Энэ сарын 30-наас багш нар хугацаагүй ажил хаяна

 А.Санжмятав:Хэлж ярьж байгаа зүйлээсээ
буцаж байгаа сайдыг бид хүлээж авахгүй

\”Багшийн
цалинг нэмэгдүүлэх түр хороо\”-ны удирдах зөвлөлийн гишүүн А.Санжмятав \”Багш нар бид тэмцэл хийгээд хоёр сар гаруй болж байна. Бидний тэмцлийн үйл
ажиллагааг Засгийн газар болон УИХ –ын гишүүд бүгд мэдэж байгаа хэрнээ шаардлагын хариу өгөхгүй
байна. Энэ сарын 11-ны өдөр гурван талт хэлэлцээрийн ард суух мэдэгдэл хүргүүлсэн. Энэ мэдэгдлийн хариу өчигдөр ирэх байсан. Гэтэл ирээгүй. Монгол
Улсын Засгийн газар багш нарыг тоохгүй байна. Иймээс бид дараагийн тэмцлээ хийж, энэ сарын 30-ны өдрөөс эхэлж, улс орон даяар
хугацаагүй ажил хаялт зарлана. Бүх сургууль, цэцэрлэгүүд мэдэгдлээ хүргүүлсэн
байгаа. Төрийн байгууллагад ажиллаж байгаа хүмүүст хавтгайруулж, 300 мянган
төгрөг өгөх гэж 55,3 тэрбум төгрөгийн үр ашиггүй салхинд
хийсгэх гэж байна. Бид үүнийг эсэргүүцэж байгаа. Өнөөдөр БСШУС-ын сайд
Ц.Цогзолмаа хэлсэн үгээ мартаж,
эргэн буцлаа. Хэлж ярьж байгаа зүйлээсээ буцаж байгаа сайдыг бид хүлээж авахгүй\” гэв.

Б.Бат-Эрдэнэ:Монголын багш нар
халамжийн 300 мянган төгрөгийг
авахгүй

Харин \”Багшийн цалинг нэмэгдүүлэх түр
хороо\”-ны дэд зохицуулагч Б.Бат-Эрдэнэ \”Бид тэмцлийнхээ хүрээнд шат шатны байгууллага шаардлага тавиад явж
байна. Улсын гурван талт хэлэлцээрийг
хүлээсэн. Гэвч бидний тэмцлийг 300 мянган төгрөгөөр хуураад өнгөрөх гэж байна. Иймээс бид
хугацаагүй ажил хаялт зарлана. Бидэнд 300 мянган төгрөгийн
халамж хэрэггүй. Монголын багш нар
халамжийн 300 мянган төгрөгийг
авахгүй\” гэж мэдэгдлээ.