Б.Энхбаяр: С.Зоригийн хэргийн цаад захиалагчийг илрүүлэх ёстой

 

Өнгөрөгч баасан гаригт төр нийгмийн зүтгэлтэн С.Зоригийн амь насыг хөнөөсөн Б.Содномдаржаа, Ц.Амгаланбаатар, Т.Чимгээ нарт холбогдох рэгийг Улсын дээд шүүх хэлэлцээд тус бүрт нь 20 жилийн ял оноож хэргийг хаалаа. Гэвч шүүгдэгчдийн ар гэрийнхэн шүүхийн шийдвэрт гомдолтой байгаа гэдгээ илэрхийлж, дараа дараагийн шатны шүүхэд хандана гэдгээ мэдэгдэж байгаа билээ.

Харин ард нийт алуурчид гэхээсээ энэ аллагыг захиалагч нь хэн байв аа гэдэгт анхаарлаа хандуулж байгаа. Зарим эх сурвалжууд захиалагчийг олж тогтоосон гэх мэдээллийг өгч байгаа юм. Тиймээс л хууль, шүүхийн байгууллага шударга ажиллаж, захиалагчийг зарлахыг шаардах боллоо. 

Тэгвэл Хууль зүйн, дотоод хэргийн дэд сайд Б.Энхбаяр өөрийн цахим хуудсаар дамжуулан дараах тайлбарыг хийсэн байна.

Тэрээр \”…Төр, нийгмийн нэрт зүтгэлтэн, ардчилсан хөдөлгөөний анхны удирдагч С.Зориг агсаны амь насыг зэрлэгээр бүрэлгэсэн гэмт хэрэгтнүүдийг Монгол Улсын Дээд шүүх гэм буруутайд тооцон эцэслэн ял шийтгэлээ. 19 жилийн өмнө оюутан байх үeд тэр нэгэн өглөө сэтгэл хиртхийлгэсэн аймшигт мэдээг ТВ-р анх үзэхдээ үнэмшихгүй байсныг нуух юун.

Эхнэртэйгээ хоёул түүнийг сүүлчийн замд нь үдэж цуваа явж өнгөрөх замд харууслаа илэрхийлж үдсэн нь саяхан санагдана.

 

Энэ хэрэг илрэхгүй, илрэхээсээ өнгөрсөн байхдаа гэж бодож байсан. Ямартай ч гэмтнүүдийг мөрдөгч, тусгай албад, прокурорынхон олон арван жилийн нөр их ажлын үр дүнд олж илрүүлж, шийтгэж чаджээ гэдэгт итгэж байна. Хэргийн \”захиалагч\”, \”нууц\” гээд олон нэхэл шаардсан асуулт олон хүнд байгаа болов уу. Надад ч байна. 

Мөрдөн байцаалт, шүүхэд буй ямар ч хэрэг, тэр дундаа \”нууц\” хавтаст хэрэгтэй танилцах эрх, боломж бусдын нэгэн адил надад байхгүй. Байх ч ёсгүй. Тэр утгаараа энэ хэргийн талаар олон эргэлзээ, асуулт, таамаглал надад байдаг. 

Юуны өмнө тэр захиалагч хэн бэ, яагаад тэр олдохгүй, шалгадаггүй юм бол гэх асуулт?! Тэр асуудлыг өөртөө хойш тавин, өнөөдөр Улсын Дээд шүүх энэ гэмт хэргийг гардан гүйцэтгэгчдийг яллаж шийтгэсэнтэй холбогдуулж энэ хэргийг ирүүлэхийн төлөө 19 жилийн туршид ажиллаж байсан, ажилласан, илрүүлсэн, нотолсон мөрдөгч, прокурор, тусгай албан хаагчдад баяр хүргэх нь зүй ёс гэж үзэж байна. 

Та бүгдэд баяр хүргэe! \”Төрийн нууц\” нь аль болгоныг дэлгэж болдоггүйг би мэднэ. Монгол Улсын 3 шатны шүүх шийдсэн учраас Та бүхэнд итгэж байна. Хуйвалддаг хэлмэгдүүлдэг гэхэд ийм хэрэг дээр бүхэл бүтэн 3 шатны шүүх хилс хэрэгт хэн нэгнийг хийгээгүй гэдэгт бас итгэхийг өөртөө хэллээ. Шударга ёс ялах болтугай. Захиалагч байгаа бол илрүүлэх ёстой…” гэжээ.