Zi+number one₌ Нэгдэл

Улс төрийн хүрээнд нэгдэл талцал хүчээ авч ирэх сонгуульд хэн хэнтэйгээ хамтарч, хэн нь хэнээсээ урвах вэ гэдгээ шийдэх чухал сонголтын өмнө иржээ. МАН-ынханы дунд сонгуульд МАХН-тай нэгдэж орох сонирхол их байдаг. Учир нь тус намын ялагдал МАХН-тай шууд холбоотой. Саналыг нь хувааж, өнөөгийн хүнд нөхцөлд оруулсан болохоор удирдлагууд нь зарим нэг хүмүүстээ өнөө хэр өширхөж буй. Тэгвэл улс төрийн салхи өөрөөр салхилж эхэлжээ. Нэгэн цагт биенээ авлигачаар нь дуудаж  шоронд хүртэл хийлцэж явсан эрхэмүүд хөтлөлцөн явж байна.

 

Учир нь улс төрийн хүрээнд МАХН, АН хоёр ирэх сонгуульд хамтарна гэсэн таамаг аль хэдийнэ түгжээ.  МАХН-ны хувьд өнөөдөр МҮАН-тай хамтарч буй. Уг нь энэ эсвэл гэрээ ёсоор хоёр сонгуульд хамтран орно. Гэвч МАХН-ын нарийн бичгийн дарга Ц.Шаравдорж \”Манай нам сонгуульд ямар намтай хамтрахаа шийдээгүй байгаа. Ямар ч намтай хамтрахад бэлэн” гэв. Харин намын дэд дарга Д.Тэрбишдагва \”Ирэх сонгуульд бие дааж орох уу, эсвэл хамтрах уу гэдгээ ярилцаж байгаа” гэж ярьсанаас үзвэл МҮАН-тай ирэх сонгуульд дөрөө харшуулахгүй, байгуулсан гэрээгээ ч таг мартаж байгаагийн шинж байх. 

 

Үүнтэй зэрэгцээд Ардчилсан намыхан МАХН-ыг МҮАН-аас салгах ажиллагааг давхар гүйцэтгэхээр санаархаж байна. АН-ын дарга З.Энхболд хэзээнээс М.Энхсайханы талаар сайн үг хэлж байгаагүй. Хэдэн сарын өмнө гэхэд л \”Үгэнд орохгүй бол М.Энхсайханыг огцоруулна” хэмээн мэдэгдэж, Тавантолгой, Оюутолгойг амжилттай гацааж чадсан. Тэгвэл энэ удаа бас л түүнийг \”хөөхөөр” ярилцаад эхэлчихжээ. З.Энхболд энэ удаа нэг сумаар хоёр туулай ононо. Хэрвээ М.Энхсайханыг огцоруулбал МҮАН зүгээр сууж чадахгүй. Магадгүй энэ Засгийг ч унагааж мэднэ.

 

Ч.Сайханбилэгийн Засгийн газрын унагаах бүлэглэлийн цаана З.Энхболд бий гэж зарим нь ярьдаг. Хэрвээ үнэн бол М.Энхсайханыг л түлхчихэд асуудал өөрсдөө ундарч, нэр цэвэр үлдэх магадлал өндөр байгаа юм. Ийнхүү   Zi+number one₌ Нэгдэл хүчээ авч байх хойгуур бусад намууд ч зүгээр суухыг хүсээгүй бололтой. Тэд ч мөн нэгдэж, хамтрах талаар ярилцаад авч. Өөрөөр хэлбэл МАХН үерхэлдээ үнэн ч бус байсан тул МҮАН хамтрагч хайж эхэлжээ. Үе үеийн Засгаас яаж ийгээд л бялуу хүрчихдэг ИЗНН –тай тэд хамтрахыг хүссэн, түүгээр ч барахгүй энэ талаар яриа хэлэлцээр хийсэн гэх мэдээлэл байна.   

 

Эх сурвалж: Сhuhal.mn