Forbes хамгийн өндөр орлоготой урлагийнхныг жагсаажээ

Forbes сэтгүүлээс
уламжлал болгон 2017 онд хамгийн өндөр ашиг орлоготой байсан дуучид,
хөгжимчдийн жагсаалтыг гаргасан байна. Тэдгээрийн дотор Coldplay хамтлагийнхан,
Бэйонси, Дидди, Жастин Бибер гээд олон алдартнууд багтжээ.

 

Жагсаалтын
эхэнд Дидди бичигдсэн байна. Тэрээр Cirocархины компанитай хийсэн гэрээ, Sean
John-ний борлуулалтын гуравны нэг хувийн ашиг, \”Bad Boy Family Reunion” аялан тоглолтоосоо
нийт 130 сая олсон учир ийнхүү нэгдүгээрт эрэмбэлэгджээ.

Хүчирхэг
бизнесмэн, рэппер, жүжигчний дараа дуучин
Бэйонси удаалж байна. Тэрээр 2016 оны
сүүлчээр хийсэн Formationаялан тоглолтоосоо 105 сая доллар олж, эрэмбэ буурч, хоёрдугаарт бичигджээ.
Аялалын тоглолтын нийт орлого нь 250 сая доллар болсон аж.

Харин Британийн
алдарт Coldplay болон The
Weekend хамтлаг, Дрейк нар тус бүр 84-94 сая долларын орлоготой
байснаар жагсаалтын эхний таван байрт багтсан юм. Үүнээс Дрейк 94 саяын
орлогоороо гуравдугаарт, Викнд дараагийн байрт нь бичигджээ.

Хамгийн
өндөр ашиг орлоготой урлагийнхны жагсаалтын хамгийн залуу өрсөлдөгч нь Жастин
Бибер байлаа. Тэрээр энэ онд шууд дамжуулсан 105 шоунд оролцсон нь түүний
карьерыг өсгөхөд ихээхэн нөлөөлжээ. Мөн алдарт Calvin Klein-ний гэрээ, ‘JustMoji’-ийн
домогт цувралууд, Дэдди Янки, Луйс Фонситой хамтарсан \”Despacito” бүтээл гээд
амжилттай олон ажлын ард гарснаар ийнхүү шилдэг аравт багтсан юм.

Ингээд
жагсаалтыг дэлгэрэнгүй танилцуулбал:

1.Дидди – 130 сая доллар

2.Бэйонси – 105 сая доллар

3.Дрейк – 94 сая доллар

4.Викнд – 92 сая доллар

5.Coldplay – 88 сая
доллар

6.Guns
N’ Roses – 84 сая доллар

7.Жастин Бибер – 83.5 сая доллар

8.Брьюс Спрингстин – 75 сая доллар

9.Адель – 69 сая доллар

10.Metallica– 66.5 сая доллар

Дэлхийн
хамгийн өндөр орлоготой хамтлаг, дуучдын жагсаалтыг гаргахдаа тэдний 2016 оны
зургадугаар сарын нэгнээс 2017 оны зургадугаар сарын нэгэн хүртэлх татварын
өмнөх орлогод дүгнэлт хийж гаргасан байна. Мөн тэдний агентууд, менежерүүд,
хуульчдынх нь нь цалинг тооцоогүй аж.

Б.Болормаа