Насанд хүрээгүй охидын биеийг үнэлүүлж байжээ

Эрүүгийн цагдаагийн
албаны алба хаагчид нийслэлд үйл ажиллагаа явуулж буй саун массажны газруудаас
ноцтой, хууль бус үйлдлүүдийг илрүүлэн, таслан зогсоож,
Тухайлбал,Баянгол
дүүргийн нутаг дэвсгэрт байрладаг нэр хаяг нь тодорхойгүй сауны газарт зургаан
эмэгтэйн биеийг үнэлүүлж байжээ. Тэдний хоёр нь насанд хүрээгүй бөгөөд нэг нь
жирэмсэн байсан нь шалгалтын явцад тогтоогдсон
байна. Мөн
тус дүүргийн долоодугаар хорооны нутаг дэвсгэрт байрлах нэр, хаяг нь
тодорхойгүй сауны газрыг шалгахад дөрвөн эмэгтэйн биеийг үнэлүүлж байсан бөгөөд
нэг нь насанд хүрээгүй болох нь шалгалтаар тогтоогджээ.Энэхүү
хууль бус үйл ажиллагааг зохион байгуулсан этгээдүүдэд Монгол Улсын Эрүүгийн
хуулийн 13.1 дүгээр зүйлийн 13.1.2.1 дэх хэсэгт зааснаар хэргийн шалгалтын
ажиллагааг явуулж байгаа юм.

Эрүүгийн хуулийн 13.1 дүгээр зүйл. Хүн худалдаалах

1.Биеийг
нь үнэлүүлэх, бусад хэлбэрээр бэлгийн мөлжлөг, хүчирхийлэлд оруулах, боолчлох,
түүнтэй ижил төстэй нөхцөлд байлгах, эд, эрхтнийг авах, албадан хөдөлмөрлүүлж
мөлжих зорилгоор хүч хэрэглэж, хүч хэрэглэхээр заналхийлж, хулгайлж, хууран
мэхэлж, итгэл эвдэж, эрх мэдлээ урвуулан ашиглаж, эмзэг байдлыг нь далимдуулж,
эсхүл хяналтдаа байлгаж байгаа хүнд төлбөр төлж, хахуульдаж хүнийг эрхшээлдээ
оруулан элсүүлсэн; тээвэрлэсэн; орогнуулсан; дамжуулсан; хүлээн авсан бол хоёр
жилээс найман жил хүртэл хугацаагаар хорих ял шийтгэнэ.

2.Энэ
гэмт хэргийг:

2.1.хүүхэд,
жирэмсэн эмэгтэйг мэдсээр байж;

2.2.хоёр,
түүнээс олон хүнийг худалдаалж;

2.3.Монгол
Улсын хилээр нэвтрүүлж үйлдсэн бол таван жилээс арван хоёр жил хүртэл
хугацаагаар хорих ял шийтгэнэ…” гэж заасан байдаг.