Өмнөговьчуудын сонголт буюу “бохь”, “жааз” хоёр

 

Өмнөговиос сонгогдсон төрийн түшээдийн тар нь танигдаад удаж байна. Хурал
дээр бохь зажлаад, төрийн дуулал явж, наадам нээж байхад утсаар яриад зогсож
байдаг гишүүн Н.Амарзаяа Өмнөговиос сонгогдсон. Мөн өөрийнхөө зургийг жаазлаад
залууст тараадаг УИХ-ын гишүүн Л.Энхболд бас л Өмнөговиос сонгогдсон билээ.
Далай лам ч өөрийн зургийг жаазлаж тараадаггүй шүү дээ. Гэтэл мань гишүүн
өөрийнхөө зургийг жаазлаад нутгийнхаа залууст бэлэглэж байгаагаас үзэхэд тухайн
үйл явдлыг ихэд бэлэгшээсэн бололтой юм.

Үнэндээ улс төрийн наад захын соёлгүй ийм л хүмүүс Өмнөговь нутгийг төлөөлж
байгаа гэж бодохоор багахан эмзэглэл төрж байгааг нуугаад яах билээ.

 

Уг нь аймгаа хөгжлүүлээд, бусадтайгаа өрсөлдөөд явж баймаар. Гэтэл нэг
гишүүн нь \”би ажлаа хийх гэж байхад …” гэж ирээд уулзалтанд ирсэн иргэдээ
загинана. Нөгөө нь жаазтай зургаа тараагаад л домоглоно. Харин аймаг нь бахь
байдгаараа…

Өмнөговьчууд тэднийг өмнөх гишүүд, өмнөх засгаас сайн ажиллана л гэж
сонгосон байх даа. Гэвч бохь зажлаад тоосон шинж алга.