Бүсгүйчүүд бид хүн гомдоохгүй гэсэндээ, эсвэл бүдүүлэг сэтгэгдэл төрүүлэхээс айсандаа \”Үгүй” гэсэн үгийг хэлж чаддаггүй. Таних танихгүй хүн бүрийн гуйлтыг биелүүлж явсаар эцэст нь харахад өөртөө наасан зүйл нэг ч байдаггүй шүү дээ.
Хүнд татгалзсан хариу хэлэх бидний бодож байгаагаас ч илүү амархан бас энгийн. Хамгийн чухал нь яаж хэлэх аргаа л зөв сонгох хэрэгтэй юм.
1. \”Би яг одоо өөр хэд хэдэн чухал зүйл хийж байгаа учраас энэ гуйлтыг чинь биелүүлж чадахгүй нь ээ”
– Танд чөлөөт цаг үнэхээр байхгүй бол шалтаг хэлэх хэрэггүй
– Таныг завгүй байсны төлөө хэн ч буруу тохохгүй
2. \”Надад үүнийг хийхэд таатай биш байх болно / Би ийм юманд дургүй”
– Үнэхээр дургүй зүйлээ албан хүчээр хийвэл тэр чинь өөрийгөө дарангуйлж байгаа хэрэг болно шүү дээ
– Таны дургүй зүйлд дуртай хүн байгаа ч юм билүү?
3. \”Би энийг хийхэд тохирох хүн гэж өөрийгөө бодохгүй байна. Чи А-гаас асуугаад үзвэл яасан юм?”
– Өөрийн чадлынхаа хэмжээг мэдэж байх нь муу юм биш
– Биелүүлж чадахгүй амлалт өгчихвөл та ч, тэр ч хохирох болно
4. \”Надад өөр төлөвлөгөө бий”
– Та заавал өөрийнхөө төлөвлөгөөний талаар тайлагнах ёсгүй гэдгийг санаарай
– Хэнд ч гэсэн ажил гарч болно
5. \”Чи өөрөө энэ ажлыг маш сайн хийж чадна гэдэгт би итгэж байна”
– Хүмүүс ихэнхдээ өөрийнхөө чадварт эргэлзсэн үедээ бусдаас тусламж гуйдаг
– Ингэж хэлснээр та тэдэнд алсдаа маш том тус болж буй хэрэг юм
6. \”Би хувийн амьдралдаа/өөртөө цаг гаргамаар байна”
– Гэр бүлдээ цаг гаргахыг хүссэнээрээ та ёс зүйгүй ааш гаргаж байгаа хэрэг огт биш
– Хувийнхаа хүсэл сонирхлыг эн тэргүүнд тавих зоригтой бай
7. \”Би яг одоо ажилдаа анхаарлаа хандуулах хэрэгтэй байна”
– Та өөрийнхөө эрч хүчийг ажилдаа зарцуулах бүрэн эрхтэй
– Ажлаас болж зарим нэг найз нөхөд, эсвэл олон нийтийн цугларалтаас татгалзах нь байдаг л зүйл
8. \”Би дараа өөр зүйл дээр чинь туслъя”
– Нэг удаа \”үгүй” гэж хэлснээр дахин хэзээ ч \”тийм” гэсэн хариу өгөхгүй гэсэн үг биш юм
– Хэн нэгэн таниас үнэхээр хэцүү зүйл хүсч байвал зүгээр л татгалзаарай
9. \”Би чамайг энийг хийж чадах өөр хүнтэй холбож өгье”
– Хэрэв та энэ удаад тусалж чадахгүй бол, өөр хэн нэгнийг санал болгоорой
– Гэвч үнэхээр тэр гуйлтыг биелүүлж чадах хүнийг холбож өгөхөө мартуузай
10. \”Үгүй ээ би хийж чадахгүй нь, уучлаарай”
– \”Нялуунаас шулуун нь дээр” гэдэг үгэнд сүсэглэдэг бол та шууд энэ аргыг хэрэглэсэн нь дээр
– Энэ хатуу үгийг ч бас зөөлөн хэлж болдог
Боломж байвал туслалгүй яахав. Хэрэв боломжгүй байвал өөрийгөө хүчлэх хэрэггүй. Учир нь үгүй гэж хэлснээр та хэний ч өмнө хариуцлага хүлээхгүй, хэний ч өмнө буруутан болохгүй гэдгийг сайн ойлгоорой. Харин ч өөрийгөө хүндэлдэг хүн хэрэгтэй үедээ \”үгүй” хэмээн ичиж зоволгүй, эрс шийдэмгий хэлж чаддаг байх хэрэгтэй.
Үгүй гэж хэлэхийн үр дагаврын талаархи айдас бол зүгээр л хий хоосон зүйл юм шүү!
![\"\"](http://undesten.mn/uploads/posts/2015-10/1445233581_download-1.jpg "\\"\\"")
Би хүнд татгалзаж чаддаггүй юм аа. Хааяадаа үгүй гээд хэлчихвэл хүн гомдоочихсон юм шиг санагдаад, үүндээ их шанална. Тэгээд л эцсийн дүндээ тэр хүн рүүгээ эргэж утасдаад ЗА гэчихдэг юм”-35 настай А
