Дэлхийд таашаагдах концертын танхимтай боллоо

The Corporate Hotel & Convention Centre-ийн хамт олон Монгол Улсын урлагийн түүхэнд нэгэн шинэ хуудсыг эхлүүлж, Олон улсын өндөр зэрэглэлийн концертын танхимыг ашиглалтад орууллаа.

Тэд танхимынхаа нээлтэд зориулж дэлхийд чансаагаараа дээгүүр бичигддэг Оросын нэрт төгөлдөр хуурч Эльмар Гасановыг урьжээ.

Учир нь The Corporate Hotel & Convention Centre болон KAWAI Mongolia компанийн хамт олон \”ЭЛЬМАР ГАСАНОВ МОНГОЛД” элит тоглолтыг хамтран зохион байгуулахаар төлөвлөөд байгаа юм.

Төгөлдөр хуурч Эльмар Гасанов Оросын нэрд гарч яваа RusQuartet хийлийн квартетийн хамт Монголд ирэх юм. Тоглолтоор, сонгодог хөгжмийн эрин үеийн ноён оргил болсон Бетховены Sonata 23 op.57 \”Appassionata\”, Оросын нэрт хөгжмийн зохиолч Рахманиновын Variations on a Theme of Corelli, Германы хөгжмийн зохиолч Брамсын Piano quintet f moll op.34 дэлхийд ховорхон ТОГЛОГДСОН сонгомол бүтээлүүдийг хүн төрөлхтний сэтгэл зүрхийг 90 жилийн туршид хөглөсөн гайхамшигт KAWAI төгөлдөр хуураар тоглох сонгодог үдшийг хамтдаа өнгөрүүлэхийг урьж байна. 

Тоглолтын үеэр нэрт төгөлдөр хуурч болон Монголын урлаг соёлын одод, нийгэм улс төрийн хүндтэй эрхэмүүдтэй хамт хүндэтгэлийн хүлээн авалтад оролцох боломжтой.

The Corporate Hotel & Convention Centre-ийн концертын танхим нь 72 замтай фульттэй YAMAHA дууны техник, SENN-HEISER микрофон, EVO брэндийн гэрэл, HD LED дэлгэц avolite media server удирдлага, динамик хөдөлгөөнт тайз бүхий бүрэн дижитал системтэй, 1,100 хүний суудалтай дэлхийн стандартын тайз юм. Өөрөөр хэлбэл дэлхийн ямар ч од манай улсад ирсэн шаардлагыг нь бүрэн хангаж чадахуйц тайзтай болсон нь монголчууд бидний нэг бахархал юм.