Хорватын цэргийн генерал Гаагийн шүүх хурал дээр хор ууж, амиа хорлов

 

1992-1995 онуудад Хорватын цэргийн анги мусулманчуудын 20 гаруй тосгоны сүйтгэж, үй олноор нь хөнөөсөн хэрэг үйлдсэн билээ. Үүнийг түүхэнд Боснийн дайны жилүүд гэж нэрлэдэг. Тэгвэл тухайн үед Хорватын армийг удирдаж байсан Слободан Пралякыг Олон улсын буюу Гаагийн шүүх хурлаар шүүсэн байна. Слободан Пралякыг гэм зэмгүй олон хүнийг хороон үүрэг даалгаврыг цэргүүддээ өгсөн гэж буруутгажээ. 2013 онд Праляк болон Хорватын цэргийн удирдах албан тушаалтнуудад ял оногдуулсан. Тэгвэл өчигдөр болсон шүүх хурлаар өмнөх ялыг тогтоолыг хэвээр үлдээх шийдвэр гарчээ. Энэ үеэр Праляк шүүгчдэд хандаж \”Слободан Праляк гэмт хэрэгтэн биш. Би энэ ялын тогтоолыг хүлээн зөвшөөрөхгүй байна\” гэж мэдэгдээд хор уужээ. Гаагийн шүүх хурал дээр өмнө нь ийм үйл явдал болж байгаа бөгөөд \”Пралякыг ялын шийдвэр өөрчлөгдөхгүй бол хор уухаар төлөвлөсөн байсан\” гэж шүүгч хурлын ажиглагчид тайлбарлажээ. 

 

Праляк савтай зүйлийг уусныхаа дараа бие нь гэнэт муудсан учир, шүүгч хурлыг зогсоосон байна. Ингээд түргэн дуудсан боловч, эмнэлгийн тусламж авч чадсангүй.

 

Слободан Праляк 1945 оны нэгдүгээр сарын
2-нд Чаплини хотод төрсөн. Түүний эцэг хотын захиргаанд ажилладаг байсан. 1970
коллеж төгсөж, инженер, цахилгаанчин мэргэжил эзэмшсэн байна. Кино хийх,
найруулах дур сонирхол нь түүнийг Драмын сургуульд элсэх шалтгаан болжээ. Маш
олон кино уран бүтээл найруулж, үзэгчдийн хүртээл болгож байсан байна.

 

Инженер, бизнесмэн, зохиолч, цэргийн ерөнхий комондлагч, батлан хамгаалахын
зөвлөлийн гишүүн гээд түүний намтар арвин юм. 1990-ээд онд Хорват
Мусулманчуудын мөргөлдөөний үед дайралтын гол ажиллагааг удирдан зохион
байгуулсан хэргээр Олон улсын шүүхээс ял сонсоод байсан юм. Ингээд өчигдөр буюу
2017 оны 11 дүгээр сарын 29-ний өдөр өөрийгөө гэм буруугүй хэмээн хэлээд хор
ууж амь насаа алдлаа.