Ар Монгол Хятадад нэгдэх хүсэлтэй байгаа гэнэ үү?

 

Ар Монгол энэ бол бидний амьдарч буй 1 сая 566 мянган км/кв газар нутаг юм. Хоёр их гүрний дунд орших миний эх орон, миний өвөг дээдсийн голомт өнө мөнхөд оршин тогтносоор байгаа. Байх ч болно. 

 

Гэвч урд хөршөөс үе үехэн Ар Монголыг Хятадад нэгтгэх тухай үзэл санаа цухалзах боллоо. my.tv.sohu.com гэх сайтад Ар Монголчууд Хятадад нэгдэх, Өөртөө Засах орон болох хүсэлтэй байгаа тухай нэгэн бичлэг орсон байна. Үүнийг үзэж сонссон Монгол хүн бүрийн дургүй хүрэх нь ойлгомжтой. Бидний ядуу, тарчиг. Тийм учраас Хятадаас зээл тусламж гуйдаг. Ингэж байхаар Хятадад нэгдчихвэл дээр гэх утгатай зүйлсийн талаар ярьжээ. Уг нь гуравхан сая хүнийг дэлхийд дээгүүр ордог газрын доорх баялгаараа чинээлэг амьдруулах боломж бий л дээ. Гэвч манай дээдчүүдэд ийм хүсэл байдаггүй.

 

Өөрсдийнхөө хоолны савыг л дүүргээд байна уу гэхээс иргэдээ боддог нэг ч улс төрч Монголд алга. Үүний балагаар хятадын хэн дуртай бидний доромжилж, олон жилийн үүх түүхийг минь үл хайхран Ар Монгол угаасаа манайх байсан одоо буцаж нэгдэх хүсэлтэй байна гэгчлэнгээр дураараа ярьж бичдэг болж. Уг нь бид чинь Гадаад харилцааны яамтай, Хятад улсад суугаа Элчин сайдтай тусгаар тогтносон улс. Гэвч үе үе цухалзаж буй эдгээр асуудлыг огтхон ч тоохгүй юм. Эндээс урд зүгт нэгдэх бодлогыг аажуухнаар явуулахад манай төрийн түшээд гар бие оролцоод байна уу ч гэж харах сэтгэл төрж байна.  Гэвч тийм дээ тулвал эвдэрсэн Монгол эвлэлдэн нэгддэг түүхийг мартаж болохгүй дээ.