Н.Энхшүр: Бид хоёр зорилгынхоо төлөө зүтгэж, бие биендээ урам өгдөг

Өнгөрсөн 2017
оны арванхоёрдугаар сарын 5-наас 9-ний хооронд
БНХАУ-ын Шэнжэн хотод зохиогдсон тэмцээнд Оюун ухааны академийн
тамирчид 10 төрлөөр өрсөлдөж, амжилттай оролцсон билээ. Тухайлбал, ОУ-ын Их Мастер
Н.Мөнхшүр, ОУ-ын Их Мастер Н.Энхшүр насанд хүрэгчдийн
ангилалд өрсөлдөж, дэлхийн хоёр дээд амжилт
тогтоож, Гиннесийн номонд бичигдэхээр болсон.
Ингээд залуу тамирчин Н.Мөнхшүр, Н.Энхшүр нартай ярилцлаа. 

-Н.Энхшүр: Нэг жилийн
хугацаанд нэлээн хэдэн олон улсын тэмцээнд оролцсон. Хэдий богино хугацаа ч гэлээ энэхүү спортоос маш их зүйлийг сурч
авсан.

-Нэлээд
олон рекордыг эвдсэн.
Сая Гинниесийн амжилт тогтоосон. Энэ талаар?

-Н.Мөнхшүр: Тиймээ. Миний
хувьд 2016 оны наймдугаар сард болсон Ази тивийн аварга шалгаруулах
тэмцээнд дэлхийн гурван дээд амжилтыг тогтоож, Ази тивийн
аварга болж байсан. 2017 оны ДАШТ-д нэг цагт багц хөзөр цээжлэх
төрөлд 37 багц буюу 1924 ш хөзөр цээжилснээрээ дэлхийн
рекордыг эвдэж, тэрхүү амжилт
маань Гиннесийн номд бичигдэхээр боллоо.

-Н.Энхшүр: Миний
хувьд Ази тивийн дэд аварга болсон. Мөн Дэлхийн аварга шалгаруулах
тэмцээнд хоёртын тоолол буюу 30 минутад цифр цээжилдэг
төрөлд 5445 цифр цээжилж, дэлхийн рекордыг
эвдэж, Гиннесийн номд бичигдэхээр болсон.

-Хамгийн хүчтэй өрсөлдөгч нар аль орны
тамирчид вэ?

-Н.Мөнхшүр:
Хамгийн хүчтэй өрсөлдөгчид бол АНУ, Швед , Герман,
Хятадын тамирчид байдаг.

-Н.Энхшүр:
Ерөнхийдөө тэмцээнд оролцож байгаа бүх хүмүүс өрсөлдөгч байдаг. Иймээс маш сайн
бэлдэх шаардлагатай.

-Шантарч байсан
үе гарч байв уу?

-Н.Мөнхшүр: Хэдий хэцүү зүйл
их гардаг ч гэсэн тэр болгонд шантардаггүй. Энэ спортоор хичээллэх
сонирхолтой учраас нэг их шантрах зүйл гараад байдаггүй. 

-Н.Мөнхшүр: Ой тогтоолтын
спорт нь бага, дунд, насанд хүрэгч болон ахмад нас гэсэн
дөрвөн ангилалтай учраас ямар ч хүн хичээллэж, амжилт
гаргах боломжтой. Мөн ийм ангилалтай учраас бусад спортоос онцлог давуу талтай. Хамгийн
гол нь хувь хүний хичээл зүтгэл хамгаас чухал.

-Н.Энхшүр: Аливаа спортоор
хичээллэж амжилт гаргахад өөрсдийн хүсэл сонирхол хамгийн
чухал байдаг.  

-Та хоёр ер нь медалиа тоолж үзсэн үү? 

-Н.Мөнхшүр: Бид бүжгийн тэмцээн, уран нугаралт гээд төрөл
бүрийн л тэмцээнд ордог. Жишээ нь 800 гаруй хүн оролцдог Ардын яз­гуур урлагийн
наадамд бид хоёр оролцож III байр эзэлж байлаа. Мөн Ихрүүдийн холбооны
\”Авьяаслаг ихэр мисс”-ээр шалгарсан. Нийс­лэлийн тэргүүний авьяаслаг
сурагч болж байлаа. Иймэрхүү амжилтууд их олон бий.

-Н.Энхшүр: Бага байхаасаа
эхлээд уран нугаралт, ардын бүжиг, уртын дуу, хулсан хуур, морин хуур зэрэг
голчлон ардын язгуур урлагаар хичээллэж ирсэн. Маш олон тэмцээн
уралдаанд оролцож байлаа.

-Бүжиг, уран нугаралтаас
гадна хөгжмөөр хичээллэдэг, зураг зур­даг байх аа. Энэ талаар?

-Н.Мөнхшүр: Зургийн тухайд гэвэл бид хоёр ямар нэгэн
дугуйланд хам­раг­даагүй. Өөрсдийн сонирх­лоороо зур­сан. Сонсох дуртай дуучин,
хүндэлж явдаг жүжигчдээ хараад зурдаг. Ихэвчлэн хөрөг зурдаг.

-Н.Энхшүр: Ардын
урлаг руу илүү чиг­лэж хичээллэдэг. Хөгжим ч гэсэн ижилхэн. Морин
хуур, хулсан хуур хөгжмүүдээр хичээллэж байна. Хулсан хуурыг анх сурч байсан.
Маш эртний хөгжим юм билээ. Эрт үед ясаар хийдэг байсан бол хөгжлийнхөө явцад
өөрчлөгдсөөр хулсан хуур болсон. Түүх нь их гоё болохоор бидний сонирхлыг
татсан юм.

Бид хоёр бүхий л зүйлийг хамтдаа хийж
ирсэн учраас зорилго маань нэг байдаг

 

-Мундаг авьяаслаг
охид юм аа. Бүх
зүйлсийг хамтдаа хийж сурдаг уу?

-Н.Мөнхшүр: Тийм ээ. Бүхий
л зүйлийг хамтдаа хийж ирсэн учраас зорилго маань нэг байдаг.

-Та хоёр Бээжинд суралцдаг гэж сонссон.
Ямар мэргэжлээр суралцаж байна вэ?

-Мөнхшүр:
Одоо Бээжингийн их сургуулийн хэлний бэлтгэлд суралцаж байна.

-Төрийн соёрхолт УДЭТ-ын ерөн­хий
найруулагч Н.Наран­баатарын бүтээл \”Зүүдэнд ч ором­гүй явдал” кинонд тоглосон.
Энэ талаар
яриач? 

-Н.Мөнхшүр: Бид Монголын ихрүүдийн холбооны гишүүд шүү дээ. Дөнгөж төрөнгүүтээ л бүртгүүлсэн байх. Үйл ажиллагаа болгон дээр идэвхтэй оролцдог. Ялангуяа холбооныхоо урлаг, спортыг хөгжүүлээд явж байгаа. Манай холбоонд бүртгэлтэй дөрвөн мянга гаруй ихэр байдаг. Харин энэ кинонд оролцох болоход манай холбооны тэргүүн Ч.Үржинбадам эгч \”Ихрүүдийн тухай кино хийж байгаа юм байна. Та хоёр оролцоорой” гэж хэлсний дагуу бид хэсэгхэн ч гэсэн гардаг. Үүндээ маш их баяртай байгаа. Энэ кино нь ихрүүдийн амьдралд тохиолддог сонирхолтой үйл явдлыг хөндөж чадсан гэж боддог. 

Урлагаар багаас минь хичээллүүлсэн хүмүүс бол
эмээ, өвөө хоёр

 

 

-Одоо та хоёрт кинонд тоглох санал ирж байна уу?

-Н.Энхшүр: Одоохондоо киноны санал ирээгүй байна. 

–Урлаг, спортын олон төрөл рүү хөтлөн оруулахад ээж, аавынх нь нөлөө их байсан байх?

-Н.Мөнхшүр: Урлагаар багаас
минь хичээллүүлсэн хүмүүс бол эмээ, өвөө хоёр. Тэд урлагийн хүмүүс биш хирнээ тэмцээн, уралдаан, тоглолт бүрийн
ард үргэлж тусалж дэмжиж байдаг. Аав, ээж болон багш нар ч гэсэн байнга дэмжиж байдаг юм. 

-Та хоёрыг андуурах тохиолдол их гардаг
байх аа?

-Н.Мөнхшүр: Андуурах тохиолдол маш их
гардаг. Гэхдээ удаан хараад, хамт байгаад ирэхээрээ ялгаж эхэлдэг. 

-Н.Мөнхшүр: Амжилтаа улам ахиулна.

-Цаг гаргаж ярилцсан та хоёрт баярлалаа.

Н.Алтанцэцэг