![\"\"](http://undesten.mn/uploads/posts/2017-07/1500703115_20257960_1649523605072453_7397356595126017097_n.jpg "\\"\\"")
Чөлөөт бөхийн 2017 оны өсвөр үеийн Азийн аварга шалгаруулах тэмцээн Тайландын нийслэл Бангкокт үргэлжилж байна. Хоёр дахь өдөр хөвгүүдийн 42, 50, 58, охидын 40, 46, 52, 60, 70 кг-ын жингийн барилдаан болж байгаа бөгөөд өнөөдөр хүч үзсэн Монголын найман бөх бүгд медалийн төлөө барилдахаар боллоо. Охидын 46 кг-ын жинд Баянхонгор аймгийн тамирчин Т.Цээням, 52 кг-д Баянхонгор аймгийн тамирчин Б.Хонгорзул, 60 кг-д Чингэлтэй дүүргийн тамирчин Н.Анударь нар алт, хөвгүүдийн 42 кг-д Налайх дүүргийн \”Голомт” цогцолбор сургуулийн тамирчин М.Мөнхтөгөлдөр, 50 кг-д Дархан-Уул аймгийн \”Хасу-Мегастарс” клубийн тамирчин Н.Наранхүү, 58 кг-д \”Хасу-Мегастарс”-ын О.Сүлдхүү, охидын 40 кг-д Архангай аймгийн тамирчин Б.Хонгорзул, 70 кг-д Сэлэнгэ аймгийн тамирчин Ц.Хулан нар хүрэл медалийн төлөө тус тус барилдахаар болсон юм. Медалийн төлөөх барилдаан монголын цагаар 17:00 цагт болно.
![\"\"](http://undesten.mn/uploads/posts/2017-07/1500703096_1491326257_1471824471_logo1.jpg "\\"\\""){kind=logo}
