Автын ослоор амиа алдагсдад хүндэтгэл үзүүлнэ

 

 

 

Дайн тулаангүй, ардчилсан,
энх тайван орнууд дотроо автын ослоор амиа алдаж буй хүмүүсийн тоогоороо аль
хэдийнэ дэлхийд тэргүүлээд эхэлсэн Монгол Улс хоёр дахь удаагаа зам тээврийн
ослоор амиа алдагсдад хүндэтгэл үзүүлэх гэж байна. Автын ослоор амиа алдагсдад
хүндэтгэл үзүүлэх явдал шинэ зүйл биш бөгөөд дэлхийн улсууд 2005 оноос хойш зохион
байгуулж иржээ. НҮБ 2005 оны 10 дугаар сарын 25-ны өдрийн тогтоолоороо жил
бүрийн 11 дүгээр сарын 3 дахь долоо хоногийн ням гарагийг Зам тээврийн ослоор
хохирогсдод хүндэтгэл үзүүлэх өдөр болгон зарласантай холбогдуулан тэр цагаас
хойш гишүүн орнууд нь тэмдэглэж ирсэн юм. Харин манай орны хувьд өнгөрсөн жил
анх удаагаа энэ өдрийг тэмдэглэж, энэ жил хоёр дахь удаагаа тэмдэглэх гэж
байна. Харин энэ удаад Автын ослоо амиа алдагсдад хүндэтгэл үзүүлэх өдөр 11
дүгээр сарын 15-ны өдөр тохиож байгаа бөгөөд хамгийн олон хүнийг автын ослоор
алдаж, хамгийн олон хүн автын ослоор бэртэж гэмтэж, хөгжлийн бэрхшээлтэй
иргэдийн тоо уруу шилждэг Монгол Улс НҮБ-ын тогтоолоос 10 жилийн дараа ийнхүү
хоёр дахь удаагаа тэмдэглэх гэж байна. Үнэндээ автын осолд амиа алдагсдыг
хүндэтгэх тогтоолыг НҮБ 2005 онд баталсан ч аль 1993 онд Англи Улсад дэлхийд
анх удаа автын ослоор амиа алдсан иргэдийн дурсгалыг хүндэтгэх арга хэмжээ
болж, тэр цагаас хойш дэлхийн ганц, нэг улсад энэ өдрийг мэр сэр тэмдэглэж
ирсэн ба 2005 оноос НҮБ албан ёсных болгосон аж.