Сурагчид амралтаараа юу хийх вэ?

Ерөнхий боловсролын
сурагчдын нэгдүгээр улирлын амралт энэ сарын 3-наас эхэлсэн. Сурагчид амралтаар ихэнх цагийг гэртээ өнгөрөөдөг. Гэхдээ хүүхдээ
харж хандах хүнгүй үлдээж болохгүй гэдгийг сануулж хэлмээр. Мөн гэрийнхээ гал
гарч болзошгүй эрсдэлтэй газруудыг эргэн нэгэн харж шалгаж
үзэхийг зөвлөмөөр байна. Хүүхдүүддээ аль болох сонирхолтой, өөрийг нь хөгжүүлж,
амралтыг хэрхэн
үр дүнтэй өнгөрөөхөд тань тус болохзарим мэдээллийг сонирхуулж байна. 

Монголын хүүхдийн урлан бүтээх төв дугуйландаа
нэмэлт элсэлт авна

Монголын хүүхдийн урлан бүтээх төвийн дугуйланд хүүхдээ үнэ төлбөргүй хамруулах
боломжтой.Тус төв нь энэ жил нэлээд өргөн
багтаамжаар хүүхдүүдээ авсан хэдий ч бүртгүүлж чадаагүй олон хүүхэд байгаа
гэнэ.
Иймээс бүртгэлээс хоцорсон
хүүхдүүдээ 11,12 дугаар сард нэмэлт
элсэлтээр авах юм байна. Өвөл болоод хүйтрээд ирэхээр эцэг, эхчүүд
ханиад томуу хүрнэ гээд бага насны хүүхдээ явуулах нь цөөрч, хүүхдийн тоо 20-30
хувиар буурдаг. Иймээс бүртгүүлж чадаагүй хоцорсон хүүхдүүдээ нэмэлт элсэлтээр
авах юм байна. Тус төвд сийлбэр, уран хайчилбар, нисэх загвар, Ханын чимэг сийлбэр, Сүрлэн
наамал,Сүрлэн сүлжмэл, Хүүхэлдэй бэлэг дурсгал,Баримал керамик,Хайчилбар, гэх зэрэг ангиудтай юм байна.

\”Орд” галлерейн саатаарай

Монголын хүүхдийн урлан
бүтээх төвийн \”Орд” галлерейн нээлт болсон. Энэхүү галлерейн нээлтийг тохиолдуулан
Хүүхдийн урлан бүтээх төвийн үе үеийн төгсөгчид болон нэртэй уран бүтээлчдийн
шилдэг бүтээлээр үзэсгэлэнг гаргасан байна. Тус үзэсгэлэнд 90 гаруй уран
бүтээлчдийн уран зураг, уран баримал, арьсан урлал, сийлбэр, уран бичиг зэрэг 120
гаруй уран бүтээл тавигджээ. Энэхүү уран зургийн үзэсгэлэн энэ сарын -7-ны
өдөр хүртэл үргэжилнэ.

\”Гайхамшигт циркийн тоглолт”

Монголын Үндэсний Циркийн сурагчдын амралтанд
зориулсан тоглолт эхэлжээ. Уг тоглолт сарын 4-ний өдрөөс сурагчдын амралтанд
зориулан олон гайхалтай үзүүлбэрүүд багтсан \”Гайхамшигт циркийн тоглолт” тоглоход
бэлэн болоод байгаа юм байна. Энэхүү тоглолтонд Монголын жүжигчдийн олон улсад
тоглогддог шилдэгийн шилдэг үзүүлбэрүүд багтсан бөгөөд цухас дурьдахад Монте
Карло тэмцээний шагналт акробатын үзүүлбэр, дэлхийд цөөхөн тоглогдсон амь
дүйсэн агаарын цагираг, аварга могойн үзүүлбэр болон олон жилийн дараа дахин
тоглогдож буй хүнд жин, хүч тамирын гайхамшигт үзүүлбэр, хүүхэд багачуудын
хайртай алиалагч, хачирхалтай илбийн үзүүлбэр гэх мэт нүд хужирлам олон сайхан
үзүүлбэрүүд тоглогдох нь. Тоглолт 11 сарын 4, 5 буюу энэ долоо хоногийн
бямба, ням гаригт 15 цагаас Монголын Үндэсний Циркт болох ба тасалбарын
үнэ 6000₮-өөс эхэлнэ. Тасалбарыг циркийн билетийн касс болон 1900-1950
лавлахаар үнэгүй хүргүүлэх боломжтой. Мөн UNITEL –ийн хэрэгчид циркийн билетийн
касснаас 100GG –ээр нэг тасалбарыг 50% хямдралтайгаар худалдаж авах
боломжтой.

\” Сүбээдэй хүү”
жүжгийг 9-10 насны хүүхдүүдэд үнэ төлбөргүй тоглоно

Хүүхдэд зориулсан,
хамгийн анхны энтертайнмент тайзтай \”49 дүгээр гудамж” хүүхэд, залуучуудын
театрын нээлт өнгөрсөн аравдугаар сарын 30-ны өдөр
нээлтээ хийсэн. Театрын нээлттэй
зэрэгцэн \” \”Сүбээдэй хүү” хүүхдийн
бүрэн хэмжээний драмын жүжиг маань албан ёсны нээлтээ хийсэн байна. \”Хичээнгүй, тусч Сүбээдэй хүү” хэмээх
бага насны хүүхдэд зориулсан цуврал жүжгийг дөрвөн жилийн турш хүүхдүүдэд үнэ
төлбөргүй үзүүлэх юм байна. Энэ нь хүүхдүүдэд үзүүлж буй маш том хөрөнгө
оруулалт юм. \” Сүбээдэй хүү” жүжгийг 9-10 насны хүүхдүүдэд үнэ төлбөргүй
тоглох юм байна.

Энэхүү театр нь
200-250 хүний багтаамжтай үзвэрийн танхим, урлагийн бүхий л чиглэлээр бэлтгэл
хийх боломжтой. Мөн бага танхим болон улаан булан, дугуй булан зэрэг хүлээн
авах хэсэгтэй юм байна. Мөн
театр хүүхдийн урлагийн авьяасыг хөгжүүлэх олон
дугуйлан 2018 оноос эхлэн хичээллэх болох юм байна.