![\"\"](http://undesten.mn/uploads/posts/2017-06/1497406205_esh.png "\\"\\"")
Ерөнхий Боловсролын Сургууль төгсөгчдийн хамгийн хариуцлагатай цаг үе болох Элсэлтийн Ерөнхий Шалгалт өнөөдөр 12:00 цагт Монгол хэл, бичгийн шалгалтаар эхэлнэ.
ЭЕШ ӨГӨХ ШАЛГУУЛАГЧИД ДАРААХ МАТЕРИАЛЫГ БҮРДҮҮЛСЭН БАЙНА
- Бүртгэлийн хуудас
- Суудлын хуваарь
- Цахим үнэмлэх болон мөн түүнтэй адилтгах баримт бичиг
- Бүрэн дунд боловсролын үнэмлэх, түүнээс дээш боловсролын баримт бичиг
ЭЕШ-ЫН ҮЕЭР ТАВИГДАХ ШААРДЛАГА
- Шалгуулагч шалгалтын байранд шалгалт эхлэхээс 1 цагийн өмнө ирсэн байх шаардлагатай бөгөөд шалгалт өгөх анги, танхимд 10 минутын өмнө суудлаа эзэлсэн байна. Дурдсан хугацаанаас хожимдсон шалгуулагчийг шалгалтад оруулахгүй.
- Шалгалтын анги танхимд гар утас, тооны машин, таблиц, томъёоны хураангуй, ном, дэвтэр, ноорог цаас, гарын авлага, цаасан болон электрон толь бичиг, компьютер, таблет, ухаалаг цаг, дуу хураагуур, чихэвч зэрэг бусдад саад болох, хууран мэхлэх зорилготой ямар нэг зүйлийг авч орохыг хориглоно.
- Хариултын хуудсыг санамжийн дагуу хар эсвэл цэнхэр өнгийн үзгэн болон тосон балаар тод засваргүй бөглөнө.
![\"\"](http://undesten.mn/uploads/posts/2017-06/1497406292_undesten.jpg "\\"\\"")
