![\"\"](http://undesten.mn/wp-content/uploads/2017/12/1514695023_new-years-dave-busters-crtsy-drwc-900vp.jpg "\\"\\"")
Нийслэлийн Засаг даргын Тамгын газар, Нийслэлийн соёл урлагийн газраас жил бүр зохион байгуулдаг \”Улаанбаатарын мөнгөн шөнө” арга хэмжээ өнөөдөр /2017.12.31/ 21.00-01.00 цагийн хооронд Д.Сүхбаатарын талбайд зохион байгуулна.
Тус үйл ажиллагааны урлагийн тоглолтын найруулагчаар Улсын драмын эрдмийн театрын /УДЭТ/ жүжигчин, найруулагч СТА А.Чингүн, зөвлөх найруулагчаар УДЭТ-ын ерөнхий найруулагч, Төрийн соёрхолт Н.Наранбаатар ажиллаж байна.
Баярын цэнгүүнд үе үеийн хамтлаг дуучид оролцож уран бүтээлээ толилуулж, он гарах мөчид Нийслэлийн Засаг дарга бөгөөд Улаанбаатар хотын захирагч С.Батболд нийслэлчүүддээ мэндчилгээ дэвшүүлнэ. Арга хэмжээний үеэр Нийслэлийн Цагдаагийн газар, Онцгой байдлын газар, Нийслэлийн мэргэжлийн хяналтын газар, Улаанбаатар хотын захирагчийн алба, Нийслэлийн эрүүл мэндийн газар зэрэг байгууллагууд ажиллаж иргэдийнхээ аюулгүй байдлыг хангаж ажиллах юм байна.
![\"\"](http://undesten.mn/wp-content/uploads/2017/12/1514695027_new.jpg "\\"\\"")
