Дахин санал хураалтын ирц улсын хэмжээнд 18.8 хувьтай байна

Сонгуулийн ерөнхий хорооноос 12 цагийн
байдлаарх сонгогчдийн ирцийн мэдээллийг өглөө. Сонгуулийн ерөнхий хорооны дарга Ч.Содномцэрэн хэлэхдээ\” Аймгийн дүнгээр ирц 17.33 хувьтай байгаа бол нийслэлд 20.6 хувьтай улсын дүнгээр ирц 18.83 хувьтай байна. Өмнөх санал хураалттай харьцуулахад 2 хувиар бага байна. Энэ бол яг 12:00 цагийн дүн биш. Нэгээс хоёр цагийн өмнөх мэдээлэл.

Гадаадад байгаа сонгогчдын саналыг 4, 5-нд авсан, нийтдээ 42 салбар комисс авсан. Санал хураалтын мэдээг өчигдөр орой ирүүлсэн. Нийт 2,699 сонгогч саналаа өгч ирц 37.7 хувьтай байна.

Зөөврийн хайрцгаар 28,544 хүн саналаа өгөхөөр бүртгүүлснээс 26,088 хүн саналаа өгсөн байна.

Ирц санасныг бодвол сайн явж байна гэж үзэж байгаа. Гэхдээ цаашдаа ирцийг нэмэгдүүлэхээр сонгуулийн хороодтой холбогдож, иргэдийн идэвхийг нэмэгдүүлэхийг уриалж байна\” гэв.

Монгол Улсын Ерөнхийлөгчийн 2017 оны ээлжит сонгуулийн санал хураалтын явцын мэдээ 12 цагийн байдлаар

Аймаг/хувиар/

Архангай аймаг 16.2

Баян-өлгий 9.5

Баянхонгор 20.7

Булган 15.6

Говь-Алтай 18.4

Говьсүмбэр 23.7

Дорноговь 21.5

Дорнод 16.2

Дундговь 16.3

Завхан 19.8