Зөвшөөрөлгүй оруулж ирсэн гоо сайхны тарилгууд хөлдсөн байжээ

2018
оны нэгдүгээр сард иргэдээс ирүүлсэн мэдээлэл гомдлын дагуу хяналт, шалгалт
хийхэд хууль бусаар эм импортолж, үйлчилгээ үзүүлж байсан зөрчил илэрсэн байна.
Тодруулбал, нейротоксин /эмчилгээний гоо сайхны газруудад хэрэглэдэг/ эмийг
хууль бусаар хилээр нэвтрүүлж, эмнэлгийн үйлчилгээнд хэрэглэж байжээ.
Тухайлбал, БНСУ-ын иргэн \”Сurer” компанийн захирал Жон Минь Жеон гэгч нь монгол
улсад бүртгэгдсэн бүртгэлийн загвараас зөрүүтэй ботокс нейротоксиныг оруулж
ирсэн аж. Улмаар БГД-ийн II хороо, Сөүлийн гудамж, Бүрд барилгын 3
давхарт худалдаалж байсныг илрүүлсэн байна. Энэхүү ниродоксин нь МУ-ын эмийн бүртгэлд бүртгэлтэй ниродоксиноос өөр гэдгийг онцолж байлаа.

Мөн
дээрх эмийг БЗД-т үйл ажиллагаа явуулдаг арьс, гоо заслын \”Нандин гоо” эмнэлэг
худалдаж аваад үйлчлүүлэгчдээ хэрэглэж байжээ. Ер нь эмчилгээний болон гоёлын
гоо сайхантай холбоотой зөрчлүүд, гомдол саналууд нэлээд түгээмэл байгаа гэлээ. Гоёлын
гоо сайхны газар эмчилгээний гоо сайхны үйлчилгээ хийлгэснээс болж ямар нэгэн
халдварт өртөх, эрүүл мэнд, гоо сайхнаараа хохирох эрсдэлтэй байдаг тул иргэд
энэ асуудалд сэрэмжтэй хандахыг зөвлөлөө.

Он
гарсаар эм, биобэлдмэлийн чиглэлээр нийт хоёр иргэн, хоёр ААН-д хамаарагдах
нийт 16 нэр төрлийн 136 сая үнийн дүн бүхий зөрчлийг илрүүлж, холбогдох хууль журмын
дагуу шийдвэрлэж ажиллаж байгаа юм байна. Гарсан зөрчлөөс дурдвал:

-Иргэн
Светлана 2017 оны арванхоёрдугаар сарын 27-ны өдөр \”интердисежин” дахь гүний гаалийн хяналтын бүсээр БНСУ-аас тусгай зөвшөөрөлгүй, МУ-ын эмийн бүртгэлд
бүртгэгдээгүй эмийг импортлосон. Тэрээр каргогоор есөн төрлийн эм /ихэнх нь
тарилгын уусмал/ оруулж ирсэн бөгөөд мөн тээвэрлэлт, хадгалалтын горим
зөрчигдсөний улмаас тарианууд нь бүгд хөлдсөн байжээ. Ихэвчлэн гоо сайхны
тарилгууд байсан ба мөн үений тариа, хүүхдийн D витамин гэх мэт эмүүдийг их хэмжээгээр оруулж ирсэн байна. /12.972.300 төгрөгийн эм/

-Иргэн
Б.Умбаагийн БНЭУ-аас гар тээшиндээ мөн МУ-ын эмийн бүртгэлд бүртгэгдээгүй
эм импортлосон. Тэрээр дөрвөн нэр төрлийн эм буюу нүдний дусаалга оруулж иржээ. Мөн
тусгай зөвшөөрөлгүй. /376.000 төгрөгийн эм/

-\”Их
төгөл” ХХК нь 2017 оны арваннэгдүгээр сарын 13-ны өдөр \”АБТЕМА” дахь гүний гаалийн хяналтын бүсээр БНЭУ-аас хоёр нэр төрлийн эм импортлосон байна. /105.693.342 төгрөгийн эм/

–2017 оны аравдугаар сарын хоёрны өдөр \”Туушин” дахь гүний гаалийн хяналтын бүсээр \”Ази Фарм”
ХХК-ийн Нидерланд улсаас импортлосон нэг нэр төрлийн эмийн бүтээгдэхүүн нь
хүнсний аюулгүй байдлын үндэсний лавлагаа, лабораторийн бактерилогийн
шинжилгээнд хамруулахад \”эерэг” сорьцын хариу гарсан тул холбогдох хууль журмын
дагуу зөрчлийн хэрэг нээсэн байна. /17.530.000 төгрөгийн эм/

ААН-үүдийн
хувьд тусгай зөвшөөрөлтэй, холбогдох бичиг баримтын шаардлага хангасан боловч
лабораторийн шинжилгээний шаардлага хангаагүй байна. Уг шаардлагыг хангаагүй
бол хортой нөлөө үзүүлэх эрсдэлтэй гэж ойлгож болно.

Иргэдэд
анхааруулахад, иргэд ямарваа нэгэн эм импортлох хууль зүйн үндэслэл байхгүй,
зөвхөн тусгай зөвшөөрөлтэй ААН эм импортлоно. Мөн эмнэлгээр үйлчлүүлж байгаа
иргэд тухайн эмийг МУ-ын эмийн бүртгэлд бүртгэгдсэн эсэхийг тодруулж
үйлчлүүлэхийг сануулж байна.