![\"\"](http://undesten.mn/uploads/posts/2017-11/1511145599_23722108_368349180285425_927663957_n.jpg "\\"\\"")
НҮБ болон АНУ-ын зүгээс Умард Солонгос улсын эсрэг авч
хэрэгжүүлсэн хориг арга хэмжээгээ чангатгаж буй энэ үед Сингапур ч мөн
худалдааны бүхий л харилцаагаа тус улсаас тасаллаа.Сингапурын
Гаалийн газраас мэдэгдсэнээр энэ сарын наймны өдрөөс эхлэн арилжааны бүх
төрлийн барааг Умардаас импортлох болон экспортлохыг хориглосон аж. Хууль
зөрчигдчийг хоёр хүртэлх жилээр шоронд хорих ялаар шийтгэх аж.
Умард Солонгос улс зургаа дахь цөмийн зэвсгийн туршилтаа
хийснээр НҮБ-аас дахин хориг арга хэмжээнүүд авч эхэлсэнтэй холбоотойгоор
ийнхүү шийдвэр гаргажээ. 2016 онд Сингапур нь Пхеньяны худалдааны найм дахь том
түнш байсан ч, нийт худалдааных нь ердөө 0.2 хувийг эзэлж байв. Харин эдийн
засгийн хамгийн том дэмжлэг үзүүлэгч, худалдааны гол түнш нь БНХАУ байсан юм. НҮБ-аас
хэд хэдэн компанид хориг тогтоосны дотор Сингапурын хоёр пүүс багтжээ.
2016 оны
нэгдүгээр сард Сингапурын нэгэн компани Кубээс Умард Солонгос руу зэвсэг
нийлүүлсэн хэргээр 125,700 ам.доллараар торгуулж байжээ.Энэ оны эхээр Пхеньян цөмийн пуужин харвах туршилтаа
давтсанаар Солонгосын хойгийн асуудал улам хурцадсан билээ. Тэдгээрийн хоёр нь
хамгийн хол зайд пуужин харвасан туршилт болжээ.Гэхдээ Сингапур нь одоог хүртэл Пхеньянтай дипломат
харилцаагаа таслаагүй байгаа бөгөөд санхүүгийн дүүрэгт нь байрлах Элчин сайдын
яамаа Пхеньян хэвээр авч үлдэхийг хичээж байгаа аж.
Орчуулсан Б.Болормаа
![\"\"](http://undesten.mn/uploads/posts/2017-11/1511145615_1510550100_undesten-1.png "\\"\\"")
