Х.Баттулга: Иргэдээ ядууруулж цөөн хүний халаас зузаардаг бурангуй ёсыг таягдан хаяна

 

 

 

 

Монгол Улсын тав дахь Ерөнхийлөгч Халтмаагийн Баттулга Төрийн ордны их танхимд тангаргаа өргөхөд бэлэн болтоод байна. УИХ-ын гишүүд, Засгийн газрын гишүүд, Үндсэн хуулийн цэц, Дээд шүүх, Ерөнхий прокурорын газрын дарга нар оролцож байна. Түүнчлэн манай оронд суугаа ЭСЯ-ны төлөөгчид оролцлоо. 

УИХ-ын дарга М.Энхболд Ерөнхийлөгчөөр
сонгогдсон Х.Баттулга таныг тангарга өргөхийг урилаа. МУ-ын тав дах ерөнхийлөгч Х.Баттулга ард түмэндээ хандаж ийн хэллээ. Тэрбээр \”Элэг нэгт ахан дүүсээ, УИХ-ын эрхэм гишүүд, хүндэт зочид
хатагтай ноёдоо.

 

-Миний бие иргэдийн итгэлийг хүлээж Ерөнхийлөгчийн тангаргаа өргөлөө.

 

-Би Ерөнхийлөгчийн албыг чин шударгаар зүтгэх дуудлага хэмээн хүлээн авч
байна.

 

-Итгэл өгч, мөрийн хөтөлбөрийг маань дэмжсэн нийт иргэддээ халуун баяр,
талархал илэрхийлье.

 

-Өнөөдөр Монголын ард түмэнд олон төрлийн хүлээлт байна.

 

-Шийдлээ хүлээсэн олон сорилтууд эх оронч сэтгэлгээ, хамтын ажиллагаа, хөдөлмөр
зүтгэлийг шаардаж байна.

 

-Та бүхнийхээ өндөр итгэлийг шаргуу зүтгэлээр хариулан ажиллахаа тангараглаж
байна.

 

-УИХ-ын эрхэм гишүүдээ, нэн тэргүүнд би иргэдийг ядуурлаас аврах,
ажилгүйдлээс гаргахын төлөө та бүхэнтэй хамтран ажиллах болно.

 

-Хамтын хүч ямагт амжилт авчирдаг билээ.

 

-Монголчууд аа, ахан дүүсээ. Би иргэдээ сонсдог, иргэдтэйгээ хамтран ихийг
бүтээдэг Ерөнхийлөгч байна.

 

-Миний бие хууль ёсыг уландаа гишгэсэн хуйвалдаанч түшмэлийн бодлогыг
дэмжихгүй.

 

-Төрийн албыг наймаалдаг аливаа төрлийн гэмт үйлдэлтэй шийдвэртэй тэмцэнэ.

 

-Иргэдээ ядууруулж цөөн хүний халаас зузаардаг бурангуй ёсыг таягдан
хаяна\”.

Мөрийн хөтөлбөрийг маань дэмжсэн  та бүхэнд баярлалаа. Надтай өрсөлдсөн өрсөлдөгчийхөө цаашдын ажилд амжилт хүсье.Иргэд биднээс эх оронч сэтгэлгээ шаардаж байна. Би Зэвсэгт хүчний ерөнхий командлагчаар сонгогдлоо. Та бүхний өндөр итгэлийг шаргуу зүтгэлээр хариулна. Ядуурлаас гаргах, ажилгүйдлийг арилгахад хамтран ажиллах хүсэлтэй байгааг минь хүлээн авна уу. Ядуурал ноцтой түвшинд хүрлээ. Энэ зорилгын төлөө УИХ, Засгийн газартай хамтран ажиллана. Хамтын хүч ямагт амжилт авчирдаг. Ард түмний эрх ашгийг хөндсөн шийдвэр гаргавал засаж залруулна. Иргэдээ сонсодог Ерөнхийлөгч байна. Ингээд ээлжит бус чуулган өндөрлөж Халтмаагийн Баттулга ерөнхийлөгчийн үүрэгт ажилдаа орлоо.