25 жилийн түүхтэй NEXT TOP наадмын шилдэг залуу номинацид Д.Гантулга нэр дэвшжээ

 

Монголын Залуучуудын холбооноос 25 дахь жилдээ \”Next top” арга хэмжээг зохион байгуулах гэж
байгаагаа өдөр шөнөгүй рекламдаж байна. Энэ
арга хэмжээн дээр нийгэм, улс төр, эдийн засаг, бизнесийн салбарт амжилт
гаргасан тэргүүний залууг шалгаруулж, шагнадаг уламжлалтай. Монгол Улсын
Ерөнхийлөгч асан Ц.Элбэгдоржоос эхлээд нэртэй улс төрчид, бизнесийн акулууд рекламанд
нь тоглоод байхыг бодоход их л сүртэй, том арга хэмжээ болдог бололтой юм.

25 жилийн туршид оны шилдэг залуусыг тодруулсан гэхээр цар хүрээ нь ч, утга
агуулга нь ч том гэж бодогдохоор байгаа биз. Гэтэл яг шилдэг залууг тодруулдаг
наадам бишдэг. Саяхан Нийслэлийн Иргэдийн төлөөлөгчдийн хурлын даргад нэр
дэвшиж, олноо танигдах болсон Д.Баярсайхан гуай \”2017 оны бүтээлч улс төрч
залуу” номинацид нэр дэвшээд явж байхыг харлаа. Эмэгтэй хүний насыг хамаагүй
зарлаад байж болохгүй л дээ. Гэхдээ л энэ хүн залуу гэдэг ангилалд арай л
багтмааргүй санагдаад байгаа юм.

 

Эсвэл нэр дэвшүүлчихээр \”бүтээлч залуу улс төрч” олдоогүй юм байна гэж
ойлгогдоод байна л даа. Үүнийг баталж байгаа мэт өнгөрсөн хугацаанд бидэндээ \”бандааш”
нэрээрээ алдаршаад байгаа УИХ-ын гишүүн Д.Гантулга бас энэ номинацид нэр
дэвшчихсэн тодорхой хэмжээний санал авчихсан явж байх юм. Ямар бүтээлээр нь
Д.Гантулгыг нэр дэвшүүлсэн юм бол гэж бодоход хүргэж байгаа биз. Д.Гантулгын
өргөн бариад батлуулчихсан хууль, тогтоомжийг өдийг хугацаанд олж харсангүй.
Эсвэл \”Саранзаяагийн дүү”-тэй холбогдсон асуудал нь түүний бүтээлтэй ажилласан
жилийнх үр дүнг үгүй хийчихээд байна уу.

 

 

Тийм байлаа ч хэрвээ би Д.Гантулга байсан бол олон таван үг, тайлбаргүйгээр
шууд л нэрээ татах байлаа. Бас тодорхой тооны санал өгөөд түүнийг \”хөөргөчихжээ”.
Ийм байж болохгүй. Харин хамгийн ухамсартай, үг үйлдэлдээ эзэн болдог залуу хүн
гэдгээ олон түмэнд баталж харуулчихаад дараа нь хүссэн номинацидаа нэр дэвшиж,
хүссэн ёолкондоо орж, баярлаж цэнгэж болно. Гэтэл өнөөдөр асуудал нь хуулийн
байгууллагад шилжиж, шалгагдаж байгаа. Дээр нь хохирогч, гэрчүүд олонтой,
хуулийнхан \”улаан махны хэрэг” гэж онцолдог онцгүй хэрэгт холбогдчихоод энэ оны
\”бүтээлчзалуу” гээд нэр дэвшээд явна гэдэг ичгэвтэр юм.

Залуучууд холбоо ч гэсэн ийм намтартай хүнийг нэр дэвшүүлэхээс татгалзах
хэрэгтэй. Эсвэл энэ номинацид нь тухайн жилдээ хэн хамгийн ихээр олон нийтийн
дургүйцлийг хүргэсэн бэ гэдэг шалгуур тавьж байгаад нэр дэвшүүлдэг юм уу. Үгүй
л байх. Номинацийг эхнээс нь харахад энэ жил ололт амжилттай байсан, улс төр
болоод нийгмийн салбарт олон үр дүнтэй ажлуудыг хэрэгжүүлсэн ёстой л энэ жилийн
манлайлагч гэж дүгнэхүйц олон залуус харагдаж байна. Гэтэл тэдний дунд \”тоон
дотор үсэг цохиж явна” гэгчээр муухан намтартай нэгэн нэр дэвшээд өрсөлдөж
байхыг харах урамгүй юм. Мэдээж хэн ялагч болохыг санал өгч байгаа хүмүүс л
шийдэх байх. Гэвч ялагч залуу \”Би бандаашийг ялж, оны шилдэг залуу улс төрч
боллоо” гээд яриад явах уу? Ийм утгагүй, явуургүй, олон нийтийг бухимдуулсан
зүйлийг Монгол Залуучуудын холбоо зохион байгуулж байна. Тэгэхээр 25 жил ийм
арга хэмжээ явагдсан гэсэн үг үү. Тэгвэл Ц.Элбэгдорж гуай, улс төр, бизнесийн
акулууд маань юуг сурталчилж, юуг дэмжээд байна вэ?