![\"\"](http://undesten.mn/wp-content/uploads/2018/01/1515373981_p1c329oj68tbcsg5gpt147e1u803.jpg "\\"\\"")
Өнгөрсөн долоон
хоногт болсон үйл явдлыг тоймлон хүргэж байна
\”Эрдэнэт” үйлдвэрийн 49 хувийг төрийн мэдэлд авах шийдвэр
гаргалаа
Өнгөрсөн пүрэв гаригт Засгийн газар ээлжит бусаар
хуралдаж, \”Эрдэнэт” үйлдвэрийн 49 хувийг төрийн мэдэлд авах шийдвэр гаргалаа.
Улмаар энэ талаарх албан мэдээлэлд \”49 хувийг эзэмшиж байсан талд 400.27 сая
ам.доллар төлснийг УИХ-ын 23 дугаар тогтоолын дагуу харилцан суутгал хийж
шийдвэрлэхийг Засгийн газрын хуралдаанаас гаргалаа. Ингэснээр нэг их наяд 31
тэрбум төгрөгтэй тэнцэх харилцан суутгах шийдвэр гаргалаа” гэж дурдсан
байв.
Засгийн газрын зүгээс өмнөх өрийг тэглэх замаар хувийн
хэвшилд огт мөнгө төлөхгүйгээр өмчийг нь авч буй үзэгдэл болов. Энэ талаар
өчигдөр \”Монгол зэс” корпорациас мэдээлэл хийхдээ \”Засгийн газрын нэр
бүхий гишүүд хэвлэлийн хурал хийж, манай компанийг Засгийн газартай гэрээ
хийсэн мэтээр мэдээлсэн.
Бидний зүгээс Засгийн газартай ямарваа нэгэн гэрээ хэлцэл
хийгээгүй гэдгийг албан ёсоор хэлмээр байна. Бид улс төрийн хугацаатай амлалтын
золиос болж байна. Өнгөрсөн дөрөв дэх өдөр Засгийн газар гэнэт хурал хийж
шийдвэр гаргаж байгаа нь бас амлалттай холбоотой.
Засгийн газар Дээд Шүүхийн шийдвэрийг давж, үгүйсгэж
байгаад харамсаж байна” гэж мэдэгдлээ. Улмаар хувийн хэвшлийн зүгээс Засгийн
газраас гаргасан шийдвэр албан ёсоор гар дээр нь ирэхээр цаашид хэрхэхээ шийднэ
гэж тодотгож байна. Ердөө оны өмнөхөн Дээд шүүхээс гарсан шийдвэрийн дагуу
улсын бүртгэлийн гэрчилгээнд нь өөрчлөлт орж, улмаар өнгөрсөн долоо хоногт
Төлөөлөн удирдах зөвлөл нь 51/49 хувийн харьцаатайгаар хуралдсан.
Тиймээс ч өмнө ажил хэргийн шугамаар хоёр удаа уулзалт
зохион байгуулчихаад гэнэт төрд авах шийдвэр гаргасан Засгийн газрын
үйлдлийг ойлгоход бэрхтэй буйгаа 49 хувь талаас тайлбарлалаа. Энэ талаар
олон нийтийн сүлжээнд \”Ц.Нямдорж санасандаа хүчр, Увсын фракци У.Хүрэлсүхийг
дийллээ” гэх сэтгэгдлүүд хөвөрч байна. Засгийн газар тодорхой байдлаар
хэлцэл хийлгүй хувийн өмчид шууд байдлаар халдаж буй нь зохисгүй үйлдэл
болов.
Ерөнхийлөгч Х.Баттулга: Утааг шийдэж чадахгүй бол УИХ-ыг
тараах асуудлыг тавина шүү
УИХ-ын чуулганы нэгдсэн хуралдаанаар Агаарын бохирдлыг
бууруулахтай холбогдуулан авах арга хэмжээний тухай тогтоолын төслийг хэлэлцэх
үеэр Ерөнхийлөгч Х.Баттулга оролцож, байр сууриа илэрхийллээ.Тэрбээр
\”Чуулганы ирц их муу байна. Гишүүд иргэдийнхээ итгэлийг авч сонгогдсон
байтлаа чухал асуудал хэлэлцэх үеэр оролцохгүй байгаа нь буруу. Жилийн өмнө
Үндэсний аюулгүй байдлын зөвлөл хуралдаад агаарын бохирдлыг бууруулах тодорхой
үүрэг чиглэл өгсөн байна. Харамсалтай нь нэг нь ч биелээгүй. Ийм байхад
Үндэсний аюулгүй байдлын зөвлөл хуралдаж, зөвлөмж гаргаад яадаг юм.
Өнөөдөр бид дахиад ҮАБЗ хуралдуулж, шийдвэр гаргахаас
санаа зовж байна. Монголын хувьд энэнээс өөр гай гамшиг байхгүй. 2004 онд анх
намайг УИХ-ын гишүүнээр сонгогдоход л утааг ярьж байсан. Шийдэж чадахгүй байгаа
нь сэтгэл зүрх байхгүй. С.Жавхлан соён гэгээрүүлэх тухай ярьж байна, өнөөдөр
Монголд соён гэгээрүүлэх тухай яръя гэхээр гэрэл гэгээтэй юм алга байна. Ийм
байдлаар явах юм бол УИХ-ыг тараахаар санаачилга гаргахаас өөр арга алга. Гэр
дулаалах юм өнөөдөр ярьж байна. Тийм юм байхгүй. 1.5 сая төгрөг төлөөд гэрээ
дулаалах орлоготой иргэн байхгүй. Б.Баттөмөр нарын гишүүд зөв ярилаа, утааг
ажилгүйдэл, ядууралтай нь хамт тэглэнэ, өөр арга байхгүй. Утааг шийдэж чадахгүй
бол УИХ тарахаас аргагүй. Шинэ Засгийн газар байгуулагдсан, ийм асуудлыг шийдэж
чадахгүй юм бол яах юм. УИХ-ыг тараах талын асуудлыг сар шинийн дараагаас
тавина шүү ” гэв.
Тэтгэврийн зээлийн хүүг энэ сараас жилийн 12 хувь
болгохоор болсон
Хөдөлмөр, нийгмийн хамгааллын яам Монголбанк, арилжааны
банкуудын хооронд Тэтгэвэр барьцаалсан зээлийн нөхцөлийг сайжруулах зорилгоор
хамтран ажиллах тухай харилцан ойлголцлын санамж бичиг байгуулж гарын үсэг
зурах ёслол өнөөдөр боллоо.Санамж бичигт Хөдөлмөр, нийгмийн хамгааллын сайд С.Чинзориг,
Монголбанкны дэд ерөнхийлөгч Б.Лхагвасүрэн, Төрийн банкны гүйцэтгэх захирал
Б.Цэндсүрэн, ХААН банкны гүйцэтгэх захирлын орлогч Т.Жавхлан нар гарын үсэг
зурлаа.
Талууд Засгийн газрын 2016-2020 оны үйл ажиллагааны
хөтөлбөрт заасан ахмад настанд учирч байгаа санхүүгийн дарамтыг бууруулах
зорилгоортэтгэвэр барьцаалсан зээлийн нөхцөлийг сайжруулж, хүүг бууруулах,
хугацааг уртасгахад чиглэсэн арга хэмжээг хамтран хэрэгжүүлэх болсон юм.
Хөдөлмөр, нийгмийн хамгааллын сайд С.Чинзориг\”2017 оны байдлаар Нийгмийн
даатгалын сангаас нийт 381.8 мянган тэтгэвэр авагч арилжааны арван банкаар
дамжуулан тэтгэврээ авч байгаа юм. Тэдний 52.2 хувь нь ХААН, 39.6 хувь нь
Төрийн банкаар үлдсэн 8.2 хувь нь бусад арилжааны банкаар дамжуулан тэтгэврээ
авч байна.Өнгөрсөн оны арваннэгдүгээр сарын байдлаар арилжааны 10 банкнаас
230.8 мянган тэтгэвэр авагч 680.9 тэрбум төгрөгийн тэтгэвэр барьцаалсан зээлийг
жилийн 18 хувийн хүүтэй, 36 хүртэл сарын хугацаатайгаар авчээ.
Хөдөлмөр, нийгмийн хамгааллын яам, нийгмийн даатгалын
байгууллагад ирж байгаа өргөдөл, санал хүсэлтийн дийлэнх нь тэтгэвэр
барьцаалсан зээлийн хугацааг уртасгаж, хүүг бууруулах, тэтгэврийн тодорхой
хувьд зээл олгох зэрэг байдаг.Эдгээр асуудлыг шийдвэрлэх үүднээс ХААН банк,
Төрийн банктай хамтран ажиллаж зургаан cap хүртэл хугацаатай тэтгэвэр
барьцаалсан зээлийн хүүг сарын 1.25, жилийн 15 хувиар тогтоон өнгөрсөн оны
нэгдүгээр сараас хэрэгжүүлсэн боловчтэтгэвэр авагчдын ердөө 8.1 хувь нь жилийн
15 хувийн хүүтэй зээл авч бусад нь урт хугацаатай 18 хувийн хүүтэй зээлийг
илүүд үзсэн байна.Тиймээс Хөдөлмөр, нийгмийн хамгааллын яам тэтгэвэр авагчийн
санхүүгийн дарамтыг багасгах зорилгоор нийгмийн даатгалын сангийн чөлөөт
үлдэгдлээс онцгой нөхцөлтэйгөөр арилжааны банканд гэрээний дагуу эх үүсвэр
байршуулж, тэтгэвэр барьцаалсан зээлийг 12 сарын хугацаатай авах бол хүүг сарын
1.0, жилийн 12.0 хувь болгон тогтоож, 2018 оны нэгдүгээр сараас эхлэн
хэрэгжүүлэхээр ХААН банк, Төрийн банктай харилцан тохиролцлоо\” гэв.
Чингис бондын өрийг төлөх гүйлгээг баталгаажууллаа
Монгол Улсын Ерөнхий сайд У.Хүрэлсүх өнөөдөр сангийн
яаманд ажиллаж байна.Тэрээр энэ үеэр 2012 онд олон улсад гаргасан Чингис бондын
500 сая ам.долларын өрийг хөрөнгө оруулагч нарт төлж байгаа аж.Монгол Улсын
Засгийн газар нийт 1.5 тэрбум ам.долларын бондыг олон улсын зах зээл дээр
арилжаалсан. ЭнэхүүЧингис бонд 2018 онд төлөгдөх 500 сая ам.доллар, 2022 онд
төлөгдөх 1 тэрбум ам.доллараас бүрдсэн.Үүнээс Чингис бондын 500 сая ам.долларын
үндсэн төлбөр 2018 оны 1 дүгээр сарын 5-ны өдөр эргэн төлөгдөх нөхцөлтэй.Монгол
Улсын засгийн газар өрийг ийнбарагдуулж байгаа нь олон улсын хөрөнгө оруулагчид
болон гадаад зах зээлийн өмнө хүлээсэн үүргээ биелүүлж байна.
Сангийн яамны Төрийн сангийн газрын дарга С.Наранцогт
Монголын эдийн засгийн талаар илтгэл танилцууллаа.Тэрбээр \”Эдийн засгийн
өсөлт 2017 оны хүлээгдэж буй гүйцэтгэлээр 3.8 хувийн өсөлттэй байна.
Дараагийн үзүүлэлт бол Монгол Улсын экспортын хэмжээ анх
удаа 6.2 тэрбум ам.долларт хүрсэн байгаа. Гадаад худалдааны тэнцэл 2017 онд 1.9
тэрбум ам.доллар боллоо.Үүнтэй уялдаад гадаад валютын нөөц 3 тэрбум ам.долларт
хүрлээ.Үүнд нөлөөлсөн гол хүчин зүйл гадаадын хөрөнгө оруулалт 2 дахин
нэмэгдсэн.
ОУВС-гийн хөтөлбөрийн хүрээнд хандивлагч байгууллагуудын
санхүүжилт цаг хугацаандаа орж ирсэн нь нөлөөлсөн байна.Цаашид Сангийн яам
санхүүжилтийг маш шуурхай хийх бодлого барьж байна.Улсын төсвийн өөрийнх нь
дансны үлдэгдэл сүүлийн 5 жилд анх удаа 405 тэрбум төгрөг гарсан.Нийт дүнгээрээ
улсын төсвийн мөнгөн хөрөнгө 1.3 их наяд төгрөгөөр нэмэгдсэнбайгаа.Монгол Улсын
өрийн дарамтыг бууруулахын тулд шинэ Засгийн газраас төсвийн сахилга батыг
сайжруулах тодорхой ажлуудыг эрчимтэйгээр зохион байгуулж байна\” гэлээ.
Н.Алт
