Канад дахь гадаадынхан хэрхэн амьдардаг вэ?

Монголчууд Канадад яаж ажиллаж, амьдардаг тухай бичилгүйгээр гадаад хүмүүс Канадад хэрхэн амьдардаг тухай товчхон өгүүлье.

Хятадууд ихэвчлэн хөрөнгө оруулагч цагаач, эсвэл Канадад дунд сургууль, ахлах сургууль, их сургууль гэсэн дарааллаар боловсрол эзэмшин амьдарч байгаад эндээ үлдээд мэргэжлээрээ голдуу ажиллах юм. Цаадуул чинь мөнгөтэй байгаа биз.

 

Харин Латин Америкийн орнуудаас ирж байгаа Испани хэлтэнүүд нутагтаа байхдаа ажиллах эрх буюу work visa аваад гэр бүлээрээ ирж Канадад суурьших нь элбэг юм. Цаадуул чинь чадвартай байгаа биз. Өмнөд Америкийн орнууд чинь газрын баялаг их шигээ ядуурал ихтэй, Канад, Америкт цагаачлахын хүслэн болсон хүмүүс.

Жижигхэн мэдээлэл хүргэе! Энд, зүүн эргийн Irivng oil, Moose head гэсэн аварга компаниуд байна. Irivng бол газрын тосны хүчирхэг компани, Moose head шар айраг үйлдэрлэгч томоохон компани.

Ерөнхийдөө энэ 2 аварга компани зүүн эргийн эдийн засгийн ихэнхи хувийг бүрдүүлнэ. Асар их нөлөөтэй. Эдгээр компанид ажиллах нь нэр төрийн хэрэг. Тус компаниуд англи хэлтэй, мэргэжилтэй хүмүүсийг жил бүр сонгон шалгаруулж авдаг юм байна. Миний найз Вэнэсуэлээс ирсэн Жэссикагийн гэр бүл тэдний нэг. Сонгон шалгаруулалтанд тэнцсэн. Испани хэл чинь Ж үсгийг Е гэж уншдаг. Тэгээд түүний нэр Испаниараа Еэсийка болж байгаа юм даа. Еэсикагийн нөхөр Moose head (Хандгайн толгой) компанид цахилгааны инженер хийгээд жил гаран болж байгаа. Нутгаасаа шууд л энэ компанитай холбогдоод бичиг баримтаа бүрдүүлээд шат дараалалаар нь явсаар байгаад ирсэн гэсэн. Одоо тэд Канадад албан ёсоор ажиллах эрхий бүхий визний статустай. ПИ АР авахаар (байнга оршин суух эрх) хөөцөлдөж байгаа. Нөхөр нь IELTS тестний 6 оноо авах ёстой. Харин Жэссика 4 оноо авахад хангалттай. Оноогоо авч чадахгүй байх аваас ПИ АР бүтэхгүй.

 

Саяхан тэд шалгалтаа өгсөн одоо хариугаа хүлээж суугаа. Залуугийн цалин бас өндөрт тооцогдоно. Ер нь цахилгааны мэргэжил Канадад үнэлгээ өндөртэй, тусгай лицензтэй байж ажилладаг, сүрхий сайхан ажил. Ирээдүйд ирэх хүмүүс анзаарахад илүүдэхгүй болов уу хэмээн энэ бүхнийг хүргэлээ.