Т. Энхболд: Өнөөдрөөс эхэлж нойтон өлсгөлөн зарлана

Дархан-Уул
аймгийн иргэн \”Сөгнөгөр хайрхан \”ХХК-ийн захирал Т.Энхболд Ялалтын талбайд 20 хоног суулт
хийсэн.Тэрбээр өнөөдөр Live conference center төвд мэдээлэл хийж, нойтон
өлсгөлөн зарлахаа мэдэгдсэн юм. Энэ үеэр Т.Энхболдтой ярилцлаа.

-Яагаад
нойтон өлсгөлөн зарлахаар болов?

-Дархан-Уул аймгийн ахмадууд болон хөгжлийн бэрхшээлтэй иргэдийг орон сууцтай болгохын
төлөө Ялалтын талбай дээр 20 хоног суулт хийлээ. Ерөнхийлөгч
Х.Баттулга, Ерөнхий сайд У.Хүрэлсүх, Сангийн
сайд Ч.Хүрэлбаатар, Барилга хот байгуулалтын яам, Хөдөлмөр
нийгэм хамгааллын сайд нарт албан бичиг өгсөн. Мөн Засгийн
газрын хэрэг эрхлэх газрын дарга Г.Занданшатарт бас албан бичиг явуулсан. Гэвч өнөөдрийг хүртэл нэг ч хүнээс  хариу ирсэнгүй. Иймээс өнөөдрөөс  эхэлж нойтон өлсгөлөн зарлана.

-Ахмадын
орон сууцыг барих ажлаа хэзээ эхлүүлсэн бэ?

-Би
өөрийн эзэмшлийн 3400 метр /квадрат газар дээр 300 айлын орон сууц
барих ажлыг эхлүүлсэн. Засгийн газраас баталгаа гаргуулахын төлөө сүүлийн гурван жил яам, тамгын газраар явлаа.Төр засаг баталгаа гараад өгсөн болон
Дархан-Уул аймгийн ахмадууд болон хөгжлийн бэрхшээлтэй иргэд орон
сууцтай болох болох боломжтой. Санхүүжилт байхгүй учраас
барилгын ажил зогссон байгаа.

-Барилгын
ажил хэзээ зогссон вэ?

-Өнгөрсөн
2014 онд зогссон. Засгийн газар баталгаа гараад өгсөн бол 2014
оны 11 дүгээр сард ашиглалтад орох байсан.

-Заавал
Засгийн газраас баталгаа гаргуулах шаардлагатай юм уу. Банкнаас зээл тусламж
аваад барилгын ажлаа үргэлжлүүлж болоогүй юм уу?

-Манай барилгын ажил 30 хувийн гүйцэтгэлтэй
гээд гэрчилгээн гарчихсан байгаа. Гэрчилгээгээ
тавиад банкнаас зээл авах боломжгүй.

-Яагаад?

-2014 оноос
барилгын зээлийг хаачихсан. Ийм учраас Засгийн газраас баталгаа гаргуулах гээд
гүйгээд байгаа юм. Би Засгийн газраас баталгаа гаргуулах гэж дөрвөн
Засгийн газрын нүүрийг үзэж
байна.Үнэндээ
асуудлыг шийдвэрлэж өгөх сайд дарга байхгүй байна.Надад 50
см зузаан хэдэн албан бичгээс өөр зүйл байхгүй байна. Хэрэв би хууль бус юм шаардаж байгаа бол түүнийг нь хэлэх хэрэгтэй шүү дээ.
Манай нийгэмд танилгүй хүн ямар ч төсөл хөтөлбөрийг хэрэгжүүлэх
боломжгүй юм байна. Ахмадын орон сууц барих ажлыг ямар
нэгэн авилгагүйгээр шийдэж өгөөч гэдгийг хүсмээр байна. Жирийн нэгэн
иргэн хүн төсөл хөтөлбөр хөөцөлдөөд явахаар ямар
хэцүү байдаг вэ гэдгийг энэ зургаан жилийн
хугацаанд мэдэрлээ. Манайд авлига өгсөн хүний ажил нэг цагийн дотор бүтдэг. Харин авлига өгөхгүй болохоор 1-6 жил
явдаг юм байна.

-Та аймгаас сонгогдсон гишүүдтэй уулзаж, асуудлаа хэлэв үү?

-Дархан
уул аймгаас сонгогдож гарсан УИХ-ын гишүүн Б.Жавхлан, Д.Хаянхарваа, Б.Баттөмөр нар сонгуулиар ялалт байгуулчихаад таны асуудлыг хамгийн түрүүнд шийдвэрлэж өгнө гэж
амлалт өгсөн. Гэтэл өнөөдөр надыг хүлээж авч уулзахгүй байна.
Дархан-Уул аймгаас сонгогдсон гурван гишүүд Дархан-Уул
аймгийн төлөө бүтээн байгуулалтын ажил хийх ямар ч сэтгэл байхгүй.

Н.Алт