлтэст \” Захиралдаа зодуулчихлаа” гэж гомдол гаргаж
байжээ. Талийгаач бүсгүй Их Монгол группийн харьяа Сохо Мебель ХХК-ын захирал Ж
гэгчийн туслахаар гурван сарын өмнө ажилд орсон байна. Талийгаач бүсгүй Ж-г
харамсалтайгаар хорвоог орхисон талаар түүний нагац эгч Б.Нарангэрэл өөрийн
цахим хуудаснаа бичсэн байжээ. Ингээд түүний бичвэрээс үүдэн талийгаач охины
хэрэг олон нийтэд ил болсон юм. Тэрээр нагац дүүгийнхээ талаар манай дүү их
сэргэлэн цовоо хүүхэд байсан, өндөр байшин дээрээс гэнэтхэн үсрэх хүүхэд биш
гэж яриандаа дурдсан байна. Энэ хэргийн цаана үнэхээр амиа хорлолт байсан
эсэхийг удахгүй мэргэжлийн байгууллага танилцуулах биз ээ.

 

Бүсгүйн амиа алдсан өдөр юу болов?

Талийгаач бүсгүй ажилд ороод удаагүй
байхдаа манай захирал их өргөн мэдлэгтэй хүн гэж ам сайтай байжээ. Гэвч
өнгөрсөн тавдугаар сард эгчдээ ажлаас гармаар байна гэж хэлж байсан аж. Үүний
дараа өнгөрсөн сарын 30-ны өдөр бүсгүй оройн 11 цагт гэртээ ирээгүй байсан
учраас түүний нагац эгч залгахад
талийгаач бүсгүй \”Манай захирал уугаад согтуу байна, намайг машин барьж
гэрт хүргэж өг” гэж эгчдээ хэлсэн.
Утсаар ярьснаас хойш 20 минутын дараа бүсгүй гэртээ ирж эгчтэйгээ ажлаасаа
гарах талаар ярилцаад унтсан байна. Маргааш нь буюу тавдугаар сарын 31-нд 13:30
цаг орчмын үед эгч рүүгээ утсаар захиралдаа зодуулчихлаа гэж утсаар ярьжээ.
Түүний дараа бүсгүй дахин утас цохин захирлыг цагдаа аваад явчихлаа би
гүйцэтгэх захиралтай хамт явж байна гэжээ. Ингээд тэр өдрийн 15 цагт гэртээ нүд
нь хөхөрчихсөн хамар нь битүү гэмтэлтэй гэртээ ирсэн байна. Бүсгүй тэр өдөр Хан
Уул дүүргийн цагдаагийн хэлтэст өөрийн гараар өргөдөл бичиж өгчээ. Тэр өдрийн өглөө захирал Ж. гэгч өрөөндөө шал
согтуу байдалтайгаар \”Наад ширээгээ цэвэрлэ” гэж зандарч уурандаа бүсгүйн
үснээс зулгааж зодсон байна. Гэвч Энэ сарын хоёронд цагдаа дээр очиход
талийгаачийн өргөдөл гомдол байхгүй гэж Хан Уул цагдаагийн газрынхан хэлсэн аж.
Талийгаач бүсгүй энэ сарын 5-ны өдөр ахтайгаа хамт Хан-Уул дүүргийн цагдаа руу
явж байгаад \”Сохо мебель”-ийн камерыг
шалгуулахаар цагдаагаас өгсөн бичгийг
өөр машинд хийгээд мартсан байснаа буцаж ирээд Цамбагараваас тэр машинаас
бичгээ авсан. Ингээд Ж-ийн толгой өвдөөд байна гэхээр нь Цамбагаравын яг
хажууханд нь байсан эмийн сан руу орж полдамин аваад уусан гэсэн. Цагдаа руу
хөдлөх гэтэл Ж \”Эмийн сангаас хариултаа
авахаа мартчихаж” гээд гүйгээд явсан байгаа юм. Тэгээд л 16:30 минутын үед алга
болчихсон. Гэтэл 17:20 минутын орчимд нарны хорооллоос цогцос нь олдсон байна.
Нарны хорооллын хяналтын камерт үлдсэн дүрс бичлэгт талийгаач бүсгүй амиа
хорлох гэсэн хүний шинжгүйгээр Пруис 30 маркийн машинаас буугаад тэр байшин руу
яаараад оржээ. Бүсгүй лифтээр 16 давхарт буугаад түүнээс хойш 15 минутын дараа
тус хорооллын 22 давхраас үсэрсэн байна. Түүний ар гэрийнхэн бүсгүйн үхэлд Сохо
Мебель компанийн захирал Ж-г буруутгаж байгаа юм. Харин талийгаач бүсгүйг
хүчирхийлэхийг завдсан гэх \”Сохо мебель” компанийн захирал Ж гэгч эхнэр дөрвөн
хүүхэдтэй бөгөөд амиа алдсан бүсгүйн ар гэрт эмгэнэл үзүүлээгүй байна. Талийгаач
бүсгүйн нагац эгч тус компанийн захирлаас дүүгийнхээ амийг нэхэж байгаа бөгөөд
дүү минь санаандгүй үйлдэл хийх хүн биш гэдгийг учирлаж байлаа. Бүсгүйг амиа
алдсаны дараа задлан шинжилгээнд үхлийн учир шалтгааныг тодруулахыг хүсчээ.
Задлан шинжилгээний хариу 14 хоногийн дараа гарах аж. Одоогоор хэргийг
үргэлжлүүлэн шалгаж байна. 22 настай цэл залуухан бүсгүй юунаас болж амиа
алдсаныг эргэн мэдээлэх болно.