МАХН хэнийх вэ?

$\"\"$

\”Оймсонд хавчуулагдаж\” улс төрд орж ирсэн хүү
өнөөдөр намаа удирдах эрх мэдэлтэн болжээ. Үнэндээ Н.Энхбаярын намаас ганцхан
хүн энэ парламентэд сонгогдож, УИХ-ын гишүүн гэх эрхэм алдрыг зүүж яваа. Тэр
бол О.Баасанхүү.

Даанч түүнийг нам нь, намынх нь удирдлагууд
үл тоосон. Тиймээс О.Баасанхүүд намаасаа гарах, эсвэл намынхаа удирдлагыг авах
гэсэн хоёр сонголт л байсан биз. Энэ тухай өмнө нь олон янзаар бичиж л байлаа.
О.Баасанхүүд төрийн сайд болох, МАХН-ын хувь заяаг хаааш нь ч эргүүлж болох
нөхцөл боломжууд байсан ч тэр намаасаа гараагүй. Энэ шийдвэрийнх нь
тусламжтайгаар МАХН Ерөнхийлөгчийн сонгуульд орж, С.Ганбаатарыг нэр дэвшүүлж,
МАН-тай шадар сайдын суудал өгч авалцах тухай тохиролцоо хүртэл хийгээд авсныг
санаж байгаа байх.

Энэ бол МАХН-аас нэр дэвшиж ялалт
байгуулсан О.Баасанхүүгийн л гавьяа юм. Хэрвээ тэр өөр намаас, эсвэл бие дааж
нэр дэвшсэн бол сонгогдож чадах байсан уу? Магадгүй ялалт байгуулчих
магадлалтай тойргийг түүнд өгсөн намын дарга, удирдлагуудад талархах ёстой л
доо.

Гэвч энд яг юу болоод өнгөрсөн бэ?

О.Баасанхүү
тэргүүтэй МАХН-ынхан Төрийн ордонд чуулж, Н.Энхбаярыг намын даргаас чөлөөлсөн
байна. Харин Н.Энхбаяр, З.Баянсэлэнгэ, С.Ганбаатар нар намынхаа байранд
хуралдаж, О.Баасанхүү нарыг намаас хөөх шийдвэр гарсан байх юм. Төрийн ордонд МАХН-ын 800 гаруй гишүүд,
төлөөлөгчид чуулжээ. Харин МАХН-ын байранд хэдэн хүн ирсэн нь тодорхой бус. 800-аас
мэдээж бага. Ингээд аль хурал нь хүчинтэй, албан ёсных болохыг нь мэдэхгүй бид
л гайхаж хоцров.

Тамга тэмдэггүй албат даргаа огцруулна гэж
юу байх вэ. Гэвч олонх намыг бүрдүүлдэг. 800 гаруй хүн Н.Энхбаярыг буулгах
хүсэлтэй байна. Мэдээж МАХН нэг хүний өмч биш учраас хүсвэл хэзээд Н.Энхбаярыг
буулгах, чөлөөлөх боломжтой. Гэвч төрийн ордонд чуулгахаараа албан ёсных
болчихдог юм биш л дээ.

Харин Н.Энхбаяр өөрийг нь огцруулсан хурлын
талаар нөгөө л тавантолгой, оюутолгой, МАНАН-гийн бүлэглэлийн талаар ярьжээ.
Өөрөөр хэлбэл Н.Энхбаярыг л хүчгүй эрх мэдэлгүй болгох нь МАНАН-гийн
бүлэглэлийн хүсэл гэж тэрээр тайлбарлалаа. Гэтэл Монголчууд чинь МАНАН-гийн
бүлэглэлийн эсрэг сонголт хийгээд байгаа биш билүү. Ерөнхийлөгч, Засгийн газрын
тэргүүн бүгд л \”Монгол ялж, МАНАН-г тас цавчина” гэсэн уриатай сонгуульд
оролцсон. Тэгэхээр энэ төрд МАНАН гэж хүчгүй албат л байгаа. Харин тэр хүчин
мөхөс албат Н.Энхбаярыг унагаж яах нь вэ. Эсвэл Н.Энхбаяр л хэлдэг хэдхэн
тайлбараа л дахин дахин маани мэгзэм шиг уншаа юу.

$\"\"$

Н.Энхбаяр бол шударга нэгэн биш ээ гэдгээ
үйлдэл бүрээрээ харуулж байгаа. Магадгүй ийм даргатай байснаар МАХН улс төрийн
тавцангаас арчигдаж мэднэ. Тиймээс л намын гишүүд даргаа өөрчилж, намдаа
шинэчлэл хийхийг хүссэн биз. Олон ч сонгуульд ялагдчихлаа. Улс төрийн намын
дүрэмд сонгуульд ялагдсан бол дарга нь чөлөөлөгддөг агуулга бий. Ц.Элбэгдорж,
Н.Алтанхуяг, С.Баяр, М.Энхболд гээд л бүгд яг дээрх дүрмийн дагуу дараагийн үедээ
албан тушаалаа шилжүүлэн өгсөн. Харин МАХН-д тийм шинэчлэл, хариуцлагын
тогтолцоо үйлчилдэггүй бололтой юм. Тэгээд аль дээр үед Н.Энхбаярыг түшсэн
хэдэн хүн л намыг удирдах хэрэгт оролцож, залуус, шинэ үе нь залхахдаа өөр нам
руу \”урвалт” хийж байна. Энэ утгаар нь харвал О.Баасанхүүгийн зохион байгуулсан
хурал ач холбогдолтой, агуулга зөвтэй. Гэвч тамгагүй албат ноёноо унагахад бэрх
л байх болов уу даа.

$\"\"$

МАХН хэнийх вэ?

Related Posts

Шинэ мэдээ