14 -тэйгээсээ хулгай хийж дөрвөн жилийн дотор 60 машин хулгайлжээ

 

Гурван жилийн өмнө М гэх хүү 15 настайдаа цагдаагийн байгууллагад шалгуулж байхдаа Б, Э нартай бүлэглэн 2014 оны 4-8 сарын хооронд нийслэлийн Баянгол, Сонгинохайрхан, Чингэлтэй, Сүхбаатар, Хан-Уул, Баянзүрх дүүргийн нутаг дэвсгэрээс 28 удаагийн үйлдлээр бусдын эзэмшлийн \”Хьюндай\”, \”Аксент\”, \”Верна\”, \”Соната\”, \”Старекс\”, \”Микро\”, \”Хонда\”, \”Тоёота Чейзэр\”, \”Тоёота Марк-2\” маркийн автомашинд түлхүүр тааруулан хулгайлах гэмт хэрэг үйлдсэнээ хүлээжээ.

Тэрээр ингэж хулгай хийж явахдаа түлхүүр хувилж, олшруулдаг газруудаас маш олон тооны түлхүүр авч ашигладаг байснаа хүлээж, мөрдөн байцаалтын явцад бусдад 98 орчим сая төгрөгийн хохирол учруулсан нь шалгалтын явцад тогтоогдсон байна. Харин М гэх энэ хүү одоо 18 нас хүрч, нас биед хүрчээ. Тэрбээр өнгөрсөн гурван жилийн хугацаанд хулгайн гэмт хэргээ үргэлжлүүлж, бусдын автомашиныг хулгайлсан 28 үйлдэл нь 60 болж өссөн байна. Эх сурвалжийн мэдээлж байгаагаар энэхүү хүүхдийг өмнө нь \”Ганц худаг\”-т саатуулагдаж байхдаа танилцсан гэх этгээдүүдтэйгээ хамт байхад нь зочид буудлаас баривчилсан юм байна. Түүнийг одоо Улсын мөрдөн байцаах албаны хулгайлах гэмт хэрэгтэй тэмцэх хэлтэст эрүү үүсгэн шалгаж байгаа ажээ.                                                                                        

Хулгайн орлогыг амьдралын эх үүсвэр болгосон бол хүндрүүлэх нөхцөлтэйгээр 5-12 жилийн хорих ял онооно 

 

 

Бусдын эд зүйлийг хулгайлж олсон орлогоороо амьдардаг, хулгайн орлогоо амьдралын эх үүсвэр болгосон этгээдүүдэд дараах хариуцлага хүлээлгэнэ. Тодруулбал, өнгөрсөн долдугаар сараас хэрэгжиж эхэлсэн Зөрчлийн хуулиар тухайн этгээд 300 нэгж буюу 300 мянган төгрөгөөс доош үнэлгээтэй эд зүйл хулгайлсан тохиолдолд 7-30 хоног баривчлах, мөн 30 хоног албадан сургалтад хамруулна гэж заасан. Гэхдээ 300 мянган төгрөгөөс доош үнийн дүнтэй эд зүйлийг гурван удаа хулгайлвал дөрөв дэх үйлдэлд нь Эрүүгийн хуулийн тусгай ангийн 17-р зүйлийн 3.1,3.2 дахь хэсэгт зааснаар орлогын эх үүсвэр болгосон, зохион байгуулалттай үйлдсэн бол хүндрүүлэх нөхцөл байдлаар эрүүгийн хэрэг үүсгэхээр зааж өгсөн байна. Тодруулбал, уг зүйлд 5-12 жилийн хугацаатай хорих ял шийтгэнэ гэж заажээ.

 

Эрүүгийн хуулийн 17.1 дүгээр зүйл. Хулгайлах

 

1. хөрөнгийг хүч хэрэглэхгүйгээр, нууцаар, хууль бусаар авсан бол хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл зургаан сараас таван жил хүртэл хугацаагаар зорчих эрхийг хязгаарлах, эсхүл зургаан сараас таван жил хүртэл хугацаагаар хорих ял шийтгэнэ.

 

2.Энэ гэмт хэргийг:

 

2.1.хүн байнга амьдрах, үйл ажиллагаа явуулах зориулалттай орон байр, тусгайлан хамгаалсан байр, агуулахад нэвтэрч;

2.2.түүх, соёл, шинжлэх ухаан, техник, технологийн хөгжилд чухал ач холбогдолтойд тооцож тусгайлан хамгаалсан эд зүйлсийг хулгайлж;

2.3.ноцтой хохирол учруулж, их хэмжээний эд хөрөнгийг хулгайлж;

2.4.учрах саадыг арилгах зорилгоор зэвсэг, тусгайлан бэлтгэсэн зэвсгийн чанартай зүйл хэрэглэж, машин механизм ашиглаж үйлдсэн бол хоёр жилээс найман жил хүртэл хугацаагаар хорих ял шийтгэнэ.

 

3.Энэ гэмт хэргийг:

 

3.1.байнга үйлдэж амьдралын эх үүсвэр болгосон;

3.2.зохион байгуулалттай гэмт бүлэг үйлдсэн бол таван жилээс арван хоёр жил хүртэл хугацаагаар хорих ял шийтгэнэ.