П. Орхон Монгол Улсын Гавьяат тамирчин боллоо

 \”Парис-2017” ДАШТ-ий алтан медальт, Азийн АШТ-ий мөнгө,
залуучуудын ДАШТ-ий хүрэл, цэргийн ДАШТ-ий алт, мөнгөн медальт П.Орхонд өнөөдөр
Монгол улсын ерөнхийлөгч Х.Баттулга МУГТ цол тэмдгийг нь гардуулан өглөө.
Тэрбээр энэ онд оролцсон бүх тэмцээндээ түрүүлээд байсан юм.

Түүний гаргасан амжилтуудыг жагсаавал:

 Иван Ярыгиний нэрэмжит \”Алтан Гранпри”
тэмцээний хошой аварга,

 Бакугийн \”Алтан гранпри” тэмцээний мөнгө,

 Парисын \”алтан гранпри” тэмцээний хүрэл, 

 Польшийн нээлттэй тэмцээний хошой аварга,

 Испаний гранпригийн аварга,

 Монгол улсын хошой аварга,

 \”Mongolia Open” буюу Монголын нээлттэй
тэмцээний гурван удаагийн аварга

Үндэсний шигшээ баг, \”Алдар” спорт хороо, \”Аваргууд” академийн
тамирчин П.Орхон нь чөлөөт бөхөөс төрсөн тав дахь дэлхийн аварга билээ. Тэрбээр
ингэснээр чөлөөт бөхийн спортоос төрсөн 58 дахь, чөлөөтийн тамирчдаас төрсөн 43
дахь, эмэгтэй бөхчүүдээс төрсөн 9 дэх гавьяат тамирчин болж нэрээ түүхийн
хуудсанд алтан үсгээр бичүүлж байна. Ингээд бид түүний баяр сэтгэгдэлийг нь
сонссон юм.

Монгол улсын гавъяат тамирчинП.Орхон:\”Ажлынхаа амжилтыг үнэлүүлээд Монгол
улсын гавъяат тамирчин гэх эрхэм хүндтэй цол тэмдэгийг авсандаа үнэхээр их
баяртай байна. Намайг төрүүлж өсгөсөн аав, ээж хоёртоо маш их баярлалаа.
Дасгалжуулагч багш нар, бэлтгэл хангагч тамирчиддаа баярлаж талрхаж буйгаа
хэлэх нь зүйтэй болов уу. Энэ ганцхан миний шагнал биш Чөлөөт бөхийн холбооны
хамт олны минь шагнал юм шүү. Цаашдаа бүр их хичээж Дэлхийн аваргаа дахин
батлаж олимпийн аварга болох зорилготой байна. 12 сарын эхний долоо хоногт
оныхоо сүүлчийн тэмцээнд орох гээд бэлтгэлээ хийж байна. Энэ тэмцээндээ
амжилттай барилдах болно” гэв.