Алтан бөмбөрцөг наадам хүчирхийллийн эсрэг уриан дор зохион байгуулагдлаа

Кино
урлагийн 75 дахь удаагийн Алтан бөмбөрцөг наадам Холливудын ертөнцөд шуугиан
дэгдээсэн бэлгийн хүчирхийллийн эсрэг уриан дор болж өндөрлөлөө. Энэ удаагийн
наадам нь бэлгийн дарамт үзүүлсэн хэрэгт кино найруулагчид, жүжигчид гээд олон
тооны хүмүүс нэр холбогдсон илэрснээс хойш зохион байгуулагдаж буй анхны том
арга хэмжээ юм. Тиймээс наадамд оролцогчид, кино одод уг хүчирхийллийн эсрэг
нэгдэж, бүгд хар хувцас өмсөн эсэргүүцлээ илэрхийлжээ.

 

Тухайлбал
ток шоуны хатан хаан Опра Винфри хүндэтгэлийн шагнал хүртсэнийхээ дараа тайзнаа
гарч ирэхдээ \”Шинэ өдөр хаяанд ирлээ” хэмээн хэлсэн юм. Харин \”Three Billboards
Outside Ebbing, Missouri” кино үдшийн хамгийн олон буюу дөрвөн шагналын эзэн
болжээ. Мөн тус кинонд тоглосон жүжигчин Фрэнсис МакДорманд драмын төрөл дэх шилдэг
эмэгтэй жүжигчний шагналыг хүртсэн байна. Оскарын шагналт жүжигчин бүсгүй
охиныг нь хөнөөгөөд зугтсан алуурчныг олж чадаагүй цагдаа нарт гомдоллож буй
эхийн дүрийг бүтээжээ.

 

Харин \”Big
Little Lies” бүтээл телевизийн төрөл дэх хамгийн олон шагналыг хүртсэн юм. Тус
цувралын жүжигчин Никол Кидман, Лаура Дерн, Александр Скарсгард нар
хүндэтгэлийн шагналыг гардсан байна. Кидман энэ үдэш хүчирхийллийн хохирогч
эмэгтэйн дүрээрээ анх удаа шагнал авчээ. Тэрээр ялалтаа өөрийн хамтран
тоглогчид, охид бас ээждээ зориулаад \”Энэ бол эмэгтэйчүүдийн хүч” хэмээн хэлсэн
байна.

 

Холливудын
Гадаад хэвлэлийн албанаас зохион байгуулж буй Алтан бөмбөрцөг наадам нь ирэх
гуравдугаар сарын дөрөвний өдөр болох Оскарын наадмын өнгө төрхийг тодорхойлдог
хэмэн шүүмжлэгчид үздэг билээ.

Үдшийн
арга хэмжээ мэдээж хэрэг зөвхөн кино урлагт бус, дэлхий дахинд эмэгтэйчүүдийн
төлөөх өөрчлөлтийг хийхэд чиглэгдэж буй \”Me Too” болон \”Time\’s Up” кампанит ажлууд,
мөн Холливудад өрнөөд буй одоогийн уур амьсгалд чиглэгдэж байгаа аж. Беверли
Хиллсэд болсон тус наадмын шагналын эзэд, хөтлөгчид бүгд тайзнаа үг хэлэхдээ
бэлгийн хүчирхийллийн эсрэг үзэл бодлоо илэрхийлж байв.

Б.Болормаа

[