Б.Хурц: Миний тухай ярих нь пиар гэсэн

 

УИХ-ын гишүүн УИХ дахь АН-ын бүлгийн дарга Д.Эрдэнэбатын өрөөнд Тагнуулийн
Ерөнхий газрын дарга асан Б.Хурц, УИХ-ын гишүүн Ж.Батзанданг \”ална” гэж
заналхийлсэн мэдээлэл гарсан. Энэ мэдээллийг УИХ-ын гишүүн Ж.Батзандан
хэвлэлийнхэн өгсөн юм.

Тэрээр \”Нийтийн сонсгол хийе гэсний төлөө зодуулах шахлаа. Манай бүлгийн
даргын өрөө тэнд бий. Чамайг хутгална шүү гэж тэр хүн эхлээд над руу
заналхийлсэн. Үүний дараа би чамайг оронд чинь хордуулж алж чадна шүү гэж тэр
хүн надад маш хариуцлагатайгаар хэлсэн. Жирийн нэг иргэн надад тийм зүйл хэлсэн
бол би тоохгүй. Тагнуулын Ерөнхий газрын дарга асан Монгол Улсын генерал хүн,
одоо элчин сайдаар явах гэж байгаа эрхэм хүн ийм зүйл ярьсан учраас миний бие
УИХ-ын даргад төрийн хамгаалалт хүсч албан бичиг хүргүүллээ. Өнөөдрөөс эхлээд
төрийн хамгаалалт гэж нэг хүн өгнө гэж хэлсэн” гэж 2017 оны 11 дүгээр сарын
16-ны өдөр сэтгүүлчдэд мэдээлсэн юм.

Тэгвэл генерал Б.Хурц уг асуудалд цензургүй яриа нэвтрүүлэгт орохдоо \”Би
ийм зүйл яриагүй. Эрчүүдийн хооронд маргаан үүссэн. Тэгвэл Ж.Батзандан яагаад
намайг ална гэж хэлснээ ярихгүй байгаа юм бэ. Хоёр хүн хэрэлдэхээр яадаг билээ.
Тийм л зүйл болсон. Ж.Батзандангийн үгэн дотор муухай юм явсан. Б.Хурц гэдэг
хүний тухай яриад байгаа нь пиар гэнэ ээ. Тэгээд би уурласан. Боль гэж хэлсэн”
гэжээ.

Тэгэхээр Ж.Батзандан хоёр хүний хооронд үүссэн аман маргааныг дөвийлгөж,
төрийн хамгаалалт хүсч, сүржигнэсэн болж таарч байна. Гэхдээ Монгол Улсад чухал
алба хашиж байсан хүн, одоо Монгол Улсаа төлөөлөн гадаад улсад Элчингээр суух
гэж байгаа хүн бусадтай \”ална шүү” гээд муудалцаж байх нь зохимжгүй мэт. Мэдээж
иймэрхүү сул үгсийг Ж.Батзандан шиг хүмүүс шууд л өөрт хэрэгтэй байдлаар
ашиглах нь ойлгомжтой. Олон жил тагнуулчаар ажилласан хүнээс гарамгүй алдаа
байлаа л гэж дүгнэхээр байна. Ж.Батзандангийн хувьд бол энэ үнэхээр пиар.