Германд хүүхдийн ухаалаг цагийг хориглолоо

Германы хууль тогтоох байгууллагаас ухаалаг цагийг хүүхдүүдийг
тагнах төхөөрөмж хэмээн үзэж хүүхдийн ухаалаг цагны худалдааг хориглосон байна.
Үүнээс өмнө интернэтэд холбогддог \”My
Friend Cayla” хүүхэлдэйг мөн дээрх шалтгаанаар хориглож байсан юм.

Харилцаа холбооны зохицуулагч Холбооны сүлжээний
агентлагаас эцэг, эхчүүдэд уг цагийг устгахыг уриалжээ. Энэ нь интернэтэд
холбогддог төхөөрөмжүүдийн хувьд ихээхэн өөрчлөлт авчрах шийдвэр болж магадгүй
хэмээн нэгэн эксперт үзсэн байна. \”Хамгаалалт муутай ухаалаг төхөөрөмжүүд нь хувийн
нууцлал алдагдахад хүргэдэг. Хүүхдүүдийг хамгаалахад хэрэгтэй гэж үзэж байсан
ухаалаг цагнууд эсрэгээрээ тэдэнд аюул учруулж
мэдэхээр байна. Аюултай ухаалаг төхөөрөмжүүдийг бидэнд худалдаалдаг
компаниудыг ихээхэн цочирдуулсан шийдвэр боллоо. Иймэрхүү төхөөрөмжид хориг
тавьснаар бидний хүүхдүүдийн аюулгүй байдлаар тоглож буй эдгээр компаниудын
үйлдлийг зогсоож буй хэрэг юм” хэмээн \”Pen
Test Partners”
компанийн аюулгүйн шинжээч Кен Мунро өгүүлжээ.Агентлагийн зүгээс интернэтэд холбогддог цаг үйлдвэрлэгч
хэд хэдэн компанийн эсрэг арга хэмжээ авч эхэлсэн төдийгүй хүүхдүүдийн дунд ийм
төрлийн цаг байгаа эсэхэд хяналт тавихыг анхааруулсан байна.

Орчуулсан Б.Болормаа