Монголд анх 4DX технологийг нэвтрүүлсэн кино театр үүдээ нээлээ

Соёл амралтын \”Зайсан Хилл комплекс\” нь кино театр, үзвэр үйлчилгээ, дэлгүүр
худалдаа, аялал жуулчлалын гудамж гэсэн үндсэн дөрвөн бүрдэл хэсэгтэй бөгөөд
өнөөдөр кино ертөнцийн гайхамшгийг бүхэлд нь мэдрүүлэх Прайм Синеплекс /Prime Cineplex/ кино
театрын нээлт боллоо.

$\"\"$

Тус цогцолборын G давхарт байрлах кино театр нь олон улсад нэр хүндтэй,
Азид томоохонд тооцогддог, сүлжээ кино театрын Монгол дахь анхны салбар бөгөөд
4D,
3D, Dolby Atmos системийн тоноглолтой,
1332 суудал бүхий зургаан танхимтай юм байна.

Ийнхүү үйл ажиллагааг
нээж \”Южинтек корпораци\”-ийн Захирал Ли Жүн Хү үг хэлсэн юм. Тэрээр хэлсэн
үгэндээ \”\”Южинтек корпораци\” болон \”Южинтек Монголиа\”, мөн харилцан хөрөнгө
оруулсан \”Оюуны Ундраа\” группийн нийт хамт олондоо баярлалаа гэж хэлмээр байна.
Бид Монголд байгаа кино театруудаас өөр, шинэ технологи болон одоо дэлхий нийт
дэх кино театрын дэвшилтэт технологийг нэвтрүүлсэндээ баяртай байна. Бид
өнөөдөр \”Прайм Синеплекс\”-ийн \”Зайсан” салбарыг нээж байна. Бид цаашдаа \”Прайм
Синеплекс Монголиа\”-г асар том цар хүрээгээр өргөжүүлэн хөгжүүлэх төлөвлөгөөтэй
байгаа. Энд хүрэлцэн ирж, бид бүхний баярыг хуваалцаж буй та бүхэндээ маш
их баярлалаа. \”Прайм Синеплекс\”-т тавтай морил, дэлхийн цэнгэлд тавтай морилно
уу.” гэлээ.

Албан ёсны нээлтийн
ажиллагаа үргэлжилж үзэгчид II давхартай
танилцлаа. Танхим бүр суудлын тоо, тоноглол, үзүүлж буй үйлчилгээгээр ялгагдах
онцлогтой тул үнийн хувьд ч ялгаатай юм. Зургаан танхим бүхий Прайм
Синеплекс /Prime Cineplex/ кино театр нь:

1/ 4DX- Амьд ертөнцийг илүү бодит мэдрэмжээр мэдрүүлнэ.

2/ Хосын танхим- Хосоороо
үзэх зориулалттай.

3/ VIP Premiumтанхим- Илүү тав тухтай. Суудал арагш хэвтэх
ба мөн ширээтэй.

4/ Dolby Atmosбуюу 2D, 3D танхим

5/ Энгийн танхим

6/ Энгийн танхим

4DX технологи нь танхимын хана, таазанд
байрлуулсан тоноглолоос гадна үзэгчдийн суудал гэсэн үндсэн хэсгүүдээс бүрддэг
байна. Дөрвөн зүгт үйлдэл хийдэг сандал доороо налдаг хэсэгтэй. Тэнд бага
зэргийн чичиргээ, доргих, донслох, гижигдэх, огцом хөдөлгөөн хийх тохируулга
байрлах бол ус цацах, үнэр гаргах, салхи, манан гэсэн эффектүүд урд талын
суудлын арын хэсэгт байрлана. Танхимын таазны хоёр талд аянга цахилгаан цахих,
аадар бороо, шуурга, манан татах зэрэг эффектүүдийг үзүүлэх төхөөрөмжүүд
байрладаг юм байна.

Цогцолборын II давхарт олон үндэстний зоог Food Coart, III давхарын нэг хэсэгт нь Трамполин
парк нээгдлээ. Байгууламжийн III, IV давхар ирэх сараас ашиглалтад
орох бол ирэх тавдугаар сард комплекс бүрэн хэмжээгээрээ ашиглалтад орох аж.

Өнөөдөр нээлтээ хийсэн давхруудад илүү энтертайнмент чиглэлийн үйл ажиллагаанууд
эхэлж байгаа юм байна. Нээлтийн ажиллагааны үеэр \”Оюуны Ундраа” группийн
Гүйцэтгэх захирал, төслийн удирдагч О.Тэнүүнтэй цөөн хором ярилцлаа.

-Та бүхэн цоо шинэ технологи нэвтрүүлж, ард
иргэдийнхээ алжаалыг тайлах, цагийг зөв боловсон өнгөрүүлэхэд чиглэсэн бүтээн
байгуулалтын ийм том ажил хийж байгаад талархаж байна. Өөрийн сэтгэгдлээсээ хуваалцаач?

-Мэдээж, эдийн засгийн маш том хүндрэлтэй нөхцөл байдалд боссон байгаа.
Тэгэхээр маш их тэвчээр, асар том хүлээлтийг үүсгэсэн бүтээн байгуулалтын эхний
шатыг бид яг одоо нээж байгаадаа баяртай байна. Энэхүү бүтээн байгуулалтыг \”Оюуны
ундраа” хувьдаа инээдээр угтдаг, инээдээр үддэг, бүхий л баяр баясгалантай мөч
бүрийг монголчууд энэхүү бүтээн байгуулалтаас аваасай гэж хүсч байна.

-4D технологийг
нэвтрүүлэхэд ямар нэгэн саад, хүндрэл гарч байв уу?

-4D технологио солонгосын CG entertainment гэж корпорациас оруулж ирсэн. Кино театр дотор бүхэл бүтэн узель
байрлуулна гэдэг сонирхолтой байхын зэрэгцээ технологийн болон инженерийн хувьд
хүндрэлүүд гарч байсан. Тиймээс бид худалдаж авч байгаа газраасаа бүх
технологийн шийдлүүдийг, угсралтыг нэг бүрчлэн маш нарийн заалгасан. Тухайлбал, бороо
орох, цахилгаан цахих, үнэртэх зэрэг мэдрэмжүүдийг кодолж бий болгодог.
Тэгэхээр мэдээж бэрхшээлтэй зүйлс байсан. Гэсэн ч энэ бол яг цаг үеэ олсон
бүтээгдэхүүн гэж бодож, бахархаж байна.

-Байгууламжийн дотоод засал чимэглэлийн
талаар товч тайлбар өгөөч.

-Жишээ нь, I давхрын хананы мод бол хулс. Энд мөн Кристал
жеод гэдэг байгалийн чулуугаар дотоод заслаа хийсэн. Дээшээ харахад байгалийн
гэрэл тусаад, мөн дээрээс нь алимны модон гэрэлтүүлгүүд нь байгальд явж байгаа
мэт мэдрэмжийг төрүүлэхээр цогцлоосон байгаа.

-Хэчнээн хүний гараар энэхүү бүтээн
байгуулалт босож байгаа вэ?

-Нийт 12 инженер, 300 гаруй туслан гүйцэтгэгчтэй ажиллаж бүтээн
байгуулалтаа хийж гүйцэтгэсэн.

Ийнхүү өнөөдөр нээлтээ хийж байгаа Прайм Синеплекс кино театр нь Солиот эх,
Ах дүү гурав, Хавцалд, Ferdinand,
Insidious: The last key, Jumanji:Welcome to the jungle зэрэг киног үзэгчдэд санал болгож
байна.

Өнөөдөр нээлтийн эхний өдөр хүрэлцэн ирсэн үзэгчдийн сэтгэгдэл мөн өндөр байлаа. Иргэдийн сэтгэгдлээс хуваалцвал:а

Хоёр хүүхдийнхээ хамт кино үзэхээр ирсэн эмэгтэй:

-Шинэ технологи нэвтрүүлж байгаа энэхүү кино театрын нээлтийн ажиллагаан дээр ирээд сэтгэгдэл их өндөр байна. 4D гэхээр үзүүлэлтийн хувьд илүү шинэчлэгдэж байгаа юм шиг байна. Орж үзэхийг тэсэн ядан хүлээж байна. Байршлын хувьд ч их тохиромжтой юм. Хүмүүс зун болохоор энд дандаа ирдэг шүү дээ.

-Урьд нь 2D, 3D кино үзэж байхад яг урд байгаа юм шиг мэдрэмж төрөөд гоё санагддаг байсан. Одоо 4D-гээр кино үзнэ гэхээр маш гоё сэтгэл төрж байна. Одоо кино үзнэ гэвэл энд дандаа ирж үзэж байнаа гэж бидэнтэй сэтгэгдлээ хуваалцсан 32-р сургуулийн сурагч н.Атилла хүү гэр бүлийнхний хамт явж байлаа. Түүнтэй хамт явж байсан хүү:

-Аймшгийн киног үзвэл ухаан алдах байх гэсээр тэд тасалбараа авахаар явлаа.

$\"\"$

Орчин үеийн хэрэгцээ шаардлагыг бүрэн хангах энэхүү байгууламжийг хэсэгчлэн, үе шаттайгаар нээх бөгөөд өнөөдөр хүүхэд залуучууд, өсвөр үеийнхэндээ ийн хүндэтгэл үзүүллээ.

Зайсан Хилл цогцолбор нь 28 мянган м.кв талбай бүхий 11 давхар худалдаа
үйлчилгээ, соёл амралтын цогц төв болох юм.

Тус цогцолборт:

-Монголын анхны 4DX кино театр

-1000 хүний концертын болон хүлээн авалтын танхим

-Трамполин парк

-Шөний клуб

-Олон үндэстний зоогийн газар, кофе шоп

-Үндэсний болон дэлхийн жишигт нийцсэн брэнд бүтээгдэхүүний худалдаа

-Автомат тоглоомын газар

-Бялдаржуулах болон алжаал тайлах төв

-Хүүхдийн ертөнц

-Худалдааны давхар