Х.Бурмаа: Он гарсаар ахуйн хэмжээний гал түймэрт найман хүүхэд амь насаа алдаад байна

 

Гамшиг гэдэг хэлж сануулж сэрэмжлүүлж байгаад ирдэг зүйл
биш.Тэр тусмаа гал түймэр бол хормын төдийд дүрэлзээд өнгөрөх гамшгийн хамгийн
аюултай үзэгдэл юм. Хүйтний улиралд объектын гал түймэр гарах магадлал ихэсдэг.
Үүний улмаас иргэд эрүүл мэнд, амь насаараа, аж ахуй нэгж, байгууллагуудын өмч
хөрөнгийн хохирч байна. Нийслэлийн хэмжээнд гал түймрийн нөхцөл байдал ямар
байгаа тухай, урьдчилан сэргийлэх чиглэлээр хэрэгжүүлж байгаа ажлын талаар
нийслэлийн Онцгой байдлын газрын хэвлэл мэдээлэл хариуцсан мэргэжилтэн ахмад
Х.Бурмаатай ярилцлаа.

 

-Сүүлийн
үед ахуйн хүрээний гал түймэр нэлээдгүй гарч байгаа. Гал түймэртэй холбоотой
дуудлага мэдээлэл хэр их ирж байна вэ?

-Нийслэлийн онцгой байдлын
газарт 2017 оны гарсаар 2460 гаруй галт
түймрийн дуудлага ирсэн байгаа. Үүний тодорхой хувийг объектын гал
түймэр эзэлж байна. Энэ жилийн хувьд гал түймрийн
дуудлага харьцангуй буурсан үзүүлэлттэй байгаа.
Гэхдээ хүйтний улирал эхэлсэнтэй холбогдуулан галлагаа нэмэгдсэн холбоотойгоор
нийслэлийн Онцгой байдлын газраас объектын гал түймрээс урьдчилан
сэргийлэх чиглэлийн ажлыг эрчимжүүлж байна. Тухайлбал, нийслэлийн
гэр хорооллын айл өрхүүдийн галын аюулгүй байдлыг хангуулах, урьдчилан сэргийлэх
нэгдсэн арга хэмжээг энэ сарын 20-ноос эхлүүлсэн. Энэхүү урьдчилан сэргийлэх
ажил ирэх сарын 20-ны өдөр хүртэл үргэлжилнэ. Өнөөдөр байдлаар есөн
дүүргийн гэр хорооллын айлуудын тодорхой хувийг хамруулж, аюулгүй байдлыг
хангуулан ажиллаж байна.

Манай байгууллагад ирж
байгаа гал түймрийн дуудлагын дийлэнх хувийг гэр хороололд гэр, байшин
шатсан дуудлага ирдэг. Хүйтний улиралд галлагаа нэмэгдээд ирэхээр
яндангийн цонолт болон үнс, нурмаа ил задгай хаяснаас болж
гал түймэр нэлээд гардаг. Иймээс иргэд үнс, нурмаа ил задгай газар асгахгүй
байх хэрэгтэй байна.

-Галын дуудлагыг дүүргээр
аваад үзвэл, аль дүүргээс илүү их дуудлага ирж байна вэ?

-Энэ сарын байдлаар
Сүхбаатар, Хан-Уул дүүрэг гал түймэр дуудлага өндөртэй байгаа.
Өнгөрсөн оны мөн үетэй харьцуулахад  өссөн үзүүлэлттэй байна.
Харин Сонгинохайрхан, Баянзүрх дүүрэг гамшгийн эрсдэл өндөртэй,
хүн амын нягтаршил ихтэй байдаг учраас урьдчилан сэргийлэх ажлыг
тогтмол хийж байх шаардлагатай.

-Өнгөрсөн долоон хоногт
хоёр томоохон гал түймэр гарсан. Галын шалтгаан тогтоогдсон уу?

-Өнгөрсөн амралтын
өдөр нийслэлийн Хан-Уул дүүргийн 3-р хороонд байрлах \”Бармаш”
ХХК-ийн агуулахад гал гарлаа гэсэн дуудлага шөнийн 00:35 минутад
ирсэн.Дуудлагаар НОБГ-ын Гал түймэр унтраах аврах 10, 14, 18,
26, 30-р ангийн 6 тасаг, 65 алба хаагч, 13 техник хэрэгсэлтэйгээр 17 цагийн
турш ажиллаж, галыг бүрэн унтраасан. Энэ 150х54 метрийн хэмжээтэй
төмөр краказан дээвэртэй тоосгон барилга дотор
\”Мижир дриллинг Монгол” ХХК-ийн түрээсэлдэг 20х20 метрийн
хэмжээтэй албан тасалгаа, агуулахын зориулалттай сендвчин барилга,
дээвэр, тоног төхөөрөмж шатсан байгаа. Гал түймрийг шалтгаан нөхцөлийг
мэргэжлийн байгууллагын үзлэг шалгалтаар тогтооно. Одоо шалгалтын
ажиллагаа явагдаж байгаа.

Мөн Сонгинохайрхан дүүргийн XXIII хорооны Хангай
гудамжинд гэр шатсан дуудлага ирсэн.
Дуудлагаар гал түймэр унтраах, аврах анги
хүрэлцэн очиход таван ханатай гэр бүрэн шатсан байсан бөгөөд
галд гурван баг насны хүүхэд өртөж нас барсан харамсалтай хэрэг
гарсан. Иймээс эцэг эхчүүд бага насны хүүхдээ хараа хяналтгүй орхихгүй байхыг
анхааруулж байна. Бага насны хүүхдийг харж хамгаалахгүй
хүнгүйгээр орихсоноос болж гал түймрийн аюулд өртөж,
гэмтэж бэртэж, амь насаараа хохирох тохиолдол удаа дараа гарч байгаа. Иймээс
эцэг эхчүүд анхаарч хүүхдийнхээ аюулгүй байдлыг хангаж байх
шаардлагатай байна.

Галын дүгнэлт гарсан уу ?

-Гал түймрийн шалтгаан нөхцөлийг цагдаагийн
байгууллага болон гал түймрийн шинжээчийн багийн хамтран үзлэг шалгалтаар
тогтоогдоно.

-Бага насны хүүхдүүд гал
түймэрт өртөж амь насаа алдах тохиолдол цөөнгүй гарч байна. Энэ оны
байдлаар хэчнээн хүүхэд гал түймэр өртөж амь насаа алдсан байна вэ?

-2017 он гарсаар гал
түймэр төртөж амь насаа алдсан хүүхэд найм байна. Харин том хүн 14
байна. Энэ өнгөрсөн оны мөн үетэй харьцуулахад өссөн үзүүлэлттэй байгаа.
Өнгөрсөн ондтаван хүүхэд гал түймэрт өртөж амь насаа алдсан
байгаа. Харин түлэгдэж бэртсэн хүн 14, хүүхэд 9 байна.

-Дүүргүүдэд гал түймрээс
урьдчилан сэргийлэх ажиллагаа явуулж байгаа гэлээ.Урьдчилан сэргийлэх ажиллагаа
хийхдээ айл бүрт очиж зөвлөгөө мэдээлэл өгч байна уу?

-Галын аюулгүй байдлыг
хангах хуулийн дагуу тухай дүүргийн холбогдох албан тушаалтан хамтарч гал түймрээс урьдчилан сэргийлэх ажиллагаа
зохион байгуулж байгаа. Тухайлбал,
хорооны зохион байгуулагч болон хэсгийн ахлагч нартай
хамтарч зохион байгуулж байна. Тухай дүүргийн хамгийн их гал гардаг хороо дээр
төвлөрч галын аюулаас урьдчилан сэргийлэх зөвлөмжийг өгөөд явж байгаа. Мөн нийслэлийн
Мэргэжлийн хяналтын газар, Улаанбаатар Цахилгаан түгээх сүлжээ, нийслэлийн
Онцгой байдлын газар хамтарч галын аюулгүй байдлыг буруулах чиглэлээр хамтарч
ажиллах санамж бичиг байгуулсан байгаа. Энэхүү санамж бичгийн хүрээнд гэр
хорооллын айл өрхүүдийн галын аюулгүй байдлыг хангахад шаардлагатай зөвлөгөө
мэдээллийг хамтран өгч ажилаж байна.

Н.Алтанцэцэг