Дэлхийн хамгийн өндөр “үнэтэй” загвар өмсөгчид

\”Forbes”сэтгүүлээс жил бүр уламжлал болгон тодруулдаг, хамгийн өндөр орлоготой
загвар өмсөгчдийн жагсаалтыг гаргасан байна. Жагсаалтад шоу ертөнцөд гэр
бүлээрээ алдартай Кардашианыхны дүү болох Кендал Женнэр 2017 онд олсон 22 сая
ам.долларын орлогоороо тэргүүлжээ.

Ингэснээр Женнэр алдарт Крисси Тейген,
Адриана Лима, Жижи Хадид нараас ч өндөр орлоготой болж чадсаныг харуулж байгаа
юм. Мөн 15 жилийн турш тэргүүн байранд бичигдэж ирсэн Жизель Бундхен энэ онд
17.5 саяыг олсноор эрэмбэ доошилжээ. Түүнчлэн Эшли Грэхамын орлого нэмэгдсэнээр
шилдэг 10 загвар өмсөгчийн жагсаалтад багтсан юм.

1.Кендал
Женнэр. Шилдэг загвар өмсөгчдийн жагсаалтыг тэргүүлсэн тэрээр
өнгөрсөн 10 сая ам.долларын орлоготой байсан бол 2017 онд 22 сая болтол өсгөж
чаджээ. Тэрээр Alexander
Wang, Fendi, Chanel, Marc Jacobs гэгчлэн дэлхийд алдартай брэндүүдийн нүүр царай болж, Estee Lauder болон Adidas-ийн сурталчилгаанд
тоглосноор ийнхүү орлогоо нэмэгдүүлсэн байна.

2.Жизель
Бундхен. Тэрээр олон жилийн турш эзэлж байсан тэргүүн байраа
алдсан ч, хоёрдугаарт бичигдсэн юм. Энэ онд Бундхен Vogue Paris сэтгүүлд зургаа
авахуулж, Arezzo-ийн
сурталчилгаанд тоглох зэргээр 17.5 сая ам.долларын орлоготой ажиллажээ. Бразил
гаралтай үзэсгэлэнт бүсгүй тэрээр ихэнх цаг заваа загварын салбартаа зориулдаг
билээ.

3.Крисси
Тейген. McDonalds,
Vita Coco болон Smirnoff зэрэг
алдартай компаниудтай сурталчилгааны гэрээ хийснээр Тейген өндөр орлоготой
загвар өмсөгчдийн жагсаалтад ийнхүү анх удаа багтжээ. Тэрээр 2017 онд 13.5 сая
ам.доллар олж, Sports
Illustrated, Cosmopolitan, Vogue, Glamour-т зургаа авахуулсан байна.

4.Адриана Лима. Тэрээр Victoria\’s Secret-ийн сахиусан
тэнгэрүүдийн нэг билээ. Ер нь энэ жилийн шилдэг арвын жагсаалтын ес нь дотуур
хувцасны компанийн загвар өмсөгчид байгаа аж. Адриана Лима Хятад улсад анх удаа
хөл тавьж, өнгөрөгч Даваа гаригт Шанхайд болсон Victoria\’s Secret шоунд оролцсон юм. Тэрээр энэ онд
сахиусан тэнгэрийн ажлаасаа гадна Maybellineболон Desigualбрэндүүдтэй хамтран ажиллаж, 10.5 сая ам.доллар олжээ.

5.Жижи
Хадид. Энэ онд Missoni,
Balmain, Isabel Marant болонMoschino зэрэг брэндүүдээс Нью-Йорк, Милан, Парист зохион
байгуулсан олон тооны загварын шоунуудад оролцож, 9.5 сая ам.долларын орлоготой
ажиллажээ. Өдгөө 22 настай тэрээр Maybelline-ний нүүр
будалтын коллекцийг сурталчилж, загварын Tommy
Hilfiger, Stuart Weitzman болон гутлын брэндүүдтэй хамтран ажилласан байна.

6.Рози
Хантингтон Вайтли. Энэ онд 30 нас хүрч анхны хүүхдээ төрүүлсэн ч тэрээр 9.5
саяын орлогоороо Хадидын хамт өндөр орлоготой загвар өмсөгчдийн жагсаалтад
тавдугаар байр эзлээд байна. Вайтли Marks,
Spencer дотуур хувцасны компаниуд, загварын Paigeболон Uggбрэндүүдийн сурталчилгаанд ажиллажээ.

7.Карли
Клосс. Америк гаралтай тэрээр загвар өмсөгч төдийгүй
программистаар давхар ажилладаг ажээ. Клосс ажлынхаа хажуугаар Calvin Klein болон Swarovski-г сурталчилснаар
9 сая ам.долларын \”цалин” авсан байна. Мөн Vogue, Harper\’s Bazaar сэтгүүлүүдэд
зургаа авахуулж, хоёр жил завсарлаад байсан Victoria\’s Secret шоуны тайзнаа гарсан юм.

8.Луй Вен. 2017 онд
6.5 сая ам.долларын орлоготой ажилласан тэрээр American Vogue сэтгүүлийн нүүр хуудсанд гарсан
анхны Хятад загвар өмсөгч болжээ. 28 настай Вен нь Нью-Йоркийн загварын долоо
хоногт Michael Kors, Anna
Sui брэндүүдийг сурталчилж, Chanelболон Puma-тай ч
хамтран ажиллажээ.

9.Белла
Хадид. Энэхүү жагсаалтад хамтдаа багтаж чадсан эгч дүү Хадидын
нэг тэрээр 6 сая ам.долларын орлоготой ажиллажээ. 21 настай тэрээр Нью-Йорк,
Парис, Милан, Лондоны загварын долоо хоногуудад Chanel, Givenchy, Oscar de la Renta, Lanvinбрэндүүдийг сурталчилсан аж.

10. Эшли Грэхам. 2017 онд 5.5 сая ам.долларын
орлоготой ажилласнаар тэрээр шилдгүүдийн жагсаалтын сүүлийн байранд багтсан
байна. 30 настай загвар өмсөгч бүсгүй өөрийн хувийн дотуур хувцас, усны
хувцасны сурталчилгаанд, мөн Lane
Bryant, Dressbarn болонH&M брэндүүдтэй хамтран ажиллажээ. Мөн Elle,
Vogue, Glamour сэтгүүлүүдийн нүүрнээ гарсан байна.