\”Эрдэнэс
Тавантолгой” компанийн ажилчид Монгол Улсын иргэдийн хөдөлмөрлөх, хөдөлмөрийн
үр бүтээлдээ тохирсон цалин хөлс авах эрхийг дур мэдэн өөрчлөх шийдвэр гаргасан
\”шидлийн\” хэмээх Засгийн газраас салахыг хүсч байгаагаа илэрхийллээ.
Учир нь, \”Эрдэнэс Тавантолгой\” компани шинэ гэрээт олборлогч \”ТТ
хамтарсан компани Cо\” компани руу 206 ажилтнаа шилжүүлэх шийдвэр гаргасан
байна. Эл шийдвэрийг ажилчид эсэргүүцэж хэдэн өдрийн турш компанийнхаа үүдэнд
суулт хийсэн ч тусыг эс олжээ. Тиймээс тэд Монголын ард түмний эрх ашиг, эв
санаагаа нэгтгэх үйл ажиллагааг эхлүүлж, нийгмийг хамарсан жагсаал хийнэ гэдгээ
мэдэгдэв. Тус компанийн \”Эв санаа\” үйлдвэрчний эвлэлийн дарга
С.Эрдэнэ \”Энэ сарын 12-нд ажилчдыг өөр компаниад шилжүүлэх шийдвэрийн
талаар хэлсэн. Манай компанийн ажилчид хятад компани руу шилжин ажиллахгүй гэж
эсэргүүцэж байгаа нь шалтгаантай. Нэгдүгээрт, ажлаасаа бүрэн чөлөөлөгдөнө.
Хоёрдугаарт, нэг жил ажиллах гэрээтэй тус компани руу шилжин ажиллах юм билээ.
Баталгаагүй ажлын байранд хэн очихыг хүсэх юм. Эдийн засаг хямарчихсан байгаа
энэ үед иргэдийнхээ эсрэг буруу шийдвэр гаргасан компанийнхаа ТУЗ-д өөрсдийн
санал хүсэлтээ илэрхийлсэн. Гэвч тоосонгүй. Харин ч эсрэгээрээ компанийн
удирдлагууд бидний эсэргүүцлийг ард түмэнд буруугаар тайлбарлаж байгаа.
Хөдөлмөрийн хуулийг зөрчсөн ноцтой асуудал яригдаж байна. Бид Засгийн газар,
УИХ-д сууя, сонгуульд оролцъё гээгүй. Ажлынхаа байрыг хадгалж үлдэхийг хүссэн
юм. Тиймээс Монголын уул уурхайн ажилчид ямар орчинд ажиллаж, амьдарч байгаагаа
ард түмэндээ хүргэх зорилгоор өнөөдөр жагсаал зохион байгуулна \”гэсэн юм.
Ажилчдыг шилжүүлэн ажиллуулах нэрийдлээр 206 хүний Үндсэн хуулиар олгосон
эрхийг хууль бус нууц аргаар бусдад боолчлон худалдсан. Түүнчлэн Хятадын
\”ТТ хамтарсан компани Cо\” компанитай байгуулсан гэх гэрээний эх
хувийг англи хэл дээр хийсэн гэж нууцалж байгаа нь араасаа асуудал дагуулж
эхэлснийг компанийн ажилчид онцолж байв. Тэд тус гэрэээг монгол хэл дээр
байгуулах ёстой гэж үзэж байгаа аж. Уурхайн ээлжийн мастер Б.Баяраа
\”Ажилчдаа хятад компани руу шилжүүлж байгаа нь компанийн зарим удирдлагын
өнгөлөн далдлалт. Шилжүүлж байгаа нэрийдлээр компаниасаа гаргаж, ажилгүй болгож
байна л гэсэн үг. Учир нь, хятад компани 206 уурхайчны ажлын байрыг нь 12 сар л
хадгална гэсэн гэрээ хийсэн байгаа юм. Бидний зүгээс гэрээгээ ил болгохыг
хүссэн. Гэтэл одоогоор ямар ч мэдээлэл өгөөгүй. Үүнд төрийн эрхийг барилцаж буй
эрх мэдэлтнүүд далдуур нөлөөлж байна. Засгийн газрын шууд харьяалалд байдаг
манай компанийн үйл ажиллагаанд далдуур, санаатайгаар оролцож, нөлөө үзүүлж буй
ЗГХЭГ- ын дарга С.Баярцогт, Ерөнхий сайд Ч.Сайханбилэг нарт хариуцлага тооцон
шүүхэд өгөхийг УИХ-ын гишүүдэд уриалж байна. АН- ынханд хандаж хэлэхэд
\”Сайн нэрийг хүсэвч олоход бэрх, муу нэрийг хусавч арилгахад бэрх\”
гэдгийг сануулж, алдаагаа засахад оройтоогүй байгааг анхааруулж байна\”
гэсэн юм.
