![\"\"](http://undesten.mn/wp-content/uploads/2018/01/1515466079_140867.jpg "\\"\\"")
Сүүлийн хоёр жилийн
хугацаан дахь хоёр Солонгосын анхны
хэлэлцээ орон нутгийн цагаар өнөө өглөө 10:00 цагт хоёр улсын цэрэггүй бүс Пханмүнжом тосгонд эхэлсэн тухай \”Ёнхап” агентлаг
өнөөдөр мэдээллээ.Энэхүү уулзалтаар ирэх сард Өмнөд Солонгосын Пёнчан хотод болох өвлийн Олимпийн наадамд Умард Солонгосын тамирчдыг оролцуулах асуудлыг талууд голлон авч хэлэлцэх төлөвтэй байна. Өнгөрсөн оны тавдугаар сард Мүн Жэ Ин Өмнөд Солонгосын Ерөнхийлөгчөөр сонгогдсоноос хойш талууд анх удаагаа хэлэлцээ хийж байгаа нь энэ аж. Уулзалтад Өмнөд Солонгосын талын төлөөлөгчдийг Улс орноо нэгтгэх яамны сайд Чо Мён Гён, Умард Солонгосын төлөөлөгчдийг Солонгосыг энх тайвнаар нэгтгэх хорооны тэргүүн Ри Сон Гвон нар тэргүүлэн оролцож байгааг \”Ёнхап” агентлаг мэдээлсэн байна. Уг уулзалтаар дамжуулан Солонгосын хойгийн байдлыг намжааж, Солонгосын дайны улмаас хилээр тусгаарлагдсан хүмүүсийг гэр бүлийнхэнтэй нь уулзуулах асуудлыг Умард Солонгосын талтай авч хэлэлцэхийг Сөүл эрмэлзэж байгаа юм. Энэ уулзалтын үеэр Умард Солонгосын төлөөлөгчид АНУ-тай хамтарсан цэргийн сургуулилтаа хийхээ болихыг Өмнөд Солонгосын талд уриалж мададгүй гэж олон улсын шинжээчид үзэж байна .
Ж.Бат
![\"\"](http://undesten.mn/wp-content/uploads/2018/01/1515466111_undesten-site-logo.png "\\"\\""){kind=logo}
