Н.Түвшинбаяр: Миний сүүлийн дэлхийн аварга

Унгарын нийслэл Будапешт хотноо өнгөрсөн наймдугаар сард болсон ДАШТ-ээс Жүдо бөхийн төрөлд медаль авсан тамирчид өнөөдөр эх орондоо ирлээ. 

Олимпийн алт, мөнгөн медалийн эзэн Н.Түвшинбаяр Дэлхийн аварга шалгаруулах тэмцээнээс анхныхаа медалийг хүртэж, олимп, дэлхийн хос медальтан болсон билээ. Тэрбээр Унгарын нийслэл Будапешт хотноо жүдо бөхийн насанд хүрэгчдийн ДАШТ-ий +100 кг-ын жинд хүрэл медалийн төлөө Европ тивийн аварга, Бакугийн \”Их дуулга”-ын аварга, Гүржийн бөх Гурам Тушишвилиг цэвэр дарж, ялалт байгуулан өнөөдөр баг хамт олны хамтаар эх орондоо хүрэлцэн ирлээ.  Энэ үеэр Монгол түмний хайртай хүү Найдангийн Түвшинбаяртай цөөн хором ярилцлаа.

-Юуны түрүүнд Монголынхоо ард түмэндээ , Жүдо сонирхдог хүмүүстээ, Жүдог дэмждэг хүмүүст баярлалаа гэж хэлье. Миний хувьд маш олон жил ДАШТ-ээс медаль авъя гэж бодож зорьж бэлтгэл сургуулилтаа хийдэг байсан. Харамсалтай нь хасах 100 кг-ийн жинд медаль авч чадаагүй, дэлхийн аваргын тэмцээнээс хүрэл медаль авсанд маш их баяртай байна.

– Мэдээж тэгэлгүй яахав. Миний медалийн санд ганц байдаггүй нь дэлхийн аваргын медаль байсан.

– Нэмэх 100 кг-ийн жингийн тамирчид амаргүй л дээ. Үнэхээр хэцүү барилдаан хийлээ. Олон жил барилдсан туршлагаар л миний хувьд давуу байсан болов уу.

– Энэ сарын 10-ны өдөр Булган аймгийн Сайхан суманд энэ жилийн наадмаар \”Монгол улсын заан” цолонд хүрсэн учраас манай нутгийнхан, найз нөхөд, ахан дүүс маань хүндэтгэлийн наадмыг хийх гэж байгаа. Энэ наадамд зав зайтай хүмүүс байвал бүгд очиж үзээрэй. Миний төрсөн нутгаар очиж наадаарай гэж хэлмээр байна.

– Миний хувьд сүүлийн гэж хэлж байгаа нь өнөөдөр би 33 настай шинэ залуучууд гарч ирж байна. Ирэх жилээс залуучууд маань сайжраад дэлхийн аварга шалгаруулах тэмцээнд амжилт гаргаасай гэж хүсч байна. Тэдэндээ боломж олгох ёстой юм болов уу.Тиймээс л миний сүүлийн дэлхийн аварга гэж хэлсэн.