Ерөнхийлөгчийн шийдлийг хүлээсэн хэсэг хүмүүс

 

 

Гэвч тэд одоог хүртэл үүрэгт ажлаа хийлгүй ямар нэгэн
шийдвэр, шийдэл хүлээсээр л сууна. 

Энэ тухай УИХ-ын гишүүн Ц.Мөнх-Оргил \”УИХ зөвшилцөөд,
Ерөнхийлөгч зарлиг гаргачихсан Элчин сайдуудын асуудал одоог хүртэл
шийдэгдэхгүй байна. Японп суух Элчин сайд Г.Тэнгэрийн асуудал шийдэгдэхгүй 130
хоног боллоо. Японы талаас зөвшөөрлийг нь авчихаад л хүлээгээд байна. Канадад
суух Элчин сайд Г.Чингүүндарь 117 хоног, АНУ-д суух Элчин сайд Ё.Отгонбаяр 75
хоног тухайн улсынхаа зөвшөөрлийг авчихсан мөртлөө л хүлээгээд сууж байна. Энэ
байдал хэв журмаасаа хэтэрчихлээ. Монгол Улсын дипломат албаны түүхэнд болж
байгаагүй зүйл. Элчин сайдаа явуулахгүй байна гэдэг олон улсын дипломат
харилцааны практикт найрсаг биш үйлдэл. Энэ асуудлыг яаралтай шийдмээр байна”
УИХ-ын Аюулгүй байдал, Гадаад байдлын байнгын хорооны хуралдаан дээр хэлсэн
байна. 

Үндсэндээ Ц.Элбэгдорж Ерөнхийлөгчийн албан тушаалаас
буухаас өмнө яаран эдгээр хүмүүсийг Элчин сайдаар томилчихсон. Харин Х.Баттулга
Ерөнхийлөгч болсны дараа шийдэлд хүрэхгүй хүлээлт үүсгээд буй ганц асуудал энэ
болчихоод байна. 

Ерөнхийлөгчийн гадаад бодлогын зөвлөх Т.Тэгшжаргал Элчин
сайдуудыг яагаад томилохгүй байгаа вэ гэсэн асуудалд \”Таван Элчин сайдын
асуудал удааширсан. Энэ үнэн. Эхнээсээ зөвшилцөөд явж байна. Удахгүй шийдэлд
хүрнэ. Тодорхой хугацаа хэлэх боломжгүй” гэсэн тайлбарыг УИХ-ын гишүүдэд өгсөн
байна. 

Д.Ганбатын хувьд Итгэмжлэх жуухаа барьж, ажилдаа орсон.
Л.Пүрэвсүрэнгийн хувьд Ерөнхийлөгчийн тусгай элч бөгөөд гадаад бодлогын
зөвлөхөөр ажиллаж байсан. Одоо чухам ямар албан тушаал хашч байгаа нь
тодорхойгүй. Бусад нь МАН-аас дэвшүүлсэн Элчин сайдууд. Тиймээс Х.Баттулга эдгээр
хүмүүсийг Элчин сайдаар томилох хүсэлгүй байгаа байж болох юм. Элчин сайдыг
томилох, эс томилох нь Ерөнхийлөгчийн бүрэн эрхийн асуудал юм. Тиймээс УИХ-аас \”томилолтоо
авсан” Элчин сайдууд Ерөнхийлөгчийн тааллыг хүлээсээр байна.