Б.Эрдэнэжамьян: О.Баасанхүү бол Түгжилтэй адилхан этгээд

    Өнөөдөр МАХН-ын зүгээс  цаг үеийн асуудлаар мэдээлэл хийлээ.  Тус намын Ерөнхий нарийн бичгийн дарга Б.Эрдэнэжамьян
хэлэхдээ:  \”УИХ-ын гишүүн О.Баасанхүү
тэргүүтэй зарим хүмүүс ил тод гэмт хэргийн шинжтэй нэлээд олон үйлдлийг сүүлийн
үед хийгээд удаж байна. Нэгдүгээрт юуны өмнө сар гаруйн өмнө манай намын бага
чуулган болсон. Бага чуулганаараа бид бүхэн хоёрдугаар их чуулганыхаа товыг
зарласан. Намын дүрмийн нэмэлт өөрчлөлтийг хийх тухай шийдвэрийг гаргаад улсын
дээд шүүхэд бүртгүүлхээр хандахад Улсын дэд шүүх дүрэм ёсоороо танай дүрмийг бид
маш хатуу чанд баримтлана,  хуулиас
дээгүүр гэж үзэж байгаа учраас та бүхэн яг дүрмийнхээ дагуу ажилла гээд дүрмийнхээ
дагуу их хурлаа хийгээд ирвэл бид нар хүлээн авахад бэлэн байна гэсэн хариу
өгсөн. Гэтэд  дундуур нь О.Баасанхүү, Г.Бямбасүрэн
тэргүүтэй манай намд байгаад хөөгдсөн өөр намд үйлчлэн намынхаа эсрэг ажилладаг
байсан хэсэг бүлэг хүмүүс манай намын их хурлыг хийсэн мэтээр янз бүрийн үйлдэл
хийгээд өөрсдийгөө МАХН-ын даргаар зарлаж, залилан мэхлэх гэмт хэргүүдийг
хийгээд явж байна. Үүнийг өнөөдөр монголын ард түмэн тэртэй тэргүй сайн мэдэж
байгаа. Эдгээр хүмүүс УДШ-д хүсэлтээ өгсөн байна лээ. Уг нь бол УДШ үүнийг
хүлээж авахгүйгээр шууд буцаах ёстой.  Илт
тамга тэмдэггүй, ямар ч намын гишүүдгүй ийм хурлаас гарсан шийдвэрийг  угтаа ерөөсөө огт хүлээж авах ёсгүй юм. Гэтэл УДШ
хүлээж аваад маргааш буюу нэгдүгээр сарын 5-ны өдөр энэ хүсэлтийг нь бүртгэж
авах гэж байна. Үүнээс өмнө бид яг бодит байдал дээр юу болсон бэ гэдгийг та
бүхэнд тодорхой баримт сэлттэйгээр хэлье гэж хүсэж байна. Юуны өмнө УИХ- ын
гишүүн О.Баасанхүү гэдэг хүн ЗГХЭГ-ын дарга Г.Занданшатарт бөөн утгатай бичиг
өгсөн. Уг бичигт \”УИХ-ын гишүүн миний бие 2017 оны 12-р сарын 9,10-ны өдрүүдэд
төрийн ордны их танхимд хууль тогтоомжийн хэлэлцүүлэг бүхий хурал зөвлөгөөн
зохион байгуулах гэж байгаа болно. Энэ хурлыг  зохион байгуулахтай холбогдох зардал 18 сая
400 мянган төгрөгийг төр засгийн үйлчилгээний цогцолборын санхүүгийн албанд 2018
оны нэгдүгээр сарын дундуур  шилжүүлэх
хүсэлтэй байгаа тул нааштайгаар дэмжлэг үзүүлхийг хүсье”  гэсэн бичиг өгсөн. Өөрөөр хэлбэл төрийн ордонд
ийм хурал зохион байгуулах гээд урилгаа тараах үед нь бид ЗГХЭГ-т манай намын
хурал наана чинь болохгүй гэж хэлж, бид хурлаа өөр газар хийх болно гэсэн.

 

Тийм
учраас та нар манай намын дотоод хэрэгт хутгалдах байдлаар ийм асуудал гаргаж
болохгүй.  Энэ  хурлыг зохион байгуулахгүй байхыг хүсье гэсэн
албан бичгийг өгсөн. Гэтэл тэд зөрөөд төр засгийг хүртэл ингэж муухай залилан
мэхэлсэн. Засгийн газар өөрөө намын их хурлаа онц их хурал гэж хийж байгаа тийм
урилгатай арга хэмжээгээ юу гэж хэлж байгаа гэхээр хууль тогтоомжийн хурал
хийгээд төлбөрийг нь өгөхгүйгээр 2018 оны нэгдүгээр сард өгнө гээд бултуулсан
явдал  гаргасан. Нэг бичгээрээ төр засаг
болоод өөр бусад хүмүүсийг ингэж хуурсан. Хоёрдугаарт нь тэр хуралд нь хөдөө
орон нутгаас ямар ч намын гишүүнчлэлгүй хүмүүс их хуралд төлөөлөгч сонгох журмын
дагуу сонгогдож ирээгүй. Намын хууль болон улс төрийн намын тухай хуулиар намын
дүрмээр намын төлөөлөгч сонгогдох журам гэж гардаг. Тэр журмаар тэрхүү төлөөлөгчдийг
сонгодог журамтай. Гэтэл тэд зүгээр зах дээр явж байсан хүмүүсийг автобусанд
суулгаад, оюутнуудыг ангиар нь бөөнд нь авчирч, зарим хүмүүсийг намын хуралдаа
ирээ гэж залилж мэхэлсэн  байдлаар
авчирсан байсан. Тухайн үед  эдгээр
хүмүүстэй уулзахад манай намтай хамааралтай намынхаа хуралд сууна гэж ойлгож
ирсэн бүх хүмүүс энэ хуралд  суухаас
татгалзаж хурлыг орхин гарч явсан. Гэтэл О.Баасанхүү тэргүүтэй тэдгээр хүмүүс
тэр хүмүүсийг барьцаалах үйл явдлыг гаргасан. Жишээ нь Баянгол зочид буудалын
өрөөнөөс 40,50 хүнийг хувцас болон цүнхийг нь өгөлгүй харуул хамгаалалтийн
ажилтнуудаар мануулж огт гаргаагүй. Тэд тэр хүмүүсийг бүтэн хоёр хоног түгжсэн
байсан.  Дараа нь төрийн ордонд байсан
хурал дээр нь орсон хүмүүс энэ бол жинхэнэ МАХН-ын хурал биш байсан юм байна гээд
гарья гэхэд төрийн ордны хамгаалалтын албаныхан бас гаргаагүй байсан. Ингээд
үндсэндээ төрийн ордон болон Баянгол зочид буудалд хүмүүсийг хуурч мэхлэж
оруулаад гаргаагүй барьцаалсан явдал гарсан. Үлдсэн хүмүүс нь ямар хүмүүс байна
вэ гээд  өнөөдөр УДШ-д өгсөн төрийн
тусгай хамгаалалтын газрын өгсөн нэрсийг нь шалгаад үзэхэд тэр хүмүүсийн овог
нэр, регистерийн дугаар нь огт таарахгүй байгаа. Тэнд ерөөсөө монгол улсын
иргэн гэх овог нэр регистир нь таарч байгаа хүн ганц ч алга. 200 хүний нэрийг
шалгаж үзэхэд огтхон ч таарахгүй байгаа. 

 

 

Энэ нь юу болж байна вэ гэхээр монгол
улсын хууль тогтоомжуудыг шууд утгаар нь зөрчиж байгаа зохион байгуулалттай ноцтой
асуудал үүс байна гэсэн үг. Магадгүй зарим хүмүүст мөнгө өгч хуралд  суулгасан байж ч болзошгүй гэж үзэж байна. Дээрээс
нь тэр их хуралд суусан бүх хүмүүсийн намын батлах нь хуурамч, тамга нь гэхэд
2016 онд хулгайд алдагдсан МАХН-ын Сүхбаатар дүүргийн нийслэлийн намын хорооны тамга
байсан.  Тэгэхээр үүнийг залилангийн гэмт
хэрэг гэж үзэхээс өөр аргагүй. Энэ бүх үйлдлийг эрүүгийн хуульд хэд хэдэн зүйл
заалтаар заасан байдаг. 22-ын 11-р зүйл гэж бий. Дураараа аашлах зүйл анги.
Нийтийн албан тушаалтан, УИХ-ын гишүүн өөрт олгогдоогүй албан тушаалын бүрэн
эрхийг бусдын нэрийн өмнөөс хэрэгжүүлсж  ашигласны улмаас бусдын эрх ашигт ноцтой
хохирол учирсан бол эрүүгийн хариуцлага онооно гэсэн заалт байгаа. Хоёрдугаарт
нь хуурамч барим бичиг үйлдэх ашиглах 23-ын 2-р зүйл гэж байдаг. Үүнд тусгай
зөвшөөрөл эрх олгосон үүргээс чөлөөлсөн баримт бичиг тамга тэмдэг хэвлэмэл
маягт иргэний үнэмлэх жолооны үнэмлэх боловсролын үнэмлэх диплом гэх мэт эдгээр
бичиг баримтыг хуурамчаар үйлдсэн хуурамч болохыг мэдсээр байж ашигласан бол ял
онооно гэж байгаа. 23-ын 3-р зүйлд бичиг баримт тамга тэмдэгийг хулгайлах
устгах гэмтээх гэмт хэргийг эрх олгосон үүргээс чөлөөлсөн баримт бичиг тамга
тэмдэг болон бусад бичиг баримтийг хулгайлсан устгасан бол мөн эрүүгийн
хариуцлага оноох хуультай.  Мөн цааш нь
өөр зүйл заалтууд  ч эрүүгийн хуульд
тодорхой байгаа. Тэгэхээр тэдгээр хүмүүс маш олон гэмт хэргүүдийг үйлдээд байна
гэсэн үг.

 

Маш олон хуурамч бичиг баримттай хүмүүсийг тэр их хуралдаа дуудаж
оролцуулсан байсан. Мөн О.Баасанхүү нь өөрийгөө намын дарга гэж хий хоосон
албан тушаалд томилж,  өргөмжлөөд дураараа
аашлаад явж байна. Манай нам Төрийн тусгай хамгаалалтын газар болон ЗГХЭГ-т
ямар нэгэн хурал хийгээгүй гэсэн албан бичиг өгөх болно. Энэ 18 сая 400 мянган
төгрөгийг манай нам төлөхгүй О. Баасанхүү гэдэг хүн хувиасаа төлнө гэдгийг бид
хэлж  байгаа. Манай намын хяналт ёс зүйн
хорооны тогтоол саяхан гарсан. Үүнийг бид УДШ-д хүргүүлсэн байгаа. Мөн эдгээр
холбогдох бүхий л зөрчилүүдийг бид цагдаа, шүүх Үндсэн хуулийн цэц,
тагнуулын  байгууллагад хүргүүлж байгаа.
Үүний дагуу тэдгээр газрууд тодорхой арга хэмжээ авна гэж бодож байна. Энэ бол
үнэндээ зүгээр нэг дээрмийн шинжтэй гэмт хэрэг  юм. Үүнийг ОХУ-д \”Редство”-ийн гэмт хэрэг  гэж тодорхойлсон байдаг. МАХН-ын их хурлыг
албан ёсны их чуулганаар л хэрэгжүүлэх үүрэгтэй байдаг.  Манай намын их хурал ирэх хоёрдугаар сарын 9-10-ны
хооронд  МҮЭСТО-д болно.  Одоогоор манай намын дарга Н.Энхбаяр хэвээрээ
байгаа. Бид О.Баасанхүү гэдэг хүнийг УИХ-д  нэр дэвшүүлсэндээ үнэхээр ичиж байна.
Уучлаарай ард түмэн минь. Ийм хүнийг кинон дээр гардаг хүн хутгалж, хуурч
мэхэлдэг Түгжил гэдэг хог шаартай зүйрлэхээс өөр аргагүй гэж хэлмээр байна. Тэгэхээр
бид орчин цагийн ийм Түгжилийг тухайн үед огтхон ч таниагүйдээ үнэхээр харамсаж
байна. Одоо тэрнээс бүрмөсөн сальяа гэж бодож байна. Эцэст нь хэлэхэд энэ хүн
манай намын  гишүүн биш шүү гэдгийг дахин
хэлье. МАХН-ыг  парламентад суудалгүй нам
гэж тооцож болно. Гэхдээ энэ хүнийг УИХ-аас эргүүлэн татах үндэслэлтэй гэдгийг
хэлмээр байна. Саяхан Үндсэн хуулийн цэцээс УИХ-ын гишүүний халдашгүй дархан
эрхийг цуцлах шийдвэрийг гаргасан. Гэхдээ энд нэг зүйлийг онцолж хэлэхэд энэ бүхнийг
О. Баасанхүү ганцаараа зохион байгуулаагүй гэж бид үзэж байгаа. Тэрний ард МАН
байгаа  гэж бид нар үзэж байгаа. МАН-ын
дарга У.Хүрэлсүх О. Баасанхүүгийн намын хурал гэдэг жүжгийг ивээн тэтгэж байгаа
юм ажилласан гэж үзэж байна. Бид тус намтай бас хариуцлага ярих болно гэлээ.

 

 

 

Ж.Батдорж