\”Цалинтай ээж\” хөтөлбөр хэрэгжиж эхэлбэл бүсгүйчүүд бидэнд ажил хийх шаардлага алга

Хүн амын өсөлт, төрөлтийг дэмжих зорилгоор 0-3 насны хүүхэд асарсны тэтгэмж болох сар бүр 50 мянган төгрөг олгох \”Цалинтай ээж\” хөтөлбөр батлагджээ. Цалинтай ээж хөтөлбөрт заасны дагуу \” Эх олон хүүхэдтэй, өрх толгойлсон эцэг эхэд тэтгэмж олгох тухай хууль өнгөрсөн баасан гарагт батлагдсан байна. Энэ хуулийн хэрэгжилт ирэх оны 1-р сарын нэгнээс эхлэн хэрэгжинэ. Улсын төсвөөс 72 тэрбум төгрөгийг ирэх жил олгохоор төлөвлөжээ. Эл хуулийн талаар Хөдөлмөр Нийгмийн Хамгааллын яамны сайд Н.Номтойбаяр ингэж өгүүллээ.

\”Хүн амын цонх үеийг хэвээр хадгалах, залуу насны бүтцээ хадгалах үүднээс жирэмсэн эхэд таван сартайгаас эхлэн төрөх хүртэлх хугацааны тэтгэмж сар бүр 40 мянган төгрөг. 0-3 настай хүүхдийн эхэд сар бүр 50 мянган төгрөгийн тэтгэмж, 4 хүртэлх насны ихрүүдэд хүүхэд бүрийн тоогоор нэг удаад 1-3 сая төгрөгийн мөнгөн тэтгэмж олгоно. 3 ба түүнээс дээш хүүхэдтэй өрх толгойлсон эх, эцэгт улирал бүр 240 мянган төгрөг олгож байхаар зохицуулна. Үүнийг тойроод нийгэмд ямар буруу ойлголт байна вэ гэхээр 0-3 гэдгийг андуурч байна. 0-1 настай, 1-2 настай хүүхдүүдэд өгнө гэж ойлгож болохгүй ээ. Нийтдээ 36 сар  тэтгэмж хүртэх ийм зохицуулалт шүү.” гэв.

·         Жирэмсэн эхэд сар таван сартайгаас эхлэн төрөх хүртэлх  хугацааны тэтгэмж сар бүр 40 мянга,

·         0-3 насны хүүхэдтэй

·         4 хүртэлх насны хоёр ихэр хүүхдэд тус бүр сая төгрөг нэг удаа,

·         3 болон түүнээс  дээш хүүхэдтэй өрх толгойлсон эцэг, эхэд улиралд нэг удаа 240 мянган төгрөгийг тус бүр олгохоор заажээ.

Тэгэхээр бүсгүйчүүд бидэнд ажил хийх хэрэг алга. Гэртээ хүүхдээ харангаа улсаас сар бүр 50 мянган төгрөг авчихна. Хүүхдээ гурван нас хүртэл гэвэл дунджаар 1 сая 800 мянган төгрөг. Үүн дээр нэмээд хэрэв хоёр ихэр хүүхэд гаргавал улсаас нэг удаа хоёр сая төгрөг олгоно. Гурван ихэр бол тус бүр гурван сая буюу нийтдээ есөн сая төгрөг. За тэгээд болоогүй нөхрөөсөө салаад өрх толгойлье гэж бодье. Ингээд улирал бүр 240 мянган төгрөг жилд 960 мянган төгрөг шинэ батлагдсан хуулиар танд олгогдоно. Бодох нээ бидэнд ажил хийх хэрэг байна уу бүсгүйчүүдээ. Нөгөө талаар хүүхдээ өсгөх гэж зовж яваа олон мянган ээжүүдэд таатай боломж бүрдлээ. Монголын үр сад маш олон болтугай.