МУГЖ Т.Ариунаа шинэ цомгоо дэлгэнэ

 Стиль
имиждээ эрс өөрчлөлтийг хийж, шинэ үеийнхэндээ хүчтэй нөлөөлж чаддаг МУГЖ Т.Ариунаа electro dance,
funky pop урсгалын \”Cosmic Ariunaa: The Remixes\” нэртэй шинэ цомгоо
удахгүй гаргана.

Электро
урсгалд дурлагсдад зориулсан энэхүү цомог нь есөн дуутай бөгөөд өмнө нь дуулж
байсан найман дуугаа шинэ хэлбэрээр найруулан дуулсан байна. Энэхүү цомгийнхоо
гурван дуунд зориулж кино зохиол бичиж трилоги буюу гурвалсан видео клип
хийхээр төлөвлөсний дагуу хоёр клипний ажил дуусчээ.

Мэргэжлийн
дуучид л хоолойны тогтсон техникээ өөрчилж дуулдаг гэдэг. Тэгвэл \”Cosmic
project\” төслийн хүрээнд гаргасан \”Cosmic Ariunaa: The Remixes\”
цомог дээр ажиллахдаа дуулалтын техникээ хүртэл өөрчилж өмнөх цомгуудаасаа өөр
техникээр дуулсан нь бас нэгэн өвөрмөц шийдэл болсон гэнэ. Тухайлбал,
цомогт орсон 21 жилийн түүхтэй \”Утасны чинь дугаар\” дууг ремикслэж,
\”Хар Сарнай\” хамтлагийн дуучин Амараатай дахин дуулснаар \”Утасны
чинь дугаар 3.0\” буюу энэ дууны гурав дахь хувилбарыг гаргажээ.