Багш нарын ажил хаялт хэр хугацаанд үргэлжлэх вэ?

Өнөөдөр
Монголын боловсрол, шинжлэх ухааны үйлдвэрчний эвлэлийн холбоо (МБШУҮЭХ) улсын
хэмжээнд хугацаагүй ажил хаялт зохион байгуулж эхэллээ.Монгол Улсын Засгийн газар, Олон улсын валютын сан (ОУВС)-тай
хийсэн Өргөтгөсөн санхүүжилтийн хэлэлцээрийн хүрээнд 2019 он хүртэл цалин
хөлсийг нэмэхгүй байхаар тохирсон. Тиймээс тус холбооноос Засгийн газрыг
ОУВС-тай дахин хэлэлцээр хийж, цалин нэмэх тохиролцоонд хүрэх, улмаар
боловсрол, шинжлэх ухааны салбарын багш ажилтнуудын цалинг 50 хувиар нэмэхийг
шаардаж байна. МБШУҮЭХ-ны дарга Д.Батзоригийн мэдээлснээр, ажил хаялтад
нийслэлийн ерөнхий боловсролын 105 сургууль, шинжлэх ухааны 11 байгууллага, 161
цэцэрлэгийн багш, ажилтнууд нэгджээ. Мөн хөдөө орон нутгийн ерөнхий боловсролын
72 сургууль, 56 цэцэрлэг нэгдсэн байна.

Өнгөрсөн долоо хоногт тэрбээр мэдээлэл хийхдээ \”Багш нарын
цалинг нэмүүлэх түр хороо мэдээлэл хийхдээ \”Багш нарт 500 мянга гаруй төгрөгийн
урамшуулал олгох болсон” гэсэн ташаа мэдээлэл хийсэн. Энэ мөнгөний 300 мянгыг
2017 оны төсөвт төрийн албан хаагчдын орлогыг нэмэхэд тусгасан 55 тэрбум
төгрөгөөс олгох юм. Харин 200 мянга нь 2008 онд МҮЭХ-ноос БСШУСЯ-тай байгуулсан
хэлэлцээрийн хүрээнд улирал тутамд олгодог урамшуулал. Тиймээс энэ бол багш
нарын орлогыг нэмэхэд чиглэсэн алхам огт биш юм. Бид үндсэн цалингаа 50 хувиар
нэмэх хүртэл ажил хаялтаа үргэлжлүүлэх болно” гэсэн билээ.