Гадны жуулчид Монголд ирдэггүй 10 шалтгаан

Монголчууд бид өөрсдийгөө хүнд байхгүй юмтай мэт аашлахаа,
байдаг л варений шилэнд тэнгэрт хадсан үнэ хадахаа, хорвоо дээр ганцхан бид л
тэнгэрийн удамтай мэт дээрэлхүү хандахаа болихоос нааш жуулчдын тоо өсөхгүй.
Ирсэн нэг нь хэзээ ч эргэж ирэхгүй, дээрээс нь \”Тийшээ хэзээ ч битгий
зүглээрэй!!!” гэж бусдадаа захиж байна.

 

1. Монголын талаар
гадаад ертөнцөд нэг их мэддэггүй.\”Монгол гэж мэдэх үү?” гэж асуухад нүдээ эргэлдүүлж \”Чингис хаан
танай хаан байсан уу?” гэж асууна. Дараагийн асуулт нь мэдээж \”Монгол чинь одоо
Хятадын нэг хэсэг болсон уу?”, \” Аймаар хүйтэн үү?” гэх мэт урам хугармаар
асуултыг өөдөөс тавьдаг. Аргагүй шүү дээ Социализмын үед Монголын түүхийг
бүгдийг нь булшлаад, гадаад ертөнцөөс таслаад хаячихсан юм чинь. 1990-ээд
оноос хойш 25 жилд Монголыг сурталчилсан олигтой үйл
ажиллагаа нэгийг ч зохион байгуулаагүй. Үүнээс болж Монгол улс мөхсөн мэт
мартагдсан учраас юун аялал жуулчлал
манатай.

2. Монголыг зэрлэг балмад улсууд гэж ихэнх түүхэнд тэмдэглэгдсэн
байдаг.Яг тэр хуучны
ойлголтоороо л гадаадынхан биднийг хардаг. Ардчилсан нийгэмтэй, зэрлэг балмад
хүмүүс биш байхаа больсон гэсэн ямар ч том хэмжээний мэдээлэл гараагүй. Дэлхий
дахинд гарч байгаа Монголын талаар бүх мэдээлэл уул уурхай, ядуурал, ядарч
зүдэрч, төөрсөн нийгмийн талаар байдаг. Ийм улс руу хэн зүглэх билээ?

3. Монголд яг үзчихээр юу байгаа билээ?Аялал жуулчлал хөгжсөн улс орон болгонд хүнд үзүүлэх гайхуулах
үндэсний парк, түүхийн дурсгалт газрууд, эсвэл өвөрмөц сонин гайхамшгууд
байдаг. Хятад руу цагаан хэрэм үзэх гэж очино, Парис руу Эйфелийн цамхаг, Африкруу
ховор ан амьтан, Тайланд руу Түк Түк-д сууж үзэх гэж очдог. Харин Монголд яг
үзүүлчихээр юу байгаа билээ? Онгон байгаль, тал нутаг гэж хэлж болох ч тэрийг
чинь Швейцар луу, Номхон далайн арлууд руу яваад л үзчихнэ.

4. Монгол руу явах замын зардал, аялах
зардал арай л үнэтэй.Зөвхөн Монголд очихын
тулд 6-7 мянган доллар зардаг гарууд ховор л доо. Ийм их мөнгөөр Тайландад 1
жил даруухан амьдрах боломжтой. Энэ мөнгөөр Европыг бүхэлд нь тойрч аялах
боломжтой. За яах вэ манай улс хол учраас зарим жуулчид яаж ийж байгаад онгоцны
зардлаа төлөөд ирдэг юм байж, гэтэл энд ирээд тэнгэрт тулсан өндөр үнэтэй бараа
бүтээгдэхүүн, хоол унд, аяллын маршрут гэх мэт тэдний Монголд \”Үгүй” гэж
хэлэх бас нэг шалтгаан юм л даа.

5. Монгол хүмүүс зочломтгой гэдэг худлаа.Монголчуудыг зочломтгой гэж хөөргөөд байсан чинь хөөрсөөр
байгаад таазанд гарчихсан бололтой. Яг үнэндээ гадаад хүнд туслаад, гэртээ
оруулаад хоол өгчих хүн бараг л байхгүй дээ. Байвал мөнгө л өгвөл хөдөлнө.
Гадаад хүмүүс хэчнээн тооцоотой гэж Монголчуудад ойлгогддог боловч яс юман
дээрээ тэд хамгийн өгөөмөр, хамгийн их хандив тусламж өгдөг, хүнд туслах
тооцоогоо хүртэл амьдралдаа багтаасан хүмүүс байдаг. Харин Монголчуудыг үнэхээр
зочломтгой гэж сонсож итгээд ирсэн хүмүүс урам нь хугараад буцах нь элбэг.

6. Монголын үйлчилгээ үнэхээр муу.Хүнээс мөнгө авах гэж хөдөлдөггүй худалдагчид, хоолыг нь гуйж
идэж байгаа мэт аашилдаг хоолны газрынхан, төрийн албанд үйлчлэгч хийж байж
хүнд суртал их зантай төрийн үйлчилгээнийхэн, хотод нь их мөнгө зарж ирсэн
жуулчдаас мөнгө салгах гэсэн таксины хан, гадаад хүнд ялгавартай үнэ хэлдэг
үзмэрийнхэн гээд л үйлчилгээ, харилцаа, ёс зүй дорой хүмүүс л гадаадынханд
Монголын нэрийг баасддаг.

7. Монголын хууль ойлгомжгүй, дор хаяж хүний эрхийг зөрчдөг.Гадаад хүн Монголд ямар нэг зөрчилд орооцолдвол тэгээд л дуусаа.
Хууль нь хоцрогдсон, хоорондоо зөрчилддөг, нуль цоорхой юм чинь аргагүй л дээ.
Ийм найдваргүй хуультай, авилгад идэгдсэн хууль сахиулагчидтай газар
хэн эрдсэл гаргаж ирэх билээ. Хүний эрхийн талаар ямар ч ойлголт
байхгүй энэ улс нөгөө муулаад байдаг Хятадын хажууд ч аюултай гэж тооцогддог.

8. Монголын эрүүл мэндийн салбар муу.Гадны хүнд энд ямар нэг юм болбол амьд үлдэх баталгаа үнэхээр
байхгүй. Нэг гадаадын зүрх нь зогслоо гэж бодоход ядаж л түгжээнд түгжирсээр
байгаад үхнэ биз дээ. Аз болж эмнэлэгт хүргэгдлээ гэж бодоход дүүргийн эмнэлэг
рүүгээ яв хүлээж авахгүй гэж хөөх биз. Баталгаа байхгүй хүнс идээд хордох, хүнд
дээрэмдүүлж цохиулаад эмнэлгийн тусламж авах гээд л зөндөө л тохиолдол гарна,
харин гадаадынхан энд Жэймс Бонд шиг л байна гэж тооцохгүй бол амьд үлдэнэ
гэсэн баталгаа байдаггүй.

9. Монголд юмны үнэ маш үнэтэй.Монголд бид өндөр хөгжилтэй орнуудын өртгөөр амьдардгаа зарим
монголчууд хөөрхий мэддэггүй байх. Жишээ нь Улаанбаатарт 750 мянган төгрөгөөр
хотын захдуу хэсэгт 2 өрөө байр түрээсэлдэг, харин Англид энэ мөнгөөр хотын
төвд хөөрхөн байранд амьдрах боломжтой. Бас дахиад нэг жишээ; мах Монголд
элбэг, хямдхан стэйк шараад жуулчдад зарахын оронд өөрийнх нь орноос илүү үнэтэй
маш шахаад байхаар хэн дуртай байх билээ. Амт чанар муу хоолтой, буруу
найруулсан коктэйл зардаг мөртлөө Ром хотын хоолны үнэ тавьчихсан \”хөөрчихсөн”
ресторанууд хотоор нэг байна.

10. Монголд удаан амьдрахад маш төвөгтэй, стресстэй.Жишээ нь гадны жуулчин хүнийг хүн биш явдаг мөнгө л хардаг, мөн
гадны хүн гэж илт гадуурхдаг учраас тэд гишгэсэн явсан газар болгондоо болгоомж
сэрэмжтэй явах хэрэгтэй болдог. Хэнд хаана гадуурхагдчих бол, дээрэмдүүлчих
бол, согтуу хүмүүст нь агсруулчих бол, нацист үзэлтнүүдэд зодуулчих бол гэж айж
эмээж явахыг хэн ч хүсэхгүй. Хүн юм чинь нэг таалагдсан Монголтой яриад зогсож
байтал бөөн дарамттай харц ээрнэ. Жуулчдад ээлтэй бусад оронд гадаад дотоод гэж
ялгадаг ийм хоцрогдсон хогийн үзэл бараг л байхгүй болсон доо.

Эх сурвалж: mongolcom.mn

Энэ цөөхөн алдааг засчихвал Монгол руу чиглэх
жуучдын тоо нэмэгдэж, доллар манайх руу урсаж, гадны орнуудаас өндөр хүүтэй зээл тусламж авах
шаардлагагүй болох юмсан.