Өнгөрсөн долоон хоногийн үйл явдлыг тоймлон хүргэж байна  

 

\”Бөртэ
Чоно 2017” шилдгийн шилдгүүд тодорлоо

 

Бөртэ
Чоно-2017\” Тэргүүн дээд шагнал гардуулах ёслолын ажиллагаа өчигдөр боллоо.
Энэ жил шилдэг эрэгтэй гурав , эмэгтэй гурван тамирчин шалгарсан. Харин
шилдэгийн шилдэг тамирчинаарӨнгөрсөн жил \”Рио-2016\” олимпийн
наадмын мөнгөн медальт, 2017 оны дэлхийн аварга Д.Сумъяа тодорсон юм.15
дахь жилтэйгээ золгож буй \”Бөртэ Чоно-2017\” ёслолын үеэр МҮОХ-ноос
оны шилдэг спортын холбоо, дасгалжуулагч, шүүгч, олимпийн танхим, олимпийн
зөвлөл, спорт холбооны ерөнхийлөгч, ерөнхий нарийн бичгийн дарга, спорт клуб,
шилдэг залуу тамирчныг шалгаруулсан юм.

Д.Ганхуяг
ЦЕГ-ын дарга, ерөнхий прокурорт гомдол гаргав

Олон нийтийн сүлжээнд бусдын хүчирхийлэлд өртсөн
хэмээн мэдэгдэл хийсэн Г.Номуундарьт холбогдох хэрэгт эрүүгийн хэрэг үүсгээгүй
байна хэмээн ЦЕГ-аас мэдээлж байсан.Тэгвэл Г.Номуундарийн аав сайд асан
Д.Ганхуяг ЦЕГ-ын дарга, хурандаа С.Баатаржав, Улсын ерөнхий прокурор М.Энх-Амгалан
нарт хандан гомдол гаргажээ.

Уг гомдолдоо
\”Даваажав овогтой Ганхуяг миний төрсөн охин Номуундарь нь гэмт хэргийн
хохирогч болж эрүүл мэнд бие эрхтэн, сэтгэл санаагаараа хохирсон явдлыг
шалгуулж үнэн мөнийг тогтоолгож холбогдох гэм буруутай этгээдүүдэд хариуцлага
тооцуулахаар танд хандан гомдол гаргаж байна.Болсон үйл явдлыг охиноосоо асууж
тодруулсны дагуу шалгуулахаар ийнхүү гомдол гаргаж байна. ЦЕГ-ын дарга
С.Баатаржав, Улсын ерөнхий прокурор, Хууль цаазын тэргүүн зөвлөх М.Энх-Амгалан
та уг асуудалд анхаарлаа хандуулж, хэргийг шударгаар шалгаж чадах мөрдөн
байцаагч томилж, уг хэргийг шалгуулж дээрх этгээдүүдэд хуулийн хариуцлага
хүлээлгэж өгөхийг хүсч, энэхүү гомдлыг гаргаж байна” гэжээ.

CNN
агентлаг Н.Түвшинбаяр аваргыг \”Жүдогийн домог\” хэмээн онцолжээ

\”CNN\”агентлаг өнөөдөр
Монгол Улсын анхны олимпын аварга, анхны хос медальтан, жүдоч, Монгол Улсын
Хөдөлмөрийн баатар бөгөөд гавьяат тамирчин Найдангийн Түвшинбаярын тухай
онцолжээ.Тус агентлагийн
\”Жүдогийн домог: Монголын дүр төрх Найдангийн Түвшинбаяр” нийтлэлд \”Гуравхан
сая хүн амтай Монгол Улс 2017 оны жүдогийн ДАШТ-ээс зургаан медаль хүртэж,
багийн дүнгээрээ гуравдугаарт орсон. Тус улс нь жүдо бөхөөр алдарт Теди
Райнерын өлгий нутаг Франц, жүдогийн эх орон Японы араас орсон билээ.Өвөлдөө -20 хэмээс давж
хүйтэрдэг талын Монголын тамирчид ийм амжилт гаргахад тийм ч амаргүй. Сүүлийн
жилүүдэд Чингис хааны өлгий нутагт жүдогийн спорт хөгжин цэцэглэсээр
байна.

Найдангийн Түвшинбаяр
2008 оны Бээжингийн олимпоос алтан медаль хүртсэнээр Монголын олимпийн анхны
аварга болсон. Тус улсын Булган аймгийн малчны хүү Н.Түвшинбаяр хөдөө нутагтаа
барилдаж, мал хариулж өссөн нэгэн. Тэрбээр телевизээр жүдогийн Азийн АШТ
үзсэнийхээ дараа 18 настайдаа энэ спортод хөл тавьсан гэдэг. Үүнээс ердөө
зургаан жилийн дараа тэрбээр Бээжингийн олимпийн аварга болж, алдар нэрээ
цуурайтуулсан билээ.Н.ТүвшинбаярОлимпийн
аварга болсныхоо дараа хамгийн түрүүнд аав ээж, дасгалжуулагчаа л бодсон доо.
Монголчууд бүгд миний алтан медалийг угааж, баярлаж байсан” хэмээн бичсэн байна.Мөн 2012 оны Лондонгийн олимпоор өвдгөндөө
гэмтэлтэй байсан ч хэрхэн мөнгөн медаль хүртсэн, 2017 онд Будапештийн Дэлхийн
аваргын тэмцээнд 100+ жинд оролцож өөрөөсөө илт том биетэй бөхчүүдтэй амжилттай
барилдаж хүрэл медаль авсан талаар онцолжээ.

 

 

Хөдөлмөрийн
баатар Б.Лхагвасүрэнгийн эмчилгээнд Засгийн газраас 25 сая төгрөг хандивлахаар
боллоо

Монгол Улсын
Хөдөлмөрийн баатар, Ардын уран зохиолч Б.Лхагвасүрэн нь ходоодны хорт хавдраар
өвчилсөн тухай харамсалтай мэдээ гараад байгаа билээ. Тэгвэл Засгийн газраас
өнөөдөр их зохиолчид эмчилгээний хандив өгөх шийдвэр гаргажээ.

Тодруулбал
\”Хөдөлмөрийн баатар, Төрийн шагналт, СГЗ Б.Лхагвасүрэн гуайн эмчилгээнд
Засгийн газрын зүгээс 25 сая төгрөг хандивлахаар боллоо. Нөөц сангаас 10 сая
төгрөг, БСШУСЯ-наас 10 сая төгрөг, ЭМЯ-наас5 сая төгрөг эмчилгээнд нь зориулж
гаргахаар шийдлээ. Ерөнхий сайдын зүгээс танхимын гишүүддээ хандаж хувиасаа
хандив тусламж өгөхийг уриаллаа\” хэмээн Засгийн газрын ХМОНХА-ны дарга
Ц.Ганзориг мэдээллээ.

Сумогийн холбооноос Хакухо
аваргын цалинг хасах шийдвэр гаргажээ

Японы Сумогийн холбоо
хоёр хонгийн өмнө хуралдаж Хакухо аваргын цалинг хасах шийдвэр гаргажээ.
Тэднийг аравдугаар сард болсон бөхчүүдийн дуулиант зодооныг зогсоох арга хэмжээ
аваагүйд буруутгаж, ийм шийтгэл оноосон аж.

Хакухо аварга ирэх
нэгдүгээр сард цалингаа 100 хувь авахгүй бол хоёрдугаар сард цалингийнхаа талыг
хасуулахаар болжээ. Аравдугаар сарын сүүлээр Тоттори хотод болсон бөхчүүдийн
наргиан цэнгээний үеэр сумогийн өөр нэг аварга Харумафүжи доод зиндааны бөхийг
зодож бэртээсэн юм. Тэр энэ үйлдлийнхээ төлөө өнгөрсөн сард зодог тайлсан.
Дээрх зодооны хэргийн үеэр Хакухо, Какурю нар хамт байсан юм. Мөн
Харумафүжигийн дэвжээний эзэн Исегахама Сумогийн холбооны удирдах зөвлөлийн
гишүүнээс огцорч байгааг мэдээлсэн байна.

 

Ерөнхийлөгч
Б.Хурцыг БНСУ-д суух элчингээр томилох боломжгүй гэж үзжээ

Монгол Улсын Ерөнхийлөгч
Х.Баттулга Монгол Улсаас гадаадын зарим улсуудад суух Элчин сайд нарыг томилох
асуудал удааширч байгаа тул үүнийг ойрын хугацаанд шийдвэрлэх шаардлага
байгаатай холбогдуулан Монгол Улсын Ерөнхий сайд У.Хүрэлсүхэд өнөөдөр албан
бичиг хүргүүлээ. Уг албан бичигт Монгол Улсыг төлөөлөн гадаад улс оронд ажиллах
Элчин сайд нарыг яаралтай томилоход анхаарал хандуулж, Засгийн газрын зүгээс
томилуулах хүмүүсийн нэрсийг холбогдох хуулийн дагуу ойрын үед шинээр санал
болгоно уу гэсэн байна.Мөн сүүлийн үед олны анхаарал татаад байгаа ТЕГ-ын дарга
асан Б.Хурцыг БНСУ-д Элчин сайдаар явуулах эсэх асуудалд ч хүлээзнэх шаардлага
үүссэн. Учир нь Б.Хурцыг Элчин сайдаар томилох тухайд УИХ-тай зөвшилцөх явцад
анхаарал татсан олон асуудал яригдсан тул энэ бүхнийг тодорхой болтол
Ерөнхийлөгчийн зүгээс түүнийг томилж явуулах боломжгүй гэж үзсэн байна.

ЕБС-ийн Сурагчид нэг сар амрахаар болов

МонголУлсын
Ерөнхий сайд У.Хүрэлсүх томуу, томуу төст өвчний өвчлөл ихэсч байгаатай
холбоотойгоор шаардлагатай бол сурагчдын хоёрдугаар улирлын амралтын хугацааг
сунгах чиглэл өгч, Засгийн газрын дараагийн хуралдаанд танилцуулахыг холбогдох
сайд нарт үүрэг болгосон юм. Үүний хүрээнд.Ерөнхий боловсролын сургуулийн
сурагчдыг 2018 оны нэгдүгээр сарын 1-нээс хоёрдугаар сарын 1-ний хугацаанд
амраахаар болов.

Б.Наранхүүг
эгүүлэн татах асуудлаар Үндсэн хуулийн цэцэд ханджээ

Дундговь аймгаас УИХ-д
сонгогдсон Б.Наранхүү гишүүнийг УИХ-аас эгүүлэн татах асуудлаар өчигдөр Үндсэн
Хуулийн Цэцэд хандсан байна.Үндсэн Хуульд \”Улсын Их Хурлын гишүүн бол ард
түмний элч мөн бөгөөд нийт иргэн, улсын ашиг сонирхлыг эрхэмлэн
баримтална\” гэсэн байдаг.Гэвч Б.Наранхүү гишүүн УИХ-ын чуулганы
нэгдсэн хуралдаанд хангалттай суухгүй байгаа нь энэхүү үүргээ гүйцэтгэж чадаж
байгаа эсэх нь эргэлзээтэй болоод байгаа юм.

Тэгвэл Улсын Их Хурлын
тухай хуулийн 6 дугаар зүйлийн 6.6.5 дахь хэсэгт \”Үндсэн хуулийн цэц
гишүүнийг эгүүлэн татах үндэслэлтэй гэсэн дүгнэлт гаргасныг Улсын Их Хурал
хүлээн авсан” үндэслэлээр чөлөөлөгдөхийг хуульчлан заасан. Иймд хуульд заасан
бүрэн эрхээ хэрэгжүүлэхгүй байгаа дээр УИХ-ын гишүүн Б. Наранхүүгэгүүлэн татах
үндэслэлтэй эсэх талаар дүгнэлт гаргуулахаар хуульч Б.Гүнбилэг, Д.Миеэгомбо,
Ч.Жадамба нар Үндсэн хуулийн цэцэд өчигдөр ханджээ.

 

Монголын
охид, залуу эмэгтэйчүүдийн талаар BBC онцолжээ

Их Британийн алдарт BBC агентлаг монгол охид,
эмэгтэйчүүдийн тухай \”Чингис хааны нутгийн орчин цагийн эмэгтэйчүүд”
нэртэй нийтлэлийг тусгайлан бэлтгэжээ. Тэд залуу эмэгтэйчүүдийн төлөөлөл болгож
Хэнтий аймагт малчин аав, ээжийнхээ хамт амьдардаг 13 настай Мичидмаа, 15 настай
Халиунаа болон бидний сайн мэдэх дуучин Номинжин, Буяа нарын ахуй амьдралыг
жишээ болгон харуулж, манай улсын жендерийн тэгш байдлын тухай нийтлэлдээ
хөндсөн байна.

Манай улсыг гурван сая
гаруй хүн амтай ч түүнээс 20 дахин их малтай, 1.56 сая хавтгай дөрвөлжин
нутагтай хэмээн нийтлэлд онцолжээ. Монгол охид, хөвгүүдийн ялгаа, тэдний
сонирхол, эцэг эх нь хэрхэн хүмүүжүүлж байгаа талаар, боловсролын систем,
амьдралын хэв маяг, ажил эрхлэлт, тэр ч байтугай улс төр болон бизнес дэх
эмэгтэйчүүдийн оролцооны талаар ч хөндөн бичжээ.

 Н.Алтанцэцэг