Зуун жил унтсан МҮЭХ гишүүдээсээ татвар авахдаа нүдээ цавчдаггүй

Юуны өмнө өвгөн миний үзэл бодлыг хүндэтгэж үнэ хөлс
нэхэлгүйгээр энэхүү бичвэрийг минь байршуулж өгч байгаа хэвлэл мэдээллийхэнд
баярлалаа.

МҮЭ байгууллага нь социалист нийгмийн үед МАХНамын дайчин
туслах, үгнээс нь гардаггүй сайн хүү байсныхаа ачаар өнгөрсөн олон арван он
жилүүдэд хөдөлмөрчин хүнээр татвараа бүрэн дүүрэн хурааж материаллаг бааз
сууриа бүрэн бэхжүүлж барилга байшин газар мал аж ахуй тариалан мөнгө эрх мэдэл
гээд аль алиных нь оргилд гарч чадсан хэдхэн хүмүүсийн эрхийн байгууллага
болсон байна. Өнгөрсөн хугацаанд энэ байгууллагын хийсэн бүтээсэн ажлыг миний
өчүүхэн оюун ухаан үгүйсгэх гэсэнгүй ээ тийм ч ёс суртахууны хүмүүжил надад
байхгүй. Гэхдээ энэ байгууллагыг хөдөлмөрчин хүний төлөө юу хийснийг бодох
гэхээр санаан дахь сав дүүргэх ажил үнэндээ мөхсөн. Харин ажилчин анги бид үе
үеэрээ дамжин хөдөлмөрлөж МҮЭ байгууллага бидний эрх ашгийг зөрчигдсөн цагт
хамгаална гэж итгэсээр өглөг болсон татвараа төлсөөр ирсэн минь ганц үнэн
байна.

Сүүлийн 20 гаруй жил улс эх орон маань алхсан харайсан капитализмруугаа
эргэн харайлаа. Төр засаг маань ардчилсан хүмүүнлэг нийгэм цогцлоон байгуулна
гэж ард иргэдээ хошгирууллаа. Тэгээд ч үл барам ард иргэдийнхээ хөлс хүчээр бий
болдог мөн л нөгөө татвараас хэдхэн эрх мэдэлтнүүд үндэстний хөрөнгөтөн болж
чадлаа. Харин ард иргэд ядуурсаар өрнөөс өр зээлнээс зээлийн хооронд өдөр хоног
өнгөрөөсөөр хөдөлмөрчин хүний эрх ашгийг хамгаалдаг үйлдвэрчний байгууллага
маань унтаад сэрдэггүй ээ.

Гэвч нэг татвар 2 оршсоор түүнийг ашиглан зарим нэг
нь албан тушаал бизнесийнхээ шат гүүр болгосоор үнэндээ МҮЭбайгууллага түүнийг
удирдаж байгаа хүмүүс /татвар төлөгчөө/
ажилчин ангиа мөнгө болгон харсаар 20 гаруй жил боллоо.

Мал хараад хоол болгон
сэтгэдэг хүмүүстэй агаар нэгэн буй. Бид сайн санаж байна. 2 жил гаруйн өмнө
нэгэн уурхайн ҮЭХ дарга ТВ радиогоор ажилчдынхаа эрх ашгийг хамгаалахын төлөө
тэмцээд эцэст нь өөрийгөө шатааж байсан тэр цаг үед ҮЭ байгууллагууд тэр тусмаа
МҮЭХ бидэнд татвар төлдөггүй бие даасан хүмүүс учир оролцохгүй ээ гээд хээв нэг
хэлээд сууж байсан билээ. Жилийн өмнө баруун аймгийн нэгэн суманд төрийн алба насаараа хашсан эх хүн улс төрчдийн золиос
болж ажлаасаа хэлмэгдээд сэтгэлийн шаналалаа даалгүй өөрийгөө зулын гол
болгосон. ҮЭ татвараа өөрийн эрх ашгийг хамгаална гэж төлдөгтэй хэн ч
маргахгүй.

Энэ хүний эрх ашгийн төлөө тухайн ҮЭ байгууллага нь нэг үг дуугарсан
бол энэ хүн амь насаа егүүтгэх хүртлээ ганцаардах байсан гэж үү? МҮЭХ мөн л
загас мэт чимээгүй өнгөрсөн. Мянга мянган хөдөлмөрчдийн эрх ашиг өдөр тутам
хөндөгдөж эмзэглэх гуниглал хөвөрсөөр МҮЭХ татвараа авсаар унтсаар л байна. МҮЭ
гишүүд дэмжигчид бид өөрсдийн эрх ашгийн төлөө тэмцэх капиталист нийгмийн энэ
хөрсөнд МҮЭвлэлээ сэрээж жинхэнэ утгаар нь зохион байгуулах татварынхаа
тогтолцоог өөрчлөх цаг нэгэнт болжээ. Олон арван жилээр хуримтлагдсан хөрөнгө
мөнгөө хууль хяналтын байгууллагаар шалгуулж одоогийн удирдлагад хариуцлага
тооцох цаг нь болжээ. МҮЭвлэлээ аварцгаая гишүүдээ дэмжигчидээ.

Үйлдвэрчний эвлэлийн ахмад гишүүн, Иргэн Н.Гомбосүрэн

Undesten.mn