![\"\"](http://undesten.mn/wp-content/uploads/2018/01/1516782632_ship.jpg "\\"\\"")
Лаосын зүүн хойд нутгийн Сиангкхуанг муж дахь Лаосын ардын армийн батальонд Монгол улсын Засгийн газар 1000 хонь нийлүүлэхээр тохиролцлоо гэж \”Лаос Таймс” цахим хуудсанд өнөөдөр мэдээлжээ. Эх сурвалжийн мэдээлснээр, Монгол Улсын Хүнс, хөдөө аж ахуй, хөнгөн үйлдвэрийн дэд сайд Ж.Сауле, Лаосын Сиангкхуанг мужийн захирагч Сомкот Мангомек нар өнгөрсөн долоо хоногт уулзах үеэрээ ийм тохиролцоонд хүрсэн байна. Талууд уг уулзалтын үеэр нийгэм-эдийн засгийн асуудлууд болоод ядууралтай тэмцэх асуудлаар санаа бодлоо солилцсон аж. Сиангкхуанг мужид тусламж дэмжлэг үзүүлсээр ирсэнд, тухайлбал Лаос-Монголын найрамдлын эмнэлгийг байгуулахад дэмжлэг үзүүлсэн Монголын засгийн газар болоод ард түмэнд талархаж буйгаа С.Мангомек энэ үеэр илэрхийлжээ.
![\"\"](http://undesten.mn/wp-content/uploads/2018/01/1516782781_undesten.jpg "\\"\\"")
