![\"\"](http://undesten.mn/uploads/posts/2017-08/1502244939_20638678_768859909968217_3635641832027850981_n.jpg "\\"\\"")
Өнөөдрөөс яг 25 жилийн өмнө Мөрөөдлийн Баг 1992 оны Барселоны Олимпийн Наадамд түрүүлж, алтан медаль хүртэж байжээ.
Зарим сонирхолтой баримтаас дурдая:
– Мөрөөдлийн баг 8-0 гэсэн төгс амжилтыг үзүүлэхдээ өрсөлдөгчөө дунджаар 43.8 онооны зөрүүтэй хожиж байв
– Тоглолт бүрдээ 100+ оноо авч, тэмцээний турш 117.3 оноог дунджилав, энэ нь Олимпийн дээд рекорд юм
– NBA-гийн тоглогчдыг Олимпд оролцохыг зөвшөөрсөн анхны наадам бөгөөд 1-15 хооронд дугаар өмсөх ёстой учраас Жон Стоктоноос (12) бусад нь бүгд өөр дугаар сонгосон юм
– Дасгалжуулагч Чак Дэйли тэмцээний турш нэг ч удаа завсарлага захиалаагүй нь сонирхолтой
– Мөрөөдлийн багийн онооны лидэр нь Чарлз Баркли байсан ба тэр нэг тоглолтонд 18 оноо дунджилсан бол араас нь Майкл Жордан бичигджээ (14.9)
– Мөрөөдлийн багийн тамирчид аюулгүй байдлаа хангах шалтгаанаар бусад олимпийн тамирчидтай хамт тамирчдын хотхонд байрлаагүй, оронд нь тэд Амбассадор гэдэг дээд зэрэглэлийн зочид буудалд байрласан түүхтэй
– Багийн ахлагчдаар Лэрри Бөрд, Мэжик Жонсон нар ажилласан
– Лэрри Бөрд (35 настай) багийн хамгийн ахмад тоглогч байсан ба алтан медаль авсанаас 10 өдрийн дараа сагсан бөмбөгөөс зодог тайлсан юм
– Дюкийн Их Сургуулийн оюутан Кристиан Лэйттнэр (22 настай) багийн хамгийн залуу нь байсан ба Скотти Пиппен, Дэвид Робинсон нараас 4 дүү байв
– Карл Мэлоун багийнхаа хамгийн эхний оноог авахаас гадна хамгийн сүүлийн довтолгоог мөн хийжээ
– Хэдий тэд тэмцээний турш босоо байсан ч өмнө нь болсон оюутны шигшээ багаас бүрдсэн багтай хийсэн бэлтгэл тоглолтонд хожигдсон юм шүү, тэр багт Грант Хилл, Крис Уэббэр, Пенни Хардауэй, Аллан Хьюстон нар байсан билээ
– Мөрөөдлийн Багийг 2010 онд Сагсан Бөмбөгийн Алдрын Танхимд багаар нь залж байлаа
– Лэйттнэрээс бусад бүх тоглогчид, 4 дасгалжуулагчийн 3 нь бүгдээрээ Алдрын Танхимд нэрээ мөнхөлсөн юм
Сагсан бөмбөгийн түүхэн дэх хамгийн агуу багт алт авсан өдрийн 25 жилийн ойн баярын мэндийг хүргэе!
Г.Идэр-Ууган
