iPhone X загварын нууцыг алдагдуулсан инженер ажлаасаа халагджээ

 

iPhone
X загварын шинэ гар утасны мэдээллийг хугацаанаас нь өмнө дэлгэсэн нэгэн
инженерээ Apple корпораци
ажлаас нь халжээ. Тэрхүү олон нийтэд дэлгэн үзүүлэхээс өмнө дээрх инженерийн
охин утсыг тод харуулсан дүрс бичлэг хийн YouTube
хуудсандаа байршуулсан аж. Залуу бүсгүй тухайн өдөр Apple корпорацийн хотхонд ирж
аавтайгаа үдийн хоол идэхдээ тэрхүү бичлэгийг хийсэн байна.

Харамсалтай нь тус дүрс бичлэг олон
дахин давтамжтайгаар түгээгдэж, технологийн мэдээллийн сайтууд болон блогуудад
тавигдаж тус корпорацийнхны анхааралт өртсөн юм. \”Хэргийн эзэн” өөрийнх нь Apple хотхонд бичлэг
хийх, зураг авах хатуу хоригийг зөрчсөн үйлдлээс болж аав нь ажлаасаа
халагдсаныг эх сурвалжуудад ярьсан байна. Харин технологийн тэргүүлэгч алдарт Apple-ээс ямар нэгэн
мэдэгдэл хийгээгүй юм.

Хатагтай Питерсон тэрхүү бичлэгт iPhone X утасны оригинал
хувилбарыг тайлбарлахыг оролдож байсан гэнэ. Тэрээр Apple-ийнхний
шаардлагын дагуу бичлэгээ устгасан ч энэ нь хэдийнэ онлайнаар тархаж амжжээ.
Дүрс бичлэгт Питерсон аавынхаа хамтаар хоол идэнгээ iPhone X утсыг тайлбарлаж
байгаа нь гардаг аж. Ингэхдээ зөвхөн Apple-ийн зарим
ажилтнууд л мэддэг QR код болон
текстэн файлуудын талаар дэлгэж орхисон байна.

Питерсон, \”Apple-д ажиллаж байхдаа
чи хэчнээн сайн ажилтан байлаа ч, дүрмийг нь зөрчсөн л бол ямар ч өршөөл
байхгүй. Аавыг минь ч гэсэн яг л ингээд халчихлаа. Энэ бол тийм ч том алдаа
биш, уучилж болох зүйл шүү дээ” хэмээн ярьсан байна. Түүний эцэг тус корпорацид
дөрвөн ажил орчим болсон бөгөөд iPhone утасны
радио давтамж ба утасгүй технологи дээр ажилладаг байжээ.